mánadagur 26. mars 2018síða 13

13 Mánadagur 6. januar 2014 · Nr. 2 Sosialurin Mánadagur 26. mars 2018 · Nr. 36 Hugskot og viðmerkingar – send sms til 225000 STUTTSØGD Torkil Veyhe varð kosin sum mest álopssinnaði súkklarin í Tour de Normandie. - Hetta er ein ábending um at eg eri á rættari leið, sigur føroyski súkklarin Pætur Albinus HONDBÓLTUR Áki Egilsnes og liðfelagarnir í íslendska KA av Akureyri vunnu fríggja­kvøldið 26-22 ímóti Vali U í næstbestu íslendsku deildini. Hetta var seinasti dysturin í grund­ spælinum, og um eydnan var við KA – tað vil siga, um oddaliðið Akureyri tapti sín dyst – so hevði KA vunnið deild­ina og flutt beinleiðis upp. Hetta hendi tó ikki, og KA skal nú spæla upp- og niðurflytingardystir ímóti næstaftasta liðnum í bestu deild­ini. Áki Egilsnes, sum hevur sátt­mála við KA næstu tvey árini, hevur verið greiður toppskjútti á lið­num í ár. Í 14 dystum hevur hann skot­ið 92 mál. Tann, ið hevur skotið næst­flest, Andri Snær Stefánsson, hevur skotið 68 mál. Í næstbestu donsku deildini hava føroyingar eisini verið í dysti, og tann, ið útmerkaði seg, var Jónas G. Djur­huus, sum varð kosin at vera dagsins maður í 30-27-sigrinum hjá HØJ ímóti Ajax København. Jónas skeyt trý mál, og sigurin var ógvuliga týdningarmikil, tí nú hevur HØJ trý stig niður til niðurflytingarstrikuna. Helgi H. Hoydal og teir úr Odder taptu hin­ vegin eisini ein týdn­ingar­miklan dyst. Hetta var dysturin um triðja plássið ímóti Lemvig-Thyborøn, og við 33-31-tapi kann Odder ikki longur røkka triðja plássinum og upp­flyt­ingarspæli til bestu deild­ ina. FIF við Róa Berg Hansen á lið­num fekk av at vita og tapti 35- 14 á útivølli ímóti Frederikshavn. Rói skeyt eitt mál fyri liðið, sum er greitt á aftasta plássi. Leygardagin spældi liðið hjá Kjartani Johansen, Fyllingen Bergen, fyrru fjórðingsfinaluna í evro­peisku Challenge Cup-kapp­ ing­ini ímóti rumenska liðnum, Potaissa Turda. Leingi sá gott út hjá Fyllingen Bergen at fáa eitt líkindi úrslit við sær til Bergen aftur, og tá bert 10 minuttir vóru eftir var støðan javnleikur 21-21. Men seinastu løtuna gekk ikki væl í hond, og heimaliðið Potaissa Turda vann at enda 29-24. Í steðginum var heimaliðið á odda 12-11. Returdysturin verður í Framo-høll­ ini í Fyllingen 2. páskadag. Kjartan Johansen sum hevur skotið fitt av málum fyri Fyllingen Bergen seinastu dystirnar fekk eitt mál fyri Fyll­ingen Bergen hesaferð. Andreas Gjeitrem, venjari hjá Fyllingen Bergen sigur við lokalar miðlar í Bergen, at hann hevur góðar vónir um, at liðið kann heinta inn fimm­ málsleiðsluna hjá rumenska lið­ num 2. páskadag. SÚKKLING Føroyski súkklarin, Torkil Veyhe, hevur seinastu vikuna súkklað í fronsku súkklukappingini, Tour de Normandie, saman við lið­feløg­ un­um á danska liðnum, Team VIRTU Cycling. Torkil royndi seg í fleiri umførum í útbrotum, og á sjeynda og seinasta teininum í gjár var tað um reppið at eydnast, tá ið hann og hinir í útbrotinum vórðu fangaðir av feltinum tríggjar kilo­ metrar áðrenn málstrikuna. Kasper Asgreen var besti maður hjá Team VIRTU Cycling í samlaðu kapp­ ingini. Hann bleiv nummar 18 og var 50 sekund aftanfyri vinnaran, enska Thomas Stewart frá Team JLT Condor. Torkil bleiv nummar 62, 13 minuttir og 53 sekund aftan­ fyri. - Vit komu fyri at vinna, og tað gekk sum sæst ikki. Eg haldi tó vit hava víst góðan hugburð, og her eru nøkur ting, sum vit kunnu taka við víðari og læra av. Við eitt sindur meira av hepni høvdu vit sikkurt fingið nógv meira burturúr, sigur Torkil Veyhe og leggur afturat: - Men soleiðis er súkkling nú eina­ ferð. Torkil Veyhe er tó ikki komin sum av torvheiðum heimaftur frá kapp­ingini. Hann varð nevni­ liga heiðraður sum tann mest álops­sinnaði súkklarin út av øllum teimum 150 súkklarunum í kappingini. Mín máti at súkkla uppá er at leypa og og koyra frá rest­ini, um eg skal vinna. Tað verður ofta heiðrað við slíkum heiðri, men tað ber sjálvandi ikki til, um man ikki er væl koyrandi, so hetta er heilt víst ein ábending fyri meg um, at eg eri á rættari leið, sigur Torkil Veyhe um at verða heiðraður sum mest álopssinnaði súkklarin í Tour de Normandie. TALV Eftir tvey umfør er Helgi Dam Ziska einsa­mallur á odda í meistara­ flokki­num í FM-kappingini í talvi fyri einstaklingar. Stórmeistarin hevur sum tann einasti vunnið bæði talvini higartil. Helgi hevur verið ógvuliga sannførandi við svarta fólkinum í báðum fyrstu um­ førunum. Leygardagin vann hann á Ólavi Simonsen, og sunnudagin á Rógva Mortensen. Í øðrum umfari offraði hann óvæntað finnu frúgvar­megin í einari Samisch- líkari støðu í kongaindiskum, men fekk sera gott spæl og vann í stór­ um stíli. Rógvi Egilstoft Nielsen snávaði. Rani Nolsøe lumpaði hann og átti helst at vunnið, men frysti og beyð remis í knappari vend. Rani telvaði varnari enn hann er vanur við hvíta fólkinum, uppstillingin minti eitt sindur um tað, sum í gomlum døgum var kallað fyri tofta­indiskt, men tá ið Rógvi fór í kongs­álop, var hann tikin á bóli, tí brádliga stóð ein riddari hjá hon­ um ikki til at bjarga. Rógvi kann fegnast um, at hann ikki tapti, og Rani iðra seg um, at hann ikki vann. Carl Eli Samuelsen vann í drúgvum talvi á Hans Kristiani Simon­sen, sum í fyrsta leiki flutti hvíta finnu á a3. Eitt nýtt originalt rock´n´roll riff frá kollfirðinginum. Endamálið var helst at taka Carl Eli á bóli, tí tað er barnalærdómur, at soleiðis flytur tú ikki í fyrsta leiki. Men hvussu er og ikki; Hans Kristian fekk fína støðu, og mundi hava fyrimunin eina løtu. Men Carl Eli er góður kamptelvari og fekk so líðandi vent støðuni til egn­an fyrimun. Í fjórða talvinum millum Sjúrð Thorsteinsson og Ólav Simonsen skakaðist javnvágin ikki, og talvið endaði javnt. Støðan í Landsliðsbólkinum: Helgi Dam Ziska 2 stig, Rógvi Egilstoft Nielsen 1½, Carl Eli Samuelsen 1½, Rani Nolsøe 1, Sjúrður Thorsteinsson 1, Ólavur Simonsen ½, Rógvi Morten­ sen ½, Hans Kristian Simonsen 0. Yrkadagarnar fyri páskahalguna verður ikki byrjað at telva fyrr enn klokkan 16:00 á degi. Í triðja um­ fari verður telvað soleiðis í FM- bólki­num: 3. umfar (mánadagin 26. mars kl. 16:00) Rógvi Egilstoft Niel­sen - Rógvi Mortensen, Carl Eli Samuelsen - Rani Nolsøe, Ólavur Simonsen - Hans Kristian Simon­ sen, Helgi Dam Ziska - Sjúrður Thorsteinsson. Í 1. bólki eru tríggir telvarar á odda við 1½ stigi. Teir eru Herluf Hansen og Heið­rikur Jacobsen úr Havnar Telving­ arfelag og Janus Skaale úr Klaks­ víkar Talvfelag. Í almenna bólki­ num er Jón Andreasen úr Havnar Telv­ingarfelag einsamallur á odda við tveimum stigum, og í unglinga­ bólki­num eru Suni í Horni Nielsen úr Sandavágs Talvfelag og Rógvi Mørkøre úr Kollafjarðar talvfelag fremstir við fullum stigatali eftir fyrstu tvey umførini. albinus@sosialurin.fo Torkil fekk heiður í Fraklandi