mánadagur 26. mars 2018síða 14

Mánadagur 26. mars 2018 · Nr. 36 14 Sosialurin Hugskot og viðmerkingar – send sms til 225000 FLOGBÓLTUR Menninir á føroyska U20-landsliðnum hava verið á einari ferð við kenslum, har teir vóru fyri sera svárum tapi og síðani einum ótrúligum comeback-sigri. Teir lendu á einum virðiligum øðrum plássi í EM fyri smátjóðir, sum Føroyar hava verið vertir fyri hetta vikuskiftið U20-menninir: NÆSTBESTA SMÁTJÓÐIN Í EVROPA Pætur Albinus Føroyska U20-landsliðið hjá monn­ um í flogbólti hevur um vikuskiftið lut­tikið í EM-undankapping fyri smá­tjóðir, sum Føroyar hesaferð vóru vertir fyri í stórhøllini á Hálsi í Havn. Liðið var mannað við nógvum SÍ-spælarum. Sjey út av 12 spælar­ um vóru úr SÍ, og eisini venjarin er tann vælkendi SÍ-venjarin, Rajko Petro­vic. Fyrsti dysturin hjá føroysku monn­unum varð spældur fríggja­ kvøldið. Mótstøðulandið var Ísland, sum Føroyar áður hava vunnið á, og við góðum spæli løgdu Føroyar seg eisini á odda 2-0 í settum. Tað fyrsta varð vunnið sannførandi 25- 17, og tað næsta 25-23. Føroyar stevndu ímóti einum 3-0-sigri, men so skjótt teir tóku sær av løttum, so tók Ísland av og vann triðja sett 25-18. Føroysku menninir ressaðust tó aftur í fjórða setti, har teir eftir eitt tætt sett vístu gott støði ímóti endanum og umvegis 25-18 vunnu teir hendan fyrsta dystin í kappingini 3-1. Dagsins maður á føroyska lið­ num hendan dagin var Dávið Hentze, ið sambært saman­telj­ing hjá evropeiska flogbólts­sam­bandi­ num syrgdi fyri heili 24 stigum til Før­oyar. Svárt tap Annar dysturin varð spældur ímóti Skot­landi leygardagin. Føroyar vóru á odda bæði 1-0 og 2-1 í settum, men Skotland javnaði til 2-2 og neyðugt var við einum fimta og avgerandi setti. Tað gjørdist til eitt satt drama. Føroyar vóru á odda 11-9, tá ið tveir føroy­ingar brustu saman. Hákun H. Weihe keikti fótin og mátti av vøllinum. - Tað føldist sum eg lendi á fóti­ num hjá einum av hinum, og so lendi eg skeivt, sigur Hákun um hend­ingina. Hetta skapti ein steðg í dysti­ num, sum Skotland gagnnýtti og koppaði til sín fyrimun. Skotland vann settið og dystin við allarminsta muni, 3-2 og 15-13 í avgerandi setti, og hetta tapið var ógvu­liga svárt hjá føroyingunum. - Hetta var ikki gott. Tað var tætt, serliga nú í fimta setti. Eg haldi, at vit burdu vunnið, segði Hákun H. Weihe eftir dystin. Comeback Undan triðja og seinasta dystinum sunnudagin var longu greitt, at Føroyar í minsta lagi fóru at røkka blíva nummar tvey í kappingini. Orsøkin var, at Ísland hevði vunnið ímóti Skotlandi fyrr á degnum. Tað bar við sær, at Føroyar við einum 3-0- ella 3-1-sigri ímóti Luksemburg í hesum seinasta dystinum hevði vunn­ið kappingina. Luksemburg er eitt sera sterkt lið, og hetta prógvaðu teir fyrstu løtuna, har teir løgdu seg á odda 2-0 í settum og eisini vóru ávegis 3-0 við rímiliga greiðari leiðslu í triðja setti. Men so vendist gongdin. Føroyar høvdu eftir fyrstu tvey settini mist møgu­leikan at vinna kappingina, og nú teir kundu spæla frítt vóru teir helst betri enn nakrantíð áður í kappingini. Spælið var stundum framúr gott, og Føroyar javnaðu til 2-2 í settum. Í avgerandi settinum vóru Før­ oyar á odda 6-1, og hóast Luksem­ burg svaraði aftur og kom á odda 13-12, so var tað hesaferð Føroyar, sum átti tørn at koppa tað til sín lut í avgerandi løtuni. Føroyar vunnu 15-13 og 3-2 í einum framúr vøkrum come­back-sigri. Uppreisn og eitt 2. pláss til Føroyar í EM-kappingini fyri smá­ tjóðir í flogbólti, sum Føroyar hava verið virðiligir vertir fyri. - Her er eitt sterkt apparat, ið er aftanfyri. Eg havi eina nevnd, sum er góð og ger nógv, og feløg, ið bakka upp tá ið slík tiltøk eru. Tað er tað sum ger, at tað yvir­høvur ber til, segði formaðurin í Flog­bólts­ sam­bandi Føroya, Magnus Tausen, eftir kappingina. albinus@sosialurin.fo EM fyri smátjóðir Úrslit: Føroyar – Ísland 3-1 (25-17, 25-23, 18-25, 25-18) Føroyar – Skotland 2-3 (25-19, 21-25, 25-20, 21-25, 13-15) Føroyar – Luksemburg 3-2 (12-25, 20-25, 25-22, 25-18, 15-13) Støðan Land Stig 1. Luksemburg 7 2. Føroyar 6 3. Ísland 3 4. Skotland 2