mánadagur 26. mars 2018síða 20

Mánadagur 26. mars 2018 · Nr. 36 20 Sosialurin Hugskot og viðmerkingar – send sms til 225000 André Olsen Tað hevur ofta verið so, at um ein ella tveir úr betra enda­num eru farnir burturúr á føroyska landsliðnum, hevur tað skjótt ávirka avrikini. Men á venj­ingar­ leguni hjá a-landsliðnum í fótbólti í farnu viku, var tað mótprógvað. Har fingu nærum allir leikararnir líka nógva spælitíð til báðar dystirnar ímóti Lettlandi og Liktinstein, og allíka­væl vóru avrikini í báðum dystunum góðkend. Móti Lettlandi hós­dagin endaði dysturin við 1-1 javnleiki, og móti Liktinstein sunnu­dagin vunnu Føroyar greið­ an 3-0 sigur, sum eisini var fult uppi­borin. Skuldu vunnið móti Lettlandi Móti Lettlandi hósdagin vóru kanska ávís viðurskifti, ið kundu verið betri. Men tá samanumkom vóru Føroyar nógv nærri við at vinna dystin, enn at Lettland var við at vinna hann. Tá var stóri trupul­leikin tann, at føroyingarnir ikki megnaðu at útbyggja 1-0 leiðslu­na, sum liðskiparin, Atli Greger­sen hevði tryggja teimum, til eina tvey ella trý – nulls leiðslu, og at konsentratiónin í verjustøðu sveik hjá føroyska liðnum. Tað var als ikki tað, at man nakrantíð kendi seg útspældan móti Lettlandi, sum annars fyri nøkrum árum síðani var eitt land, sum var mett at vera væl betri enn Føroyar. Breiddin prógvaði seg móti Liktinstein Móti Liktinstein sunnudagin, var stórur munur millum liðini. Tað hóast at Lars Olsen í byrjunar­ upp­stillingini royndi fleiri nýggjar leikar­ar, og at hann í hálvleikinum gjørdi fýra broytingar. Endaliga úrs­litið av dystinum var ein greiður 3-0 sigur til Føroyar. Kundu spælt betur Ein av leikarunum sum fekk møgu­leikan frá byrjan móti Liktin­stein sunnudagin, var ÍBV leik­arin, Kaj Leo í Bartalsstovu. Tá samanumkom var Kaj Leo í Bartals­stovu eisini dagsins leikari, tí hann bæði skeyt upp til mál og legði upp til eitt annað mál. Í 3-0 sigrinum móti Liktinstein. Kaj Leo í Bartalsstovu heldur, at føroyska liðið kundi havt spælt betri sunnu­ dagin, men at teir eru væl nøgdir við at vinna dystin. Eg haldi at vit til tíðir vístu gott spæl, men vit kunnu og hava spælt betur dystir. Persónliga er tað sjálv­ andi stuttligt bæði at skora og at fáa eitt upplegg, men tað sum var mest umráðandi var, at vit skuldu vinna dystin. Vit tosaðu nógv um undan dystinum, at hetta var ein dystur sum skuldi vinnast. Vónar at byggja víðari á avrikið Kaj Leo í Bartalsstovu heldur sum heild, at føroyski hópurin hevur fingið væl burturúr venj­ingar­ leguni í Marbella í Spania, og at før­ oyski hópurin meir og meir finnur sín egna samleika. Sum hópur haldi eg at vit finna okkara samleika meir og meir, og vit hava havt nógvar góðar venjingar, og tveir dystir, sum eg haldi at vit kunnu vera nøgdir við. Og so er tað bara deiligt at vera samlaðir aftur – tað er altíð deiligt at síggja allar liðfelagarnar á landsliðnum aftur, og samanhaldið í hópinum er framúr. Reint persónliga vóni eg eisini at eg kann byggja míni avrik á landsliðnum víðari frá dystinum móti Liktinstein, og vónandi kann tað gerast enn betur, sigur Kaj Leo í Bartalsstovu. Lars hevur luksus trupulleika Útfra dystunum móti Lettlandi og Liktinstein, kann í øllum før­ um staðfestast, at breiddin á før­oyska landsliðnum sjáldan hevur verið betri, enn hon er í løtu­ni. Og tá skal havast í huga, at einkultir profilar manglaðu til báðar dystirnar. Millum annað mál­verjin Gunnar Nielsen, met­ maðurin á miðvøllinum, Fróði Benja­min­sen, og teir báðir føstu vinstru bakkarnir, Viljormur David­sen og Ári Mohr Jónsson. Tí hevur føroyski landsliðsvenjarin, Lars Olsen, ein sokallaðan luksus trupul­leika seinni í ár, tá hann skal seta liðið til Uefa Nations League kappingina, ið er ein gylt­ur møguleiki hjá Føroyum at sleppa við til EM. Tað vóru í øllum førum nógvir leikarar, ið tóku av møgu­leika­num í Spania. andre@sosialurin.fo LANDSLIÐIÐ FEKK FLOTT ÚRSLIT Í SPANIA Hóast nærum allir í hópinum hjá Lars Olsen fingu líka nógva spælitíð til teir báðar dystirnar móti Lettlandi og Liktinstein á venjingarleguni, vóru úrslitini í báðum dystunum góðkend. Kaj Leo í Bartalsstovu, ið var dagsins leikari móti Liktinstein sunnudagin, er væl nøgdur við venjingarleguna