mánadagur 9. apríl 2018síða 16

Mánadagur 9. apríl 2018 · Nr. 40 16 Sosialurin Hugskot og viðmerkingar – send sms til 225000 Jóannes Hansen Tað skal gravast djúpt og leingi fyri at finna paralell til gongdina hjá KÍ, sum hon hevur verið higartil í ár. Í gjár vunnu klaksvíkingar fyrsta heimadystin. Tað var ímóti AB, og úrslitið var 3-1. Harvið sigur stigatalvan, at úrtøkan eftir fýra umfør er tólv stig. Tað eru 49 ár síðani, at tað hevur hilnast so væl hjá teimum bláu og hvítu. Tað var í 1969, ella tá ið 66 liðið var upp á tað besta. Í 1969 vann KÍ ikki bara tær fyrstu fýra ferðirnar. Tað vóru fimm lið í meistaradeildini, og kappingin fevndi harvið um átta umfør. Jógvan Klakkstein, Karl Gudmund Henriksen, Ólavur Thomsen, Magnus Kjelnæs, Heðin Baldvinsson, John Sigurd Joensen, Steinbjørn Jacobsen, Olvheðin Jacobsen, Páll Sigmund Sørensen, Jóannes Jacobsen, Sofus Baldvinsson, Jógvan Jacobsen og Eyolvur Joensen vunnu allar átta dystirnar og harvið FM við samantalda málmuninum 25-12. KÍ var eisini meistari í 1970, 1972, 1991 og 1999, men einki av hesum árunum var úrtøkan fýra tey fyrstu umførini í nánd av tí, sum hon hevur verið higartil í ár. Í vikuskiftisblaðum varð víst á, at tølini seinastu tjúgu árini siga, at tað er bara fimtu hvørja ferð, at tað liðið, sum er fremst eftir fýra umfør, eisini vinnur FM. Lagið var í gjár gott kring vøllin á Eiðinum í Klaksvík, har tað vóru lutfalsliga nógvir áskoðarar, hóast høgættin beit inn á bein. Spælararnir royna at halda seg burtur frá øllum prátinum og buldri­num hjá FM svongu viðhalds­ fólk­unum. -Tað ræður um at vera ovast um eitt hálvt ár. Nú spældi tað væl av ímóti AB, men ikki minst móti AB stendur tað frískt í huganum hjá okkum, hvussu tað kann ganga øðrvísi, enn tað verður roknað við, um fokus ikki er fult og heilt har, sum tað skal vera, minnir KÍ málverjin Meinhardt Joensen á. Jóannes í miðdeplinum KÍ – AB 3-1 Í gjár var tað 21 ára gamli Jóan­ nes Bjartalíð, sum serliga var í fokus. Heimaliðið legði bragdliga fyri. Tað ráddi um at fáa hol á beinan­vegin og at økja um leiðsluna og harvið at punktera spenningin. Tað eydnaðist at fáa hol á, og tá ið hálvur tími var farin, var tað 2-0. Tá ið ein tími var farin, var Ras­ mus Dan Sørensen tann fyrsti mót­ støðumaðurin, sum fekk bóltin fram­við Meinhardti Joensen, sum har­við helt tætt í 370 minuttir. Tað kendist sum ein lítil skelkur í heimaleguni, at málmunurin aftur var bara eitt mál, men so var tað, at Jóannes Bjartalíð umsetti brots­ spark til mál, og harvið var spenn­ ingurin burtur. -Hetta var áminning um, at eingin avbjóðing er løtt í bestu deildini í 2018. Um allir ikki eru støðugt fokuseraðir, so gongur tað ikki. Vit vóru ikki nóg savnaðir eina løtu í seinna hálvleiki, og so skoraði AB. Tíbetur var tað bara ein lítil løta, inntil vit aftur vóru frammanfyri við tveimum málum. Vit høvdu møguleikar at skora uppaftur fleiri ferðir, men vit eru nøgdir við at vinna 3-1, sigur trímálaskjúttin Jóannes Bjartalíð, sum tvær ferðir áður – báðu ferðirnar í 2016 – hevur skorað hattrikk í landskappingini. Eftir tveir javnleikir hevur AB nú tapt tvær ferðir. -Tað var spell, at vit í fyrra hálvleiki góvu teimum tvey mál. Vit ætlaðu at liggja tættir í teimum og varðveita málleysa javnleikin, men stór mistøk í verjupartinum bóru við sær, at fyritreytirnar vóru burtur. Eftir steðgin royndu vit at vera tættari í teimum og at bjóða teimum av longri frammi á vøllinum, og tað eydnaðist eina løtu, tá ið teir kendust vera ikki heilt álvuligir við støðuna. Vit minkaðu um munin, men tíverri fingu vit so eitt brotsspark ímóti okkum, og so gekk tað ikki, staðfestir framrættaði AB spælarin Jobin Drangastein. HB er á Europa plássi EB/Streymur – HB 0-1 Eftir soltna úrtøku undanfarnu tvey árini er minsta kravið hjá HB í ár, at tað eydnast at vinna fjórða plássið og harvið atgongd til europeisku kappingina í 2019. Eftir fýra umfør vísir støðutalvan, at HB er á fjórða plássi. Harvið er liðið um at fóta sær eftir eitt sindur trilvandi byrjan. Einasta málið á Hólmanum á Eiði í gjár skoraði Símun Samuelsen við brotssparki, tá ið seinni hálvleikur var hálvrunnin. Dómarin vildi vera við, at Oddur Højgaard hevði tikið beinini undan Dan í Soylu. -Hetta var tætt, og tað kundi farið báðar vegir, og vit eru fegnir, at tað eydnaðist okkum at vinna. Vit hava nýtt lið og nýggja spælskipan. Nú hava vit vunnið tveir og spælt ein javnan, so vit eru væl nøgdir, sigur Dan í Soylu, sum í fjør spældi við júst EB/Streymi. Í heimaleguni iðraðu teir seg um tapið, og teir kendu seg at hava havt marginalirnar ímóti sær. Teir vóru ikki nøgdir við brotssparksdómin, teir kendu seg snýttar fyri útjavnandi málið, tá ið innskifti Arnbjørn Hansen varð veitraður at vera rangstaddur, tá ið hann setti bóltin í málið, og so kendu teir seg eiga brotsspark, sum ikki varð dømt. -Vit høvdu momentum, tá ið Arnbjørn setti bóltin í málið. Hetta var avgerandi støða, tí um vit høvdu javnað tá, so kann tað so væl vera, at vit høvdu skorað eitt aftrat, tí tá vóru vit grammir og høvdu nógv álopsspæl. Spælið gongur alt betri, og vit vóna og rokna við, at liðið fer at mennast støðugt, sigur Pætur J. Petersen, sum í gjár var framrættaður í vinstru. Tolin trívst við Løkin NSÍ – 07 Vestur 3-1 Tað var málleyst, tá ið teir fóru at hvíla seg við Løkin í Runavík, har 07 Vestur vitjaði. Gestirnir vóru væl skipaðir í verjupartinum í fyrra hálvleiki, tá ið NSÍ hevði eina rúgvu av spentum støðum í brotsteiginum frammanfyri stinna Ivan Stojkovic. Eftir ein tíma fekk heimaliðið hol á, tá ið Árni Frederiksberg við framúr horna úr høgru sendi bóltin beinleiðis í málið. Árni Frederiksberg var sera sentralur. Hann átti innleggið, tá ið miðverjin Jóhan Troest Davidsen økti til 2-0, og hann spældi snilt til baklinjuna í høgru, so Bárður J. Hansen kundi leggja í høvdið á Pól Jóhannus Justinussen, sum við høvdinum staðfesti 3-1 sigurin. 07 Vestur minkaði um munin, tá ið Gilli Samuelsen hegnisliga lyfti bóltin framvið Tórði Thomsen, eftir at Høgni Egilstoft Nielsen hevði spælt hann leysan við framlegging í høgru. -Vit høvdu tak á tí, og fót­bólts­ spælið hekk alla tíðina væl saman. Tí roknaðu vit við, at tað fór at gleppa, hóast vit ikki vunnu úrtøku úr góðum møguleikum í fyrra hálvleiki, sigur NSÍ venjarin Sámal Erik Hentze. FÓTBÓLTUR KÍ hevur ongantíð lagt so bragdliga fyri síðani í 1969, tá ið tað eydnaðist at vinna allar átta landskappingardystirnar TAÐ ER SUM Í TRÝSSUNUM FRÓÐI ÓLASON OLSEN AB: Var ikki staddur i klax í dag. Um ikki annað, so vóru vit teir fyrstu ið skoraðu móti komandi føroyameistarunum. RÓGVI DAM EB/STREYMUR: Hvussu skal tað vera tá íð vit spæla, og fáa mál annulera sum ikki var offside, og straffi sum einki var dømt. Eg havi ikki orð fyri tí. Saman standa vit sterk. KRISTIAN JOENSEN KÍ: Hetta var einki tiki taka, alt í alt ein keðiligur fótbóltsdystur, har tað var klassamunur a liðunum. Vit gjørdu ikki meir enn neyðugt, enn er møguligt at fáa 81 stig JAN BOLSTAD ANTONIUSSEN NSÍ: Tað gekk longi at fáa hol á, men okkara menn hildu høvdið kalt, og tað gav at enda úrslit. Tað verður spennandi at spæla á Hólmanum aftur í komandi viku! Góðir! BJØRG OLSEN SKÁLA: Góður sigur aftur í dag. 6 stig og 5 mál aftaná 4 dystir boðar frá góðum. Spæla góðan fótbólt, og so hava vit Brian, sum er flúgvandi í løtuni. Go Skála