hósdagur 12. apríl 2018síða 20

FRÍGGJADAGUR 13. APRÍL 2018 SOSIALURIN 42 20 SAMRØÐA: Gudny Langgaard - Eg ynski at fleiri kvinnur fáa álitisstørv í Føroyum, bæði tá talan er um politikk, nevndir og leiðslu. Um tað ger meg til ein reyðsokk, ja men so eri eg tað. Persónliga kann eg ikki siga, at mítt upplivilsi um kvinna í privata vinnulívinum hevur á nakran hátt verið neilig. Tað sigur Gudny Langgaard, sum 1. mai tekur við sum stjóri í Vága Floghavn HALLUR AV RANA T að mundi taka tey flestu á bóli, tá tíðindini bórust 16. november 2017, at Jákup Sverri Kass, stjóri í Vága Floghavn, og nevndin í P/F Vága Floghavn vóru vorðin samd um at enda samstarvið millum part­ar­nar. Sum heild peikaðu allir pílar beint upp eftir hjá felagnum. Nýgg­ ja støðan hjá Føroyum sum eitt óspilt og ótrúligt land í eygunum hjá útlendskum ferðafólkum hevur undanfarnu árini økt munandi um talið av ferðafólkum, ið ferðaðust um flogvøllin, ein nýggjur ter­mi­ nal­ur bleiv tikin í brúk fyri fáum ár­um síðan og tað eydnaðist at økja um kundaskaran hjá felag­ num, tá danska felagið SAS byrjaði regluliga flúgving millum Dan­ mark og Føroyar. Harumframt hevur felagið havt samskifti við fleiri onnur útlendsk flogfeløg, ið vóru áhugað at flúgva til Føroyar. Alt tykist at ganga rætta vegin og tí kom tað óvart á, tá felagið mið­skeiðis í november boðaði frá, at tað skuldi hava nýggjan stjóra. Áhugin fyri at taka yvir eftir Jákup Sverra Kass var ovurhonds stórur. Tá umsóknarfreistin var farin 1. februar hevði nevndin fingið 68 umsóknir til starvið, harav 59 menn og 9 kvinnur. Nevndin brúkti næstu tveir mánað­irnar at velja rætta persónin at leiða felagið víðari og fall valið at enda á eitt frammanundan kent navn í føroyska vinnulívinum, Gud­ny Langgaard, sum í fleiri ár var stjóri í føroysku telefyritøkuni Voda­fone Føroyar. Drúgvar royndir Nýggi stjórin í Vága Floghavn er 39 ára gomul og hevur nomið sær eina bachelor-útbúgving í International Marketing Management frá Bournemouth Univeristy og eina master-útbúgving frá Liverpool Uni­versity. Av arbeiðsroyndum kann nevn­ast, at umframt at hava verið stjóri í Vodafone Føroyar í fimm ár, hevur Gudny Langgaard eisini royndir sum sølu- og mark­naðar­ leiðari í Sosialinum og Voda­fone. Harumframt er hon í løtu­ni nevnd­ arlimur í FO-ráðnum, Krea, Ílegg­ ingargrunninum og bý­ráðs­limur í Eysturkommunu. Tað var í Vodafone, at Gudny Lang­gaard fyri fyrstu ferð settist í stjórasessin í einari privatari fyri­ tøku við fleiri starvsfólkum undir sær. Og sum heild minnist hon aftur á tíðina í telefyritøkuni við gleði og sum eina tíð, tá hon lærdi nógv um leiðslu. - Mær dámdi sera væl á Voda­ fone. Tað var ein ógloymandi tíð. Eg lærdi so ómetaliga nógv, so tað er trupult at raðfesta hvat hevur størstan týdning, men tað at hava tey røttu fólkini í starvi, er sera týdningarmikið. Eg vil siga, tað er avgerandi. At tora at taka av­ gerðir er eisini týdningarmikið og so grundleggjandi menniskjalig krøv, so sum at verða erligur, lurta, sam­skifta væl, vera nærverandi við meira, sigur Gudny Langgaard. Tíðin í Vodafone endaði brád­ liga, tá felagið í tíðindaskrivi kunn­gjørdi, at stjórin var farin úr starvi og at Bárður Nielsen, tá­ ver­andi fíggjarstjóri, fyribils tók við leiðsluni av felagnum. Ongin al­menn frágreiðing var tá um hví stjór­in brádliga legði frá sær. Í dag vátt­ar Gudny Langgaard leysa­ søgur­nar um, at viðurskiftini mill­ um nevndarformannin og leiðslu ikki vóru av teimum bestu, og var tað ein av orsøkunum til, at hon valdi at leggja frá sær. - Táverandi nevndarformaðurin og eg fingu ósamsvar í okkara mein­ingum um nøkur viðurskifti. Hann valdi at trekkja seg sum nevndarformann og nýggjur kom til. Men at verða stjóri í einari fyri­ tøku krevur sera nógv og eg merkti, at mín motivatión ikki var sum hon plagdi. So eftir eina um­hugsunartíð, metti eg ikki, at støðan var haldbar, hvørki fyri meg og ei heldur fyri Vodafone. Tí valdi eg at fara, greiðir Gudny Lang­gaard frá um avgerðina at fara frá Vodafone eftir fimm ár í stjóra­starvinum. Eitt ár seinni Tá Gudny Langgaard formelt tekur við starvinum sum stjóri í Vága Flog­havn 1. mai, er eitt gott ár liðið síðan hon fór úr stjórastarvinum í Vodafone Føroyar. Hóast hon í við­ førinum hevur fleiri ára royndir frá pri­vata vinnulívinum, so er tað ein heilt nýggj avbjóðing, ið nú bíðar hen­ni, tá hon tekur við leiðsluni av al­menna partafelagnum. Frammanundan hevur Gudny Lang­gaard ongar royndir innan før­oysku ferðavinnuna ella sam­ ferðsluna, men júst tað, at talan er um eina nýggja avbjóðing í einari vin­nu, ið er undir stórari menning, var ein av orsøkunum til, at hon av fyrsta tíð valdi at søkja starvið. - Vága floghavn er ein spenn­ andi fyritøka, sum hevur víst stóra framgongd seinastu árini. Vit síggja framhaldandi vøkstur í ferðavinnuni og kemur tað at seta fleiri krøv og gevur nýggjar møgu­ leik­ar. Arbeiðsplássið, vinnan og av­bjóðingin tiltala meg og tí valdi eg at søkja hetta starvið, sigur Gudny Langgaard. Stórur vøkstur Tað er eingin loyna, at Gudny Lang­gaard tekur yvir eina fyri­ tøku, ið hevur upplivað ein - Vit hava ein luksus trupulleika í og við at ferðavinnan stendur í vøkstri og tað setur krøv til millum annað flogvøllin. YNSKI FLEIRI KVINNUR FÁA ÁLITISSTØRV Í FØROYUM