mánadagur 16. apríl 2018síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 16. apríl 2018 · Nr. 43 Samgongan sloppin um ringastu forðinganar Ferð er komin á aftur tingarbeiðið, nú tað bert eru fáir dagar til formaðurin ætlar at senda tingið heim Arni Gregersen Stígur hevur verið í tingarbeiðnum í drúgva tíð, men nú kemur ferð á aftur. Hetta hendir, nú fleiri nevndir eru komnar við álitum í seinastu viku. Álitum, sum millum annað av politiskum ávum, ikki vóru komnin úr nevndunum. Mest avgerandi fyri sam­gong­ una er, at álit, sum hava við pen­ sjóns­nýskipanina at gera, komu úr nevnd­unum, tí pen­sjóns­ný­skip­an­ in er eitt av teimum málum, sum sam­gongan hevur sett sær fyri at fáa ígjøgnum í hesi tingsetuni. Bæði fíggjarnevndin og trivn­að­ ar­nevndin hava lagt álit fram um júst pensjónsnýskipanina. Politiski trupulleikin hevur verið, at Kristin Michelsen av Tvør­ oyri, situr í fíggjarnevndini og hann hevur ikki viljað skrivað undir álit í drúgva tíð. Tingmaðurin hevur boðað frá, at hann ikki er bundin at tí, sum Javnaðarflokkurin ætlar. Tað hevur rakt tingarbeiðið í vetur – bæði í fíggjarnevndini og í vinnunevndini. Veiðugjøldini Vinnunevndin hevur eitt stórt mál liggjandi. Talan er um veiðugjøldini, sum skulu ásetast í samband við lógina um fyrisiting av sjófeingi. Grundleggjandi skal lógin um veiðugjøld tryggja, at landskassin fær tey gjøld, sum fiskivinnan skal gjalda fyri veiðuloyvini. Tað er tann lógin, sum fíggjarligi parturin av al­menna partinum í fiskivinnuni, skal stýrast eftir. Vinnunevndin hevur ikki enn lagt álit fram í hesum máli. Fyrst og fremst tí semja er ikki millum samgongu og andstøðu um av­gjøld­ ini, men so eisini tí Kristin Michel­ sen ikki vil skriva undir álitið hjá samgonguumboðunum í vinnu­ nevndin Tað vil siga, at hetta mál stendur framvegis á skrá, hvørja ferð vinnu­ nevndin hevur fund. Politiskt hevur hetta sjálvandi týdning, at samgongan ikki hev­ur stýr ujppá sínar egnu, men prakt­ iskt hevur lógin um veiðu­gjald ikki hastverk. Landskassin fær sínar pengar inn eftir einari fyribils lóg, sum var samtykt í sambandi við fíggj­ar­ lógina fyri 2018, so lógin um veiðu­ gjøld hevur ikki fyri neyðini at koma í gildi fyrr enn 1.januar. Freistin verður hildin Páll á Reynatúgvu, tingformaður, hev­ur í góðari tíð boðað frá, at sein­asti tingdagurin í hesari setuni verður flaggdagin 25.apríl. Hóast nógv mál komu úr nendum í seinastu viku, so heldur ting­for­maðurin fast við dagin, tingið fer heim. -Alt sum er lagt fram, kann við­ gerast innanfyri galdandi tíðar­ freistir, sigur tingformaðurin. -Eg havi í góðari tíð boðað frá, hvør arbeiðsætlanin er, tí hetta er mín uppgáva. Tingið fór so at siga als ikki í summarfrí undan ólav­ søku í fjør og tað ætli eg ikki at enda úti í afturí, sigur Páll á Reynatúgvu. Samgongan hevur fingið tey týdningarmiklastu málini aftur í tingið – burtursæð frá lógini um veiðu­gjald – men uppskotið um stjórn­arskipan er ikki komið og iva­samt er um tað kemur úr grein 25-nevndini nú. -Men júst við stjórarskipanini havi eg sagt, at verður nevndin liðug við sítt arbeiðið, so er onki í veg­in fyri, at vit kalla tingið saman í summar at fáa tað málið avgreitt, sig­ur Páll á Reynatúgvu. Uppgávan hjá tingformanninum er millum annað at leggja arbeiðið hjá tinginum til rættis. Hetta ger hann uttan at gerast partur av stríðn­um millum andstøðu og sam­ gongu um hvørji mál kom aftur úr nevnd­um. -Tað er ein politiskur spurningur, sum flokkarnir mugu finna útav. Eg skal skipa arbiðið og tað havi eg gjørt í góðari tíð, sigur formaðurin. -Men vil tingið broyta mín ætl­ an so kann tingið sjálvandi gera tað. Formaðurin er ikki nakar eina­ ræðisharri, leggur hann afturat. Í dag byrjaði tingfund­ur­in klokk­an 10 og høvuðs­lógar­upp­ skotið í dag var alilógin. Páll á Reynatúgvu, Tjóðveldi, er tingformaður, og leggur arbeiðið í Løgtinginum til rættis. Aksel V. Johannesen, løgmaður og samgonguleiðari, hevur fingið tey avgerandi málini úr nevndunum aftur. Stjórnarskipanin er tó eftir. Í fjør sluppu tey ikki í summarfrí. Tað ætlar tingformaðurin ikki skal henda aftur í ár.