mánadagur 16. apríl 2018síða 23

23 Mánadagur 6. januar 2014 · Nr. 2 Sosialurin Mánadagur 16. apríl 2018 · Nr. 43 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Tróndur sigur sína hugsan... t Ná, so hendi tað Vit skulu spæla okkara landsdystir uttanlands. Vit skulu aftur til 1990, tá føroyska fótbóltslandsliðið mátti spæla sínar heimadystir í Landskrona í Svøríki. Nú má A-landsliðið í hondbólti spæla sínar heimadystir uttanlands, tí vit hava onga ítróttarhøll, sum lýkur altjóða hondbóltskrøv. Síðani traðkaðu toftamenn til og gjørdu altjóða vøll á Toftum. Tað skulu teir fáa stórt rós fyri, og mangur føroyskur fótbóltsáskoðari eigur góð minnir frá túrunum til Svangaskarð. Men tað er sum við barnaminninum, tú hevur hug at minnast tað góða, tí var ein felagsavgerð tikin vegna føroyska fótbólt og landið, so hevði Svangaskarður ikki verið besta loysnin. Men eins og við inndurafótbóltsvøllinum í Vági, so verður intiativið latið einstaklingum, sum leggja lív og sál í – men uttan veruliga fígging. Tá er ikki eitt singt orð sagt um hesa eldsálir! Nú eru 30 ár síðani, at føroyskur fótbóltur fekk altjóða viðurkenning og framvegis lýkur Tórsvøllur – okkara tjóðarleikvøllur – ikki øll krøv. Ikki fyrr enn um eini tvey ár kunnu vit siga, at vit hava fingið gjørt ein tjóðarleikvøll, sum stendur mát við nútíðina í framkomna heiminum. Tað verða minst 30 ár, til vit hava ein altjóða góðkenda multihøll í Føroyum. Vit gera somu feilir umaftur og umaftur. Tá eg sigi vit, so meini eg vit øll. Eg endurtaki, at eg ikki haldi at ávísir persónar hava gjørt nakað galið, men bara arbeitt eftir umstøðunum. Tað skakandi er, at ongin talar at og heldur, at vit skulu bróta upp úr nýggjum. Onkur má byrja við at hugsa langtsikta og stórt. Vit mugu hugsa sum land, tí vit eru ov lítil til ikki at tosa sama. Tað var sama skilið, tá Hoyvíkshøllin bleiv bygd. Har skuldi tak legjast av nýggjum – tí takið var spart burtur í næstan einki av fyrstan tíð. Síðani er bygt uppí, men nú verður mett, at høllin er ov lítil til at hýsa FM finaludystum. Flott, ha? Hví ikki bara byggja tað ordiligt frá fyrstan tíð? Fyri okkum á ÍtróttarSosialinum er tann skemtiligasti parturin, at øll eru sinnaði at taka ábyrgd, tá tað gongur ítróttinum væl ella tá Stórhøllin bleiv bygd, men ongin sendir nakað tíðindaskriv um, at tey eru orsøkin til at hon nú stendur uttan altjóða góðkenning til hondbólt og flogbólt – og vil gera nakað við tað. Vónandi ringir onkur klokka, tá føroyska manslandsliðið í hondbólti má eyðmýkjandi túrin uttanlands at spæla heimadysti móti Mikkel Hansen og Danmark. trondur@sosialurin.fo Teitur M. Gestsson (HB) Spælir aftur væl í málinum hjá HB, har hann millum annað hevði stórbjarging í seinna hálvleiki Erlendur Magnusson (B36) Byrjaði á framrættaða miðvøllinum fyri Lukasz Cieslewicz og tók av. Skoraði eitt mál og átti sín lut í at dysturin varð avgjørdur í fyrra hálvleiki Símun Samuelsen (HB) Skoraði og var sjónligur á vinstra vonginum. Hevur av álvara funnið formin og er avgerandi frammanfyri málið Tróndur Jensen (HB) Dagsins spælari í Runavík. Avgjørdi dystin og spældi væl á miðvøllinum, har hann var nógv á bóltinum. Tykist væl fyri Teit Jacobsen (HB) Stutt og greitt í einum flokki fyri seg. Legði upp til eitt mál og átti lut í tí mesta, sum fór fram á vøllinum. Hansara orka ger, at HB megnar at trýsta hini liðini Árni Frederiksberg (NSÍ) Hóast NSÍ tapti og hann ikki legði upp til nakað mál, so var Árni góður í dystinum móti HB. Fleiri góð innlegg og góðar dribblingar Bjarki Nielsen (AB) Avgjørdi botndystin móti TB/ FCS/Royn, tá hann skoraði sítt annað mál í ár. Arbeiddi hart og er sterkur á bóltinum Jákup Pauli Breckmann (AB) Eyðsýndur í 1-0 sigrinum í Trongisvági. Spældi seg væl úr trýstinum og stóð sterkur í tvídystunum Ahmed Mujdragic (Skála) Spældi 70 minuttir í miðverjuni móti KÍ og stóð stendur í myndini. Er longu nú ein týdningarmikil spælari fyri Skála Magnus Egilsson (HB) Partvís umskúlaður til miðverja í ár og loysti uppgávuna móti NSÍ væl. Er serliga stekur í avspælinum, men stóð eisini væl ímóti NSÍ-trýstinum Ragnar Danielsen (EB/Streymur) Spældi væl á høgra bakki móti Víkingi, men fær plássið á vinstra bakki á hesum liðnum, tí tað kann hann eisini. Sundalagsmenn hava nú fingið stig móti trimum av fýra topp fimm liðunum Heimir Guðjónsson (HB) HB hevur nú vunnið tríggjar útidystir upp í slag. Hesa ferð á NSÍ, sum verður mett sum ein av FM favorittunum. Íslendski venjarin sær út til at hava fingið fatur á HB-liðnum, sum tykist væl fyri og væl skipað LIÐIÐ HESA VIKUNA