týsdagur 6. mars 2018síða 71

47 FÓTBÓLTSBLAÐIÐ HJÁ MIÐLAHÚSINUM FÓTBÓLTUR 2018 er um eina langtíðaravtalu. Her verður nevnt, at Betri ætlar at gera nógvur burturúr samstarvinum. Millum annað í samband við landsdystir hjá serligum kvinnunum. Her er ætlanin at gera tiltøk og annað, sum skulu ríka um upplivingina at koma til landsdyst. Í SAMSTARVI VIÐ FSF Tað hevur verið ein rímiliga long tilgongd, fyri at fáa hesa avtaluna upp á pláss, men úr Betri verður sagt, at tað skjótt bleiv greitt, at báðir partur høvdu áhuga í hesi avtaluni. - Hetta hevur verið eitt samstarv meiri enn nakað annað. Í FSF dámdu tey væl, at vit vóru ein aktivur viðspælari. Vit dugdu at síggja, at vit vildu tey somu tingini. Vit ætla ikki bara at lata pengarnar inn, og so ikki gera meir. Tað kann verða á sosialinum miðlunum og aðrastaðni. Eg kann siga so mikið sum, at vit hava okkurt stuttligt í stoypiskeiðini, sum vit ikki hava sæð fyrr, sigur Dánjal Hoydal. Í Betri er vónin, at hendan avtalan kann gera umstøðurnar til fótbólt fyri breiddina betri. Vónin er, at tað verður vøkstur í bæði kvinnufótbólti og heilsufótbólti. – Fótbólturin í Føroyum er ein sólskins­ søga. Ikki bara í elituni, men eisini í breiddini, har fólk í øllum aldri tvørtur um kyn kunnu eru við. Fótbólturin røkkur út í øll liðini í før­ oyska samfelagnum. Tí vilja vit gjarna vera við, sigur Dánjal Hoydal at enda. BETRI AVTALAN Í sambandi við nýggju avtaluna, hava Fótbóltssambandið og feløgini gjørt ein býtislykil fyri pengarnar. Feløgini, sum hava kvinnulið í bestu deildini fáa 50 túsund krónur um árið, meðan feløgini, sum hava kvinnulið, men ikki í bestu deildini, fáa 25 túsund krónur um árið. Hjá monnunum er býtislykilin eitt sindur øðrvísi. Her hava Fótbóltssambandið og feløgini valt at taka atlit til teir nógv umtalaðu Evropa-pengarnar, ið feløgini, sum koma í Evropa, fáa. Upphæddirnar eru blivnar størri enn útreiðslurnar av at spæla dystirnir. Tí er býtislykilin gjørdur, so at tey fýra feløgini, ið koma í Evropa, ikki fáa lut í Betri-avtaluni. Hini seks feløgini í bestu deildini fáa 80 túsund krónur í part, meðan tey fimm feløgini, ið ikki hava besta liðið í Betri deildini, fáa 25 túsund krónur í part.