mánadagur 12. mars 2018síða 22

Mánadagur 12. mars 2018 · Nr. 30 22 Sosialurin Hugskot og viðmerkingar – send sms til 225000 Vikan ið fór Víkingur skrivar undir sáttmála við 30 ára gamla verjuleikaran, Adrian Cascaval, ið er úr Moldova og skal avloysa Rasheed Alabi, ið ikki fekk innferðarloyvi í Føroyum. AB-áleyparin, Ivan Knezevic úr Montenegro, verður sendur heimaftur í somu viku sum Betri-deildin byrjar. Orsøkin er, at samstarvið ikki riggar fyri hvørgan partin. Jón á Steig og Johan Samuelsen verða útnevndir sum heiðurslimir í Parasport Føroyum, har teir hava virkað fyri paraítrótti í nevnd síðan ávikavist 1980 og 1983. Kyndil setir nýggjan venjara til mansliðið. Talan er um danska Martin Lellek, ið tekur við starvinum komandi kappingar eftir Julian Johansen, ið eftir trý ár hevur valt at gevast. Jógvan Skeel Nolsøe, sum seinastu tvey árini hevur spælt við B36, skiftir aftur til barndómsfelagið, HB. Eisini B71-uppaldi Aron Clementsen leingir um sáttmálan við HB. Dion Splidt og KÍ semjast um at fara hvør til sítt, men vongleikarin gongur ikki leingi leysur. Hann skrivar sáttmála við ÍF í 1. deild, har hann skjýtur mál í sínum fyrsta dysti fyri nýggja lið sítt. Fyrstu dystirnir í nýggju Betri-deildini verða spældir. Meistararnir úr Víkingi vinna tepran 1-0-sigur ímóti Skála, meðan silvurvinnararnir, KÍ, vinna greiðan 3-0-sigur ímóti HB í Gundadali. ...við ítróttinum 5 SKJÓTIR - Rasmus Søby, Neistin - Glenn Ståhl, venjari hjá TB/FCS/Royn, um hví hann tók við starvinum - Heðin Stenberg, málverji hjá AB “Eg skal spæla eina finalu í ár. Eg havi lovað dreingjunum at raka skeggið burtur, um vit vinna.” “Eg eri ein avbjóðings-junkie. Mær dámar avbjóðingar, og so varð eg eisini væl móttikin, tá ið eg var og vitjaði felagið.” “Vit trúgva upp á okkum sjálvar, og vit leggja ikki í, um eingin annar trýr upp á okkum. Tað passar okkum fínt.” Fimm skjótir spurningar til føroysk ítróttarfólk... Navn: Klæmint A. Olsen Føddur: 27 Yrki: Fótbóltsspælari (NSÍ) Royn tína vitan um ítróttin her og nú! Svarini standa niðast til vinstru, men royn teg nú fyrst 1. í Hólmanum 2. Filip og Durita 3. Suðurkorea 4. Magnus Tausen 5. FH 6. Støkk 7. Svøríki 8. Jónstein Magnussen 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1 Hvussu kallast staðið á Eiði, har heimavøllurin hjá EB/Streymi er? 2 Hvussu eita tey bæði í Jojic-hjúninum hjá VÍF til fornavn? 3 Í hvørjum landi vóru vetrarleikirnir fyrr í ár? 4 Hvussu eitur formaðurin í Flogbóltssambandi Føroya? 5 Hvørjum íslendskum felagi var HB-venjarin, Heimir Guðjónsson, venjari hjá í fjør? 6 Hvussu eitur fimleikafelagið í Runavík? 7 Úr hvørjum landi er nýggi venjarin hjá TB/FCS/ Royn? 8 Hvussu eitur EB/Streyma-leikarin á myndini? Myndin hesa vikuna: Hvussu var hesin fyrsti dysturin í kappingarárinum? - Tað er trupult at byrja í Suðuroy. Vit vistu ikki heilt hvørjum teir komu við. Vit byrjaðu væl í fyrra hálvleiki - vóru rættiliga spælstýrandi og føra 2-0 í steðginum. Sjálvt um vit høvdu kraftigan mótvind í 2. hálvleiki, so megna vit at fáa tvey mál afturat og halda teimum frá vandastøðum. Tit hava fingið góða tilgongd í ár, broytir tað upp á málsetningin hjá NSÍ? - Vit hava fingið royndar spælarar afturat, sum bæði styrkja og breiðka um hópin. Vit vilja spæla við, tá ið kappingin skal avgerast. Tað er málið. Hvørji lið metir tú vera góð boð upp á ein FM-vinnara í ár? - Tað er ilt at spáa um framtíðina, men eg vænti at kappingin verður jøvn og spennandi, har øll liðini frá topp-5 í fjør kunnu gera seg galdandi í FM-stríðnum. Hvussu er at hava Sámal Erik Hentze sum venjara? - Sámal Erik roynist væl sum venjari í Runavík, Hann hevur góðar venjingar og eina greiða spæliætlan, tó at hann er rættiliga nógv øðrvísi enn venjarin undanfarin ár. Tú fekst 16 mál í fjør, ætlar tú tær at fáa fleiri í ár? - Man vil altíð gera tað betri enn undanfarin ár, men akkurát hvussu nógv mál koma á kontuna veit eg ikki. So leingi eg kann gera eitt gott arbeiði og liðið kann fáa gagn av mær, so eri eg nøgdur. Fiorentina-liðskiparin, Davide Astori, fór hósdagin til gravar úr kirkjuni Basilica di Santa Croce í Firenze