mánadagur 19. mars 2018síða 20

Mánadagur 19. mars 2018 · Nr. 33 20 Sosialurin Hugskot og viðmerkingar – send sms til 225000 FÓTBÓLTUR KÍ ERU SKERDIR Hóast góðu byrjanina upp á kappingarárið, so er KÍ- hópurin rættiliga nógv skerdur. Á vinstra bakki eru bæði Ísak Simonsen og Ólavur Niclasen skaddir, og tað er nýggi miðvallarprofilurin, Hákun Edmundsson, eisini. Harumframt er eini nýggi útlendingurin, Marko Dusak, eisini skaddur og hevur enn ikki verið í dysti. Fyri viku síðani løgdu teir HB upp á lærið, og hesaferð sendu teir aftur ein boðskap við 1-0-sigri í Runavík. KÍ hevur fingið eina dreymabyrjan og hevur staðið fyrstu royndirnar í einari annars truplari dystarskrá. Stílurin er sannførandi Pætur Albinus Veðurgudarnir bókstaviliga blástu á, at tað við Løkin í Runavík leygar­ dagin var dystur ímillum tveir FM- biðlar, nevniliga NSÍ og KÍ, og fríska lotið eftir vøllinum setti síni merki á dystin, sum – um forsøgnirnar halda – var ein forsmakkur upp á ein oddadyst seinni í hesum kapp­ ingar­árinum. Tað gjørdist beinanvegin greitt, at spælast mátti upp á vindin. KÍ hevði fríska lotið undan í fyrsta hálvleiki, og tað gekk ikki leingi áðr­enn KÍ fekk hol á. Heldur mótsigandi var tað eitt av teimum ógvuliga fáu uttara­ skrúvaðu innleggunum, sum leiddi til 1-0-málið hjá KÍ. Sum so mangan áður var Semir Hadzibulic rótin til uppspælið, ið endaði við, at nýggi KÍ-leikarin úr Montenegro, Boris Dosljak, sendi ein sukurbólt innfyri málið í pannuna á einum óvanliga leys­rennandi Jóannesi Bjartalíð, og bólturin sang í netmeskunum aftan­fyri ein prísgivnan Tórð Thom­sen til 1-0 til gestirnar. Deyðbóltar – ja, eisini long innkøst – vóru bestu mótsvarini hjá NSÍ, sum ikki stóð seg serliga væl í slagnum um miðvøllin og eisini hevði ógvuliga ilt við at smoyggja seg inn um krútsterku verjuna, har serliga Deni Pavlovic ikki fýrdi fyri at seta egnan kropp í jeopardy fyri at vinna nærdystirnar fyri lið sítt. Klæmint A. Olsen átti høvd og fót á onkrum innleggi, ið varð oyst upp í vindin, men størsta møgu­ leikan fekk Øssur Dalbúð, sum nær­um hermdi eftir sær sjálvum soleiðis sum hann tók bóltin til sín og sneiddi sær á, men skotroyndin prógvaði, at tað framvegis er tíðliga í kappingarárinum og at tað er rúm tíð til at pussa neyvleikan. Í mangar mátar var dystar­ gongd­in klassisk. Vegna vindin áttu liðini hvør sín hálvleik. KÍ dugdi betur við vindinum og vann. Tað skjóta málið lat somuleiðis alt initiativið til NSÍ, og populert sagt vardi KÍ sigurin í hús. Útlendingarnir At fáa ein útlending í hópin kann vera eitt eydnuspæl – spyr bara AB og Ivan Knezevic – tí inn ímillum vísir tað seg als ikki at rigga, og onkur kanska ivast í, um út­lendingurin veruliga var ein fót­bóltsspælari. Aðrar tíðir kann felag­ið rópa bingo, tí leikararnir vísa seg at vera framúr og lúka krøv­ini í óalmennu grundregluni um at viðkomandi skal vera við til at lyfta liðið. - At útlendski leikarin er betri enn teir føroysku, kundi ein sagt beint fram. KÍ, sum kappingarárið 2014 kundi breggja sær av at eiga flestar egnar uppaldar leikarar í miðal byrjunar­uppstillingini, hevur lagt á annan bógv og við kikaranum í hondini hevur felagið leitað sær uttan­lands eftir leikarum, ið kunnu vera við til at lyfta liðið minst upp í Evropa-plássini. Tað hevur eydnast, og tað við manér. Umframt ein góðan bul av egnum uppaldum leikarum, so hevur KÍ víst seg at hava sera gott hegni at finna góðar útlendskar spælar­ar. Tað kunnu neyvan vera tvær meiningar um, at Semir Hadzibulic er ein av teimum allar­bestu – um ikki tann besti – mið­vall­arin í deild­ ini. Ein framúr balansu­spælari, ið er góður í allar ættir, og sum er rót­ in til flest øll KÍ-upp­spøl­ini. Nú eru fýra útlendingar komnir afturat. Deni Pavlovic, Boris Dosljak, Marko Dusak og Ronni Møller-Iversen. Enn er tíðliga at geva teimum eitt vælgrundað um­dømi, men teir hava allir staðið stinn­ir í myndini fyrstu dystirnar í ár. Eisini í Runavík leygardagin. Deni Pavlovic hevði stundum hendur­ nar fullar í KÍ- miðverjuni, men kropssterkur og avgjørdur trein hann fram og spilti fleiri lovandi NSÍ-støður, meðan upp­leggjarin, Boris Dosljak, og danski Ronni Møller-Iversen, vístu góðan bóltførleika á veingjunum og vóru bæði ósmædnir og skapandi. Tú kanst kleyna KÍ fyri at hava fingið sær ov nógvar útlendingar, men tú kanst ikki kleyna teir fyri ikki at duga tað. Royndin Tað er tíðliga at koma við niður­ støðum, men staðfestast kann, at KÍ hevur fingið eina dreymabyrjan upp á kappingarárið. KÍ er einasta lið, sum hevur fult stigatal. KÍ er liðið, ið hevur skotið (javnt) flest mál (4), og KÍ er liðið, ið hevur latið fæst mál ígjøgnum (0). Og tað er ikki tí, at KÍ hevur nakra lætta dystarbyrjan – heldur tvørtur­ímóti. Eftir sannførandi 3-0-sigur í Gundadali og 1-0-signal­ sigurin í Runavík hevur KÍ, um tað ber til at gera niðurstøðu eftir tveir dystir, staðið royndina. KÍ-tokið er tendrað, og boð­ skapurin til hini liðini í deildini kann lesast sum, at “skulu tit við o k k ­ um, so er tað nú”. Helst hevði KÍ selt tveir teir fyrstu dystirnar í ár fyri fýra stig, men stórsatsandi felagið hevur fing­ ið fult burturúr, og lagið í fót­bóltsglaðu Klaksvíkini er gott. - Men vit taka tað stillisliga og róliga. Vit skulu til Suðuroy um tvær vikur, og tað er tað einasta vit hugsavna okkum um í løtuni, sigur sigur­s­harrin ímóti NSÍ, Jóannes Bjarta­líð, sum held­ur at KÍ hevði sigurin uppi­bornan. - Teir hava ein stóran kjans, og tað er tað. Annars halda vit teim­um frá øllum. Hetta var ein fantastiskt liðavrik, sigur hann. albinus@sosialurin.fo Fótbóltur Dysturin hesa vikuna... KÍ STÓÐ ROYNDINA Í RUNAVÍK