týsdagur 20. mars 2018síða 15

15 Mánadagur 6. januar 2014 · Nr. 2 Sosialurin Mikudagur 21. mars 2018 · Nr. 34 Hugskot og viðmerkingar – send sms til 225000 Føroyska U21-landsliðið ætlar at byggja víðari á góðu gongdina ímóti Georgia. Eli Hentze, venjari, vil hava øll trý stigini. - Men at vit stríðast til síðsta floyt er ein fortreyt, sigur hann Føroyar U21 Málverjar Rói Mørk Hentze (B36) Karstin Hansen (Skála) Verjuleikarar Jóannes K. Danielsen (KÍ) Ari Olsen (Skála) Bjarni Petersen (B36) Bartal Wardum (HB) Erlendur Magnusson (B36) Benjamin Heinesen (B36) Daniel Johansen (HB) Miðvallarar Betuel Hansen (NSÍ) Dan í Soylu (HB) Høgni Egilstoft Nielsen (07 Vestur) Teit Jacobsen (SønderjyskE, Danmark) Jann Julin Benjaminsen (NSÍ) Petur Knudsen (NSÍ) Áleyparar Jóannes Bjartalíð (KÍ) Meinhard E. Olsen (B36) Jákup L. Thomsen (Thisted, Danmark) Hópurin hjá Georgia U21: Málverjar Lazare Kupatadze (Saburtalo) Demetre Buliskeria (Dinamo Tblisi) Giorgi Chochishvili (FC Zlate Moravce-Vrable, Slovakia) Verjuleikarar Tsotne Nadaraia (Saburtalo) Guram Giorbelidze (Sioni) Giorgi Kantaria (FC Neman Grodno, Hvítarussland) Andre Giorgadze (Torpedo) Tamaz Tsetskhladze (FC Sebail, Aserbadjan) Luka Nadiradze (Olympik Donetsk, Ukreina) Gagi Margvelashvili (Vera) David kobouri (Dinamo Tbilisi) Miðvallarar Vladimir Mamuchashvili (Saburtalo) Akaki Shulaia (Dinamo Tblisi) Otar Kiteishvili (Dinamo Tblisi) Giorgi Kharaishvili (IFK Göteborg, Svøríki) Levan Macharashvili (FC Stumbras, Litava) Luka Zarandia (Arka Gdynia, Pólland) Giorgi Beridze (Trencin, Slovakia) Giorgi Arabidze (Shakhtar Donetsk, Ukreina) Áleyparar Giorgi Kokhreidze (Saburtalo) Vato Arveladze (Lokomotiv Tblisi) Beka Mikeltadze (FC Rustavi) Pætur Albinus Fríggjadagin spælir føroyska U21- lands­liðið sætta dystin í hesari EM-undankappingini, har teir hava gjørt tað frálíka væl í fyrstu fimm dystunum og í løtuni eru á triðja plássi aftanfyri Danmark og Pól­land. Mótstøðuliðið hesaferð er Georgia á útivølli. Úrtøkan hjá Føroyum er fimm stig eftir fyrstu fimm dystirnar, og trý av teimum stigunum eru komin til høldar eftir sigur ímóti júst Georgia. Tað var tann 10. oktobur í fjør, at Føroyar vunnu 3-1 ímóti Georgia á Tórsvølli við málum frá Meinhardi E. Olsen, Jákupi Thom­ sen og Teit Jacobsen. Til landsdystin hesaferð er før­ oyska liðið nakað skert. KÍ-mið­ vall­arin, Jákup B. Andreasen, hevur givið avboð vegna skaða, og stutt undan fráferðini mánamorgunin góvu tveir spælarar avboð afturat. Teir vóru Elias Rasmussen (Vík­ ingur) og Janus S. Samuelsen (07 Vestur). Í teirra stað blivu Dan í Soylu (HB), Rói Mørk Hentze (B36) og Petur Knudsen (NSÍ) úttiknir. Føroyski U21-landsliðsvenjarin, Eli Hentze, undirstrikar, at tað er stórt álit á teimum monnum, ið eru við í hópinum. - 18 mans-hópurin er væl fyri at møta Georgia fríggjadagin. Vit hava fleiri ferðir víst á, at bólkurin av U21-spælarum er rættiliga stórur, og at kapping er um plássini. Vit hava stórt álit á monnunum, at teir fara at leggja nógv fyri fríggjadagin, sigur hann. Trý stig Mótstøðuliðið fríggjadagin, Geor­ gia, er beint í hølunum á Føroy­um í bólkinum. Teir eru eitt stig aftan­ fyri og hava havt eina mis­javna gongd, har teir einans hava vunnið ein út av fimm dyst­um. Hesin sigur­ in var ímóti Litava. Hetta hevur havt við sær, at venjarin, Gia Geguchadze, fekk sekkin. - Georgia skifti venjara í des­em­ ber mánaði. Um tað broytir nakað, er ilt at meta um. Liðið hevur spælt ein venjingardyst í januar, men tá var talan í mestan mun um leikarar, ið ikki eru við móti okkum, greiðir føroyski U21-venjarin, Eli Hentze, frá, og heldur fram: - Georgia er lið sett saman av nógvum sera sterkum ein­stak­ling­ um. Men sum øll onnur hava teir veikleikar, ið vit ætla at gagnnýta, sigur hann. Føroyska U21-landsliðið hevur eftir hondini næstan fingið sum vana at fara eftir sigrinum óansæð hvat, og soleiðis er eisini hesaferð. - Vit fara sjálvandi eftir sigrinum. Allir í hópinum er fullgreiðir yvir, at avrikið hjá okkum sjálvum er alt­av­gerandi. At vit stríðast til síðsta floyt er ein fortreyt, sigur Eli Hentze. Dysturin ímillum Føroyar og Georgia verður spældur á Tengiz Burjana­dze Stadioni fríggjadagin kl.15.00. Heimasíðan in.fo fer at hava beinleiðis tekstafrásøgn frá dysti­num. albinus@sosialurin.fo U21 FER EFTIR SIGRINUM