hósdagur 22. mars 2018síða 45

VINNUBLAÐIÐ HJÁ MIÐLAHÚSINUM 17 mars 2018 23 Eyðun Klakstein Sterku vinnufyritøkurnar í Eystur­oynni standa fyri einum týðandi parti av bruttovinninginum í føroyskum út­flutningi. Grannskoðarafyritøkan NUMO gjørdi í 2016 eina greining av útflutnings­vinnuni fyri vinnulívsráðið í Klaksvík, og greiningin vísti, at í 2014 lógu heili 63 prosent av brutto­vinn­ inginum í føroyskum útflutningi í Eystur­oynni. Sambært kanningini vóru 164 útflutnings­ fyritøkur í Eysturoynni í 2014, og tær stóðu fyri 2,3 milliardum krón­um av bruttovinninginum í útflutn­inginum, sum samanlagt var um 3,6 milliardir krónur. Umleið ein triðingur av útflutnings­fyri­ tøkunum var í Eysturoynni, men fleiri av fyri­ tøkunum vóru sera sterkar, og tí stóðu tær fyri so stórum parti av brutto­vinninginum. Eftir Eysturoy komu Norðoyggjar, sum stóðu fyri 14 prosentum av brutto­ vinninginum í útflutninginum. Í 2014 vóru 91 útflutningsfyritøkur í Norðoyggjum. Vágar og Suðuroy stóðu í 2014 fyri 8 prosentum av bruttovinninginum í útflutninginum hvør. Í Suðuroy vóru 72 útflutningsfyritøkur og í Vágum vóru 36. Í Suðurstreymoy vóru 97 út­flutnings­ fyritøkur, sum stóðu fyri 6 pro­sentum av bruttovinninginum í før­oyska útflutninginum. Norðstreymoy stóð við sínum 7 útflutningsfyritøkum fyri 1 prosenti av bruttovinninginum í útflutninginum. Sandoy hevði 13 útflutnings­fyri­tøkur, og tær stóðu fyri minni enn 1 pro­senti av bruttovinninginum. Greiningin hjá NUMO er tvey ára gomul og byggir á tøl, sum eru sløk fýra ára gomul, og hóast tølini ikki høvd verið nett tey somu, um út­flutningstølin í 2016 høvd verið nýtt, stendur vinnan í Eysturoy við sínum stóru alivinnu- og fiski­vinnu­fyri­tøkum framvegis sera sterk í føroyskum vinnulívi. Vinnan í Eysturoy er sterk TÝÐANDI PARTUR AV FØROYSKA ÚTFLUTNINGINUM LIGGUR Í EYSTUROYNNI Útflutningsvinnan í 2014 Øki Fyritøkur Bruttovinningur Tal % 1000 kr. % Norðoyggjar 91 18 486.854 14 Eysturoy 164 32 2.272.285 63 Norðstreymoy 33 7 51.473 1 Suðurstreymoy 97 19 203.909 6 Vágar 36 7 270.739 6 Sandoy 13 3 13.495 0 Suðuroy 72 14 288.945 8 (NUMO, 2016) Útflutningsvinnan í Eysturoynni stendur fyri væl meira enn helminginum av bruttovinninginum í føroyska útflutninginum