hósdagur 22. mars 2018síða 55

VINNUBLAÐIÐ HJÁ MIÐLAHÚSINUM 27 mars 2018 23 Vilmund Jacobsen Seinastu dagarnar hava fleiri trolbátar landað í Leirvík, og í stuttum kann sigast, at bátarnir hava gjørt góðar túrar og fingið nógvan fisk. Men, tað eru ikki bara trolbátar, sum í løtuni landa í Leirvík. Nú várróðurin er fyri, hava eisini fleiri snellubátar landað í Leirvík. Góður snelluútróður Mikudagin í hesi vikuni høvdu 10 snellubátar, sum landaðu í Leirvík, umleið 18.000 pund til­samans, harav besti báturin við tveimum monnum hevði 3.500 pund. Ein góður útróðrardagur gevur væl og menn­inir, sum vóru við hesum eina bátinum miku­dagin, seldu fyri umleið 30.000 krónur. Talan er ikki bara um útróðrarbátar, sum eru heimahoyrandi í Leirvík, sum landa í bygd­ini, men eisini bátar úr eitt nú Fuglafirði, Skála­ fjørðinum og aðrastaðni. Tá tað hevur viðrað nú í vártíðini, hava einir 4-6 útróðrarbátar landað fast í Leirvík, men ser­ liga hósdagin vóru teir fleiri í tali. Kaj Otto Frederiksberg, stjóri í Fo-Fish og Norðfra í Leirvík væntar, at talið av bát­um verður enn størri, um snellubátarnir fram­ haldandi fara at fáa fisk norðanfyri. - Onkur bátur hevur fingið heilt upp í 4.000 pund einar tríggjar fylgjandi útróðrardagar, og tað er óførur snellufiskiskapur. Stjórin vísir á, at ein stórur partur av norðhavsfiskinum er toskur 2, og hetta er stórur og góður fiskur. - Ja, vit kunnu siga, at tað stundum hevur verið sum í gomlum døgum á bryggjuni í Leirvík, og hetta hevur verið rættiliga hugaligt, sigur hann. Góður trolfiskiskapur Um dagarnar hava eisini fleiri trolbátar eisini landað í Leirvík, og tað skerst ikki burtur, at trolbátarnir, sum bæði eru heimahoyrandi í bygdini og teir, sum koma til bygdar at landa, hava stóran og altavgerandi týdning fyri virksemið hjá Norðfra og Fo-Fish. - Umframt, at vit hava landingarmiðstøð, levera vit eisini ís til skip og bátar, og skal tað vera lønandi at hava slíkt virksemi koyrandi, er neyðugt við skipum, bátum og fiski. Kaj Otto Frederiksberg vísir á, at Búgvin í vikuni hevur landað 20.000 pund av havtasku, sum teir fingu á Skeivabanka, og síðan hava nakrir trolbátar eisini verið við toski, hýsu og upsa. - Olga Maria og Jens Leon, sum byrjaðu at fiska seinasta sunnudag, hava júst verið inni við 70.000 pundum hvør, fullir undir lúkurnar. Teir høvdu umleið 40.000 pund av toski hvør, og síðan var meginparturin av restini upsi og hýsa og kanska eini 2000 pund av flatfiski hvør. Hann vísir á, at trolbáturin Siðatindur eisini er á veg inn at landa, og teir hava í minsta lagi 70.000 pund av toski, upsa og hýsu. - Henda túrin hava trolbátarnir serliga fiskað í einum geira í ein landnyrðing úr Fugloynni, sigur hann. Aðrir rokast eisini Sosialurin kann leggja aftrat, at aðrir trolbátar, sum hava landað aðrastaðni enn í Leirvík, hava eisini gjørt roktúrar. - Eg haldi, vit kunnu siga, at tað sum heild hevur gingið rættiliga væl hjá trolbátunum síðan í fjør heyst, men hetta eru smáir bátar, og tí krevst, at veðrið er til vildar hesa tíðina av árinum. Trolbátarnir - bæði teir, sum landa her og aðrir - hava gjørt fleiri túrar, har teir vóru fullir undir lúkurnar, sigur Kaj Otto Frederiksberg, stjóri í Fo-Fish og Norðfra. Góði fiskiskapurin sæst aftur á bryggjuni í Leirvík - TROLBÁTARNIR, SUM ERU HEIMAHOYRANDI Í LEIRVÍK OG TEIR, SUM KOMA TIL BYGDAR AT LANDA, HAVA STÓRAN OG ALTAVGERANDI TÝDNING FYRI VIRKSEMIÐ HJÁ NORÐFRA OG FO-FISH, SIGUR KAJ OTTO FREDERIKSBERG, STJÓRI Í FO-FISH OG NORÐFRA - Vit kunnu siga, at tað stundum hevur verið sum í gomlum døgum á bryggjuni í Leirvík, og hetta hevur verið rættiliga hugaligt, sigur Kaj Otto Frederiksberg Kaj Otto Frederiksberg er stjóri í Fo-Fish og Norðfra, og hann fegnast um góðu gongdina hjá trolbátum og snellubátum Mynd: Vilmund Jacobsen