hósdagur 19. apríl 2018síða 6

FRÍGGJADAGUR 20. APRÍL 2018 SOSIALURIN 45 6 BARBARA HOLM ”Einaferð stillaði eg upp til løgtingsval. Nú havi eg sitið í Løgtinginum í tveimum um­gan­ gum – og eg havi elskað tað ar­beið­ ið. Men tað kom nógv annað við, sum ikki bara var stuttligt og slett ikki okey. Og nú vil eg bara siga frá. Tað vóru nógv fólk, sum einki annað endáaml høvdu enn at vera eitt reyvarhol. Ja, eg bleiv bæði skumpað og sligin av dreingjum. Løg­ið og óveruligt – og tað rakti meg faktiskt. Eg hevði veruliga ynskt, at tey (helst dreingirnir) sóu hetta uppslagið, tí eg kláraði ikki at siga teimum TÁ, at tað ikki var okey. Tú skalt ongantíð tola alt, heldur ikki um tú hevur sagt tína mein­ing. Liðugt” Soleiðis stóð at lesa á Instagram síðuni hjá 21 ára gomlu Kristinu Clement­sen fyrr í vikuni. Kristina Clement­sen er næsta varafólkið hjá Tjóðveldi á tingi. Við valið í 2015 stillaði hon upp, og fekk so fitt av atkvøðum, at hon nú telist mill­um teirra, sum onkuntíð skulu inn at umboða flokkin. Men við tí er greitt, at tað komu óvæntaðar hendingar, har politikkurin rakti út í gerandislívið hjá ungu kvinnuni. - Eg upplivi vanligt slíkt, beint eftir at eg havi verið í miðlunum ella á annan hátt havi sagt mína hugs­an, sigur Kristina Clementsen, tá ið Sosialurin spyr inn til, hvat hon hevur upplivað, sum hon greiðir frá á Instagram. Skumpað og sparkað Kristina Clementsen býr í Dan­ mark og lesur á CBS í Keyp­manna­ havn. Hon tekur nú eina bachelor í vinnulívsbúskapi og verk­ ætlanarleiðslu. Nú hon er kom­in burturfrá meldrinum í Før­oy­um og hevur fingið stundir at hugsa um hendan spurningin um ágang, er hon komin fram til eina niður­ støðu. - Eg haldi ikki man skal góðtaka alt. Tú fært at vita, tá ið tú stillar upp, at tú skalt vænta mótspæl. Og tað er frálíkt. Eg haldi eisini politik­ arar skulu tola meira enn onnur. Men eg haldi tað er eitt mark onkustaðni. Og tað markið er, tá ið fólk beinleiðis fremja ágang ímóti einum. Tað haldi eg ikki, at nakar skal væntast at góðtaka og tí sigi eg frá, sigur Kristina Clementsen, sum kortini viðgongur, at hon dugdi ikki nóg væl at siga frá í støðuni. Eftir at Kristina Clementsen fyrstu ferð tók sætið á tingi stutt fyri jól í 2015, upplivdi hon hendan ágangin fyrstu ferð. - Eg var í býnum eitt kvøldið, tá ið ein maður brádliga við báðum ørm­um skumpaði meg harðliga. So segði hann okkurt tápuligt, gekk inn í meg, og fór so avstað. Sjálv­ andi bleiv eg kløkk av tí, sigur Kris­ tina Clementsen. Hesin sami persónurin var ágangandi móti Kristinu Clement­ sen fleiri ferðir, og til síðst kendist tað mest sum, at hon varð forfylgd av manninum. Men hesin maðurin er ikki eitt eindømi. - Eg havi eisini fleiri ferðir upp­ livað, at fólk antin eru fysiskt áleypandi ella persónliga áleyp­ andi. Tá tey til dømis siga ymiskt óhósk­andi, sum snýr seg um mín persón, sigur Kristina Clementsen. Uppringd eftir kjak Eina aðru ferð, tá ið Kristina Clementsen upplivdi nógvan ágang var, tá hon luttók í kjaki í sjónvarpinum hjá Kringvarpinum um flóttafólk. - Tá fekk eg nógvar vemmiligar við­merkingar. Ein ringdi til mín og spurdi, um eg veruliga vildi hava hasi fólkini til Føroya at neyðtaka meg, sigur Kristina Clementsen og kann ikki lata vera við at trekkja upp á smílibondini og siga. - Tað er jú høpisleyst, sjálvandi vil eg ikki tað. Men hvat svarar man uppá slíkt, spyr hon. - Tú kanst ikki verja teg ímóti tí. Tí felags fyri hesi fólkini er, at tey vilja ikki kjakast um nakað ítøki­ ligt. Tey ynskja ikki at hoyra, hvat eg haldi um eitt evni ella siga, hvat tey halda. Onkuntíð eru tað vi­ð­ merk­ingar um, hvussu ung eg eri og um Tjóðveldi sum heild. Tað toli eg væl. Men tá tað blívur persónligt og endamálið ikki er at kjakast um nakað og bara spilla meg út, so er tað eingin meining í tí, sigur Kristina Clementsen. Má siga frá Hesin ágangur, sum Kristina Clement­sen vil rópa varskó um, hendir sum oftast, tá ið hon er úti í býarlívinum. Tað eru sum oftast javn­aldrar, fólk millum 20 og 30 ár, POLITIKKUR EG GÓÐTAKI IKKI SLÍKAN ÁGANG - Eg haldi tað er mín skylda at siga frá, so at persónarnir, sum fremja ágang á onnur, fáa at vita, at hatta er snøgt sagt ikki í lagi, sigur Kristina Clementsen, sum fleiri ferðir hevur upplivað at verða skumpað, spilt út og niðurgjørd orsaka av sínari luttøku í almenna rúminum Kristina Clementsen: