hósdagur 19. apríl 2018síða 32

VINNUBLAÐIÐ HJÁ MIÐLAHÚSINUM 8 apríl 2018 20 Vilmund Jacobsen Tað eru Eyðun Olsen og Bárður Poulsen, sum standa fyri dagligu leiðsluni av Vestmanna Seafood. Báðir eru teir vestmenningar og uppvaksnir í Vestmanna. Fyrrnevndi er stjóri og royndur í leikum innan fiskaframleiðslu gjøgnum mong ár, og hin seinni hevur serliga siglt sum skipari við ísfiskatrolara og byrjaði hjá Vestmanna Sea­ food í 2012. Vestmanna Seafood sá dagsins ljós í 2011, tá uppsjóvarvirkið Atlantis varð keypt. - Eg havi einki havt við hetta virkið at gera áður, men nú vit høvdu keypt, byrjaðu vit at ar­ beiða makrel, sum vit keyptu frá teimum stóru nóta­skipunum. Vit fingu beinanvegin eitt gott sam­starv við nótaskipini, ikki minst við tey hjá Varðanum í Gøtu, men eisini við onnur feløg, sum eiga nótaskip. Keypti makrelurin varð koyrdur, haðani skipini landaðu og til Vest­ mannar til frystingar. Eyðun Olsen vísir á, at tey á Vestmanna Sea­food gjørdu tað sama, sum stóru upp­ sjóvar­virkini gera í dag. - Vit kunnu siga, at Vestmanna Seafood byrjaði sum eitt lítið uppsjóvarvirki, bara einar tíggju ferðir minni enn tey stóru virkini, sigur hann. Fyritreytir broyttust Tað er nógv hent, síðan Vestmanna Seafood sá dagsins ljós. - Tá vit byrjaðu, høvdu vit bara stóra upp­ sjóvar­virkið í Kollafirði, og seinni komu so bæði Varðin Pelagic á Tvøroyri og Pelagos í Fugla­ firði. Stjórin sigur, at tó at fyritreytirnar at fáa lut í rávøruni broyttust, tá móttøkuorkan á landi vaks so skjótt og nógv, hevur tað kortini bor­ið til at keypa fisk, soleiðis at virksemið við upp­ sjóvar­fiski framvegis er tað, sum virkið í Vest­ manna byggir sína tilveru á. - Tá Varðin í Gøtu bygdi Varðan Pelagic á Tvør­oyri, og skipini hjá felagnum løgdu flestu lastir­nar upp har suðuri, gjørdist tað truplari at samstarva við tey skipini. Ikki tí, at reiðarí og skip ikki vildu samstarva longur, men geo­ grafiskt gjørdist tað ein stór avbjóðing hjá okkum at keypa fisk, sum varð landaður á Tvør­oyri. Eyðun Olsen sigur, at Vestmanna Seafood gjørdi onkra roynd at keypa og taka fisk heim úr Suðuroy, men hetta vísti seg ikki at rigga serliga væl. - Hinvegin kann eg siga, at Varðin í Gøtu ongan­tíð hevur sett seg upp ímóti at lata burtur av, tá skipini hava landað. Tey hava altíð verið opin fyri at selja til okkara - eisini eftir, at Varð­ an Pelagic varð bygdur, men geografiskt er hetta fyri okkum ein vánalig loysn. Samanumtikið staðfestir Eyðun Olsen, at tað hevur verið truplari at fingið lut í uppsjóvartilfeinginum, síðan tey stóru reiðaríini bygdu síni egnu uppsjóvarvirki, fyrst Varðan Pelagic á Tvøroyri og síðan Pelagos í Fuglafirði. - Áðrenn hesi bæði virkini komu aftrat virki­num í Kollafirði, høvdu vit rímiliga góða at­ gongd til makrel-og sildatilfeingið. Stjórin endurtekur, at høvuðsveitari av rá­ vøru til virkið í Vestmanna vóru skipini hjá Varða­num í Gøtu, men gott samstarv var eisini við skip, herundir Fagraberg, sum var ein góður veitari fyrstu árini. Seinni árini hevur Fram eisini landað nógv til virkið. Hann ásannar, at við nýggju virkjunum gjørd­ist kappingin um rávøruna eisini harðari, og hann staðfestir, at tað hevur verið truplari at funnið vegin fram seinnu árini, sum hann tekur til, enn tað var í byrjanini í Vestmanna í 2011. - Men, vit hava fingið tað at borið til kortini, leggur hann aftrat. Keyptu flakavirkið Í 2012 - ella árið eftir, at teir keyptu og byrjaðu virk­semið við uppsjóvarfiski á fyrrverandi Atlantis - keyptu teir eisini táverandi Fiskavirkið í Vest­manna, sum soleiðis gjørdist partur av Vest­manna Seafood. Tá hevði virksemið á flaka­virkinum ligið stilt í stívliga eitt ár ella so. - Vit sóu ein møguleika at koyra hesi bæði virkini saman, nú alt bendi á, at upp­sjóvar­til­ feingið fór at gerast nógv størri, enn tað hevði verið við ikki minst veksandi makrel-og silda­ kvot­um, sum serliga eru fiskasløgini, sum vit hava áhuga í. Hóast Vestmanna Seafood eisini hevur átt fyrr­verandi fiskavirkið síðan 2012, hevur megin­parturin av virkseminum snúð seg um upp­sjóvar­fiskasløg, makrel og sild, og felagið hevur brúkt bæði virkini í hesum sambandi. Í prátinum, vit høvdu við stjóran mikudagin, skilst, at nakað verður keypt av øðrum fiska­ sløg­um, eitt nú upsa og svartkalva, uttan fyri makrel-og sildavertíðina. Tað, sum ikki minst er áhugavert við virk­ semi­num hjá Vestmanna Seafood er, at tey ikki bara heilfrysta makrel, men her verður eisini ein partur av makrelinum einkultfrystur og pakkaður í smærri eindir, heilt niður í tvey kilo, soleiðis at einir fimm makrelar - alt eftir stødd - eru leysir í hvørjum posa. - Hetta er ikki ein framleiðsla, sum er á byrjunar­stigi. Vit eru komin gjøgnum allar roynd­ir og hava nú kommersiella sølu av einkult­frystum makreli. Hetta er tað, vit rópa cater­ing á eitt nú tvey kilo, 10 kilo ella 20 kilo. Eyðun Olsen sigur, at Vestmanna Seafood í fjør keypti umleið 4000 tons av makreli og 2000 tons av sild, og av makrelinum seldu tey út við 1000 tons sum catering. - Vit ásanna, at vit arbeiða við einari av­ mark­aðari nøgd av makreli og sild, og ikki minst tí ræður um at fáa sum mest burtur úr hvørj­um kilo. Stjórin sigur, at virkið hevur marknað fyri einkult­frystum makreli, eitt nú í Evropa og Rus­landi. - Vit ynskja at líkast burtur úr teimum størru framleiðarunum í Føroyum - ikki minst, tí vit hava ongan møguleika at kappast við stóru virkini um nøgdina. Vit skulu hava eitt rokni­ stykki, sum hongur saman, og hetta er alla tíðina ein avbjóðing. Spennandi økiskvotur Hóast stjórin á Vestmanna Seafood rósar stóru upp­sjóvarfyritøkunum fyri gott samstarv og heldur, at hesi saktans unna einum lutfalsliga lítlum virki sum virkinum í Vestmanna lut í makrel-og sildatilfeinginum, so fegnast hann um kunngerðina, sum nú er til hoyringar um økis­kvotur á uppsjóvarfiski. - Eg haldi, at ætlaða skipanin við økis­kvot­ um passar væl inn í myndina hjá okkum her í Vestmanna. Vit hava virkið og arbeiðsfólkið, og vit hava neyðugu loyvini og royndirnar. Vit hava enn­tá prógvað, at meira kann fáast burtur úr til­feingi­num við at einkultfrysta og selja makrel sum catering, og her hava vit marknaðin. Vit eru púrasta til reiðar at taka Skipanin við økiskvotum passar væl til Vestmanna - VIT YNSKJA AT LÍKAST BURTUR ÚR TEIMUM STØRRU UPPSJÓVARVIRKJUNUM Í FØROYUM - IKKI MINST, TÍ VIT HAVA ONGAN MØGULEIKA AT KAPPAST VIÐ STÓRU VIRKINI UM NØGDINA. VIT SKULU HAVA EITT ROKNISTYKKI, SUM HONGUR SAMAN, OG HETTA ER ALLA TÍÐINA EIN AVBJÓÐING, SIGUR EYÐUN OLSEN, STJÓRI Í VESTMANNA SEAFOOD - Vit hava virkið og arbeiðsfólkið, og vit hava loyvini og royndirnar. Vit hava enntá prógvað, at meira kann fáast burtur úr tilfeinginum, sigur Eyðun Olsen