hósdagur 19. apríl 2018síða 43

VINNUBLAÐIÐ HJÁ MIÐLAHÚSINUM 19 apríl 2018 20 Árni Gregersen Tað var eitt nýbrot í føroysku byggivinnuni, tá ið Norðsetur í Hvalvík av álvara fór at gera snið­hús til føroyska bústaðrmarknaðin. Tey fyrstu vóru gjørd í 1980, men síðani 1983 eru tey framleidd í fram­leiðslu­bygn­ inginum, sum fyritøkan lat byggja á havnar­ lagnum í Hvalvík. Í dag arbeiða umleið 22 fólk í fyritøkuni og har er framvegis full ferð á. -Ja, tey sum arbeiða her eru til arbeiðis 50 tímar um vikuna, hvørja viku, sigur Eivind Clementsen, virkisleiðari. Akkurát hendan dagin vit tosa við hann, eru fólk frá fyritøkuni í Fuglafirði og seta eini hús upp. Síðani skulu tey til Miðvágs, Skala og so til Sandavágs. -Vit arbeiða so at siga kring alt landið, tá ið vit taka uðuroynna og Sandoy frá, sigur virkis­ leiðarin. -Nøkur hús eru sett upp har gjøgnum árini, men júst nú verða ikki hús frá okkum sett upp har, leggur hann afturat. Norðsetur ger út móti 25 húsum um árið. Tá verður orkan brúkt fult út og tey sum arbeiða eru til arbeiðis 50 tímar um vikuna. Villu áttati-árini Hetta er sjálvandi nógv, men Eivind Clement­ sen vísir á, at hetta als ikki er eins nógv, sum var gjørt seinast í áttati-árunum. -Tá mólu hjólini munandi skjótari enn tey gera nú og búskaparliga støðan í landinum var øðrvísi enn hon er í dag, leggur hann aftur­at. Hann sigur, at Norðsetur tá gjørdi upp móti 50 húsum um árið upp móti stóru kreppu­ni, sum tá koyrdi alt landið á heysin. -Ferðin var øtilig tá. Eg haldi, at tað er meira skil í nú enn tað var tey árini, sigur Eivind Petersen. Í seinastuni hevur nógv verið tosað um bú­ staðar­neyð í Føroyum, men í megin­øki­num verður bygt við fullari ferð. Peningastovnarnir hava sett eitt sindur harðari treytir fyri at veita lán, men tað vísir seg kortini, at har sum nógv fólk búgva – altso í miðstaðarøkinum – fáa tey flestu lán. Eitt sindur meira krevst av teimum, sum skulu læna til húsbyggingin á útoyggjunum. Nýggj byggireglugerð Ein nýggj reglugerð fyri bygging er komin í gildi í ár. Hon krevur ymiskt gjørt undir nýbygging, sum ger byggingina dýrari. -Er tað rætt, at eini vanlig hús gerast um­leið 100.000 dýrari av hesi reglugerðini? -Eg tori ikki at siga tað heilt vist, men eg má staðfesta, at hús frá okkum eru vorðin dýrari síðani nýggja reglugerðin kom í gildi, sig­ur Eivind Clementsen. Hann sigur, at sjálvt um tað ikki stendur í reglugerðini, so eru krøvini annars so hørð, at Norðsetur nú mælir til, at øll nýggj hús hava ventilatión frá tí tey verða bygd. Norðsetur hevur bygt út móti 1000 hús­um, síðani fyritøkan fór til arbeiðis, men tey hava eisini útflutt hús til bæði Týslands og Grøn­ lands. Fyrimunurin er fasti prísurin og at tað tekur stutta tíð at seta húsini upp. Tá ið grund­in er stoypt tekur tað bert ein dag at inni­loka húsini og so kunnu handverkarnir gera liðugt innandura, ótarnaðir av veðri­num. Ferðin er næstan sum hon var í áttati-árinum ÆTLAR TÚ AT KEYPA EINI SNIÐHÚS FRÁ NORÐSETUR, SO MÁST TÚ BÍÐA Í MEIRA ENN EITT ÁR Norðsetur heldur til her á havnalagnum í Hbalvík. Her hevur fyritøkan verið síðani 1983 Norðsetur hevur nógv um at vera og arbeiðir allastaðni í miðstaðarøkinum. Her eru teir í ferð við at seta eini hús upp við Mylnutjørn í Havn