mánadagur 23. apríl 2018síða 4

Mánadagur 23. apríl 2018 · Nr. 46 4 Sosialurin Hugskot og viðmerkingar – send sms til 225000 – At vera illoyalur er eitt óalmindiliga óbehagiligt stempul at fáa, men eg havi ikki gingið og skammast av nøkrum. Eg føldi, at eg var loyal og havi tí ikki krógvað meg seinastu fimm mánaðirnar. Tað sigur Liljan Weihe, eftir at Mentamálaráðið fríggjadagin staðfesti, at hon enn er tíðindaleiðari í Kringvarpinum fimm mánaðir eftir, at stjórin segði hana úr starvi Hallur av Rana hallur@sosialurin.fo ”Vísandi til omanfyri standandi fer Mentamálaráðið at ógilda av­gerð­ ina um at siga kæraran úr starvi, og sostatt er hon fram­hald­andi í starvi sínum sum tíðinda­leið­ari í Kring­varpi Føroya.” Niðurstøðan hjá Mentamála­ ráðn­um var klokkuklár, tá hon gjørd­ist almenn í síðstu viku. Av­ gerð­in hjá Johnny í Grótinum, stjóra í Kringvarpi Føroya, at siga Lilj­una Weihe, ið síðstu seks árini hev­ur røkt máttmikla sessin sum tíð­indaleiðari í Kringvarpi Føroya, úr starvi, var ikki í lagi og bleiv so­ statt ógildað. 30. november í fjør fekk Liljan Weihe annars ætlanarskriv um upp­søgn, tí stjórin ikki kundi góð­ taka illoyala atburðin móti stjór­ anum og stovninum, og 21. des­ ember fekk hon uppsøgnina. Ein upp­søgn, ið hon valdi at kæra til Menta­málaráðið. Í viðgerðini av kæruni hjá tíð­ inda­leiðaranum staðfestir Menta­ mála­ráðið, at tað ber til at finn­ast at ymiskum viðurskiftum í at­burð­ in­um hjá tíðindaleiðaranum, men slær ráðið fast, at mett verður ikki, at tíðindaleiðarin var illoyal, tá ið hon vendi sær til formannin í Kring­varpsstýrinum við síni ónøgd við­víkjandi kringvarpsstjóranum. Í staðin skrivar Mentamálaráðið, at tað kann sigast, at Liljan Weihe var loyal mótvegis integritetinum hjá Kring­varpinum, tá hon vendi sær til for­mannin í Kringvarpsstýrinum. Tað er serliga hesin parturin, ið Liljan Weihe fegnast um, tí tað at verða skírd illoyal yvir fyri sín­um arbeiðsplássi og stjóra var tað, ið var tyngst at bera hesar mán­að­ir­ nar, ið hon hevur verið heima við hús. – Eg metti meg ikki hava verið illoyala, men tvørturímóti metti eg meg vera loyala yvir fyri tíðinda­ flutn­inginum. Tí tað er mín fremsta upp­gáva sum tíðinda­leiðara at verja tíðinda­flutn­ingin. At tryggja at hann er óheftur, sakligur, álít­ andi o.s.fr. Tað havi eg bart fyri í seks ár, so at verða stemplað sum il­loyal var tað, ið var mest særandi gjøgn­um alt hetta. Tí eri eg so fegin um, at tey í Mentamálaráðnum eru samd við mær um, at eg havi verið loyal, sigur Liljan Weihe. Vaska talvuna reina Torført er at spáa um, hvør næsti leik­ur verður í ósemjuni, og verður tað helst ikki greitt fyrr enn í morgin, tá partarnir hittast aftur á fyrsta sinni síðan uppsøgnina í desember. Sjálv er Liljan Weihe til dystin fús at sessast aftur í sess­ in­um sum tíðindaleiðari og klár at lata síðstu fimm mánaðirnar liggja. – Tað er týdningarmikið at hyggja frameftir og ikki aftureftir, so eg eri klár at fara aftur til ar­ beið­is. Vit eiga eisini at megna at leggja alt, sum hevur verið, aftur um okkum, sigur Liljan Weihe. Ein ósemja millum tveir av leið­ andi persónunum í einum stovni ávirka sjálvandi meira enn bara tey bæði, ið eru ósamd. Slíkt hevur van­liga eina neiliga ávirkan á alt ar­beiðsumhvørvið. Kringvarpið er í so máta einki undantak, og metir Liljan Weihe, at starvsfólkini hava uppi­borið betri. – Tað krevur ikki nógv av hvørki mær ella Johnny í Grótinum at lata hetta fara afturum og fáa eitt sam­starv upp at koyra. Ikki fyri mína ella hansara skyld, men fyri Kring­varpið. Har eru 90 starvsfólk, ið kýta seg hvønn einasta dag. Fyri teirra skyld haldi eg, tað er týdn­ ing­armikið, at vit leggja hetta aft­ ur­um okkum, vaska talvuna reina og byrja av nýggjum, sigur Liljan Weihe. Kom óvart á At tíðindaleiðarin ikki metir tað verða torført at koma víðari úr keði­ligu støðuni er millum annað tí, at hon ikki heldur at samstarvið mill­um hana og leiðsluna var so ringt, áðrenn hon varð uppsøgd. Fakt­iskt tók uppsøgnin hana á bóli. – Uppsøgnin kom óvart á meg. Eg hevði verið sjúkrameldað, men eg føldi, at eg og stjórin høvdu eitt gott samstarv og høvdu funnið stevið. Somuleiðis hevði eg eitt gott sam­starv við stýrið, sigur Liljan Weihe. Endaligu boðini um, at Liljan Weihe varð søgd úr starvið komu 21. desember. Talan gjørdist um helst mest almennu uppsøgn í Føroya søgu, tá kringvarpsstjórin sendi eitt tíð­inda­skriv til fjølmiðlarnar, har hann boðaði frá, at tíðindaleiðarin var uppsøgd vegna illoyalan at­ burð, ið hevði skatt umdømið hjá stovn­inum og álitið á leiðsluna. Tíðindaleiðarin dylur ikki fyri, at tað var hart at fáa eitt so niðrandi SÆRANDI AT VERÐA STEMPLAÐ ILLOYAL - Tað krevur ikki nógv av hvørki mær ella Johnny í Grótinum at lata hetta fara afturum og fáa eitt samstarv upp at koyra. Ikki fyri mína ella hansara skyld, men fyri Kringvarpið KRINGVARPSSTRÍÐIÐ