mánadagur 23. apríl 2018síða 16

Mánadagur 23. apríl 2018 · Nr. 46 16 Sosialurin Hugskot og viðmerkingar – send sms til 225000 Klæmint A. Olsen, sum sunnudagin javnaði metið hjá Jákup á Borg sum mest skorandi leikari í bestu føroysku fótbóltsdeidlini nakrantíð, sigur at hann eftir farna kappingarár vandi seg við tankan um, at hann í ár helst fór at taka metið frá Jákup á Borg FÓTBÓLTUR FÓTBÓLTUR André Olsen NSÍ áleyparin, Klæmint A. Olsen, útjavnaði sunnudagin metið hjá Jákup á Borg sum mest skorandi leikari í bestu føroysku fótbóltsdeildini nakrantíð, tá hann í fyrra hálvleiki í dystinum móti Skála skoraði einsamalla málið í dystinum í 1-0 sigrinum hjá NSÍ móti Skála. Klæmint A. Olsen og Jákup á Borg deila tí í løtuni báðir metið við at hava skotið 153 mál í bestu føroysku fótbóltsdeildini. Hevur vant seg við tankan Klæmint A. Olsen sigur, at tað at hann hevur kunna fingið metið frá Jákup á Borg ikki hevur fylt so nógv hjá honum persónliga, men at hann eftir farna kappingarár vandi seg við tankan, at hann helst fór at fáa Jákup á Borg aftur í ár. Tað at eg nú eri mest skor­ andi leikari í bestu føroysku fótbóltsdeildini nakrantíð, er ikki nakað sum hevur fylt so nógv hjá mær, men sjálvsagt er tað stuttligt. Tá farna kappingarár var av, visti eg, at tað vóru bara fýra mál upp til Jákup á Borg, so tá vandi eg meg við tankan, at tað skuldi vera í ár, at eg skuldi fáa hann aftur. Og at vera mest skorandi leikari í bestu føroysku deildini, er sjálvsagt ein stórur heiður, sigur Klæmint A. Olsen. Eyka søtt at vinna móti Skála Tað sum Klæmint A. Olsen mest av øllum fegnaðist um eftir sigurin móti Skála sunnudagin, var at NSÍ eftir tveir dystir á rað uttan sigrar, megnaði at koma aftur á rætt kjøl. Klæmint A. Olsen helt ikki, at munurin millum NSÍ og Skála var stórur leikliga. Vit eru ómetaliga glaðir um at fáa trý stig móti Skála, og kanska serliga nú, tá vit í fjør høvdu tað trupult við Skála. Tí var talan um eyka søtan sigur. Annars haldi eg, at talan var um ein spennandi dyst. Tað var ikki nógvur munur á liðnum, og skálamenn góvu okkum ein skarpan gang. Men tíbetur eydnaðist tað okkum at standa eftir við øllum, og tað er umráðandi, nú vit undan dystunum høvdu fingið tvey verri úrslit, sigur Klæmint A. Olsen. Minnist best tvey mál Dysturin sunnudagin var dystur nummar 255 hjá 27 ára gamla Klæmint A. Olsen í bestu føroysku fótbóltsdeildini, og tí er Klæmint A. Olsen ein lutfalsliga ungur leikari í fótbóltshøpi. Tað er hugsandi, at Klæmint A. Olsen skjótt fer at økja metið sum mest skorandi leikari nógv, og at hann í langa tíð fer at vera maðurin, sum fer at vera eltur hjá eftirkomandi áleyparum. Fyri Klæmint A. Olsen persónliga eru tað tvey mál, ið sita fastast í minninum av teimum 153, sum hann hevur skotið. Øll mál telja sjálvsagt líka nógv, so tí hava øll havt líka stóran týdning. Men summi hava verið vakrari enn onnur. Tað flottasta málið, sum eg nakrantíð havi skotið, var við Margáir í 2015, tá eg skeyt ein heilfluktara í handara málhorn. Eg haldi meg aldrin hava troffið ein bólt so væl sum tá. Eisini minnist eg væl fyrsta málið hjá mær í bestu deildini. Tað skeyt eg á útivølli móti B36 í 2009, tá eg javnaði til 2-2 í einum dysti, sum vit vunnu 2-3. Tað málið hevði stóran týdning fyri meg persónliga, sigur Klæmint A. Olsen. NSÍ hevði størri málmøguleikar Sjálv grannauppgerðin millum NSÍ og Skála sunnudagin var annars lítið at skriva heim um. Í mun til málmøguleikar, vann NSÍ dystin uppiborið, tí serliga eftir at Klæmint A. Olsen í fyrra hálvleiki hevði lagt NSÍ á odda 1-0, hevði NSÍ góðar møguleikar til at økja um leiðsluna til 2-0. Í báðum førum var tað Øssur Dalbúð, ið nær við. Í seinna hálvleiki var talan um dyst, har NSÍ legði seg aftur at verja leiðsluna, meðan Skála trýsti NSÍ nógv. Men hóast Skála var nógv á bóltinum og væl við leikliga, var tað langt ímillum upplagdu málmøguleikarnar til skálamenn. Tí var 1-0 sigurin til favorittarnar úr NSÍ í lagi útfrá dystargongdini og málmøguleikunum, men sigurin og spælið hjá runavíkingum kundu væl verið meira sannførandi. Fótbóltur Dysturin hesa vikuna... NSÍ-Skála 1-0 (1-0) 1-0 Klæmint A. Olsen, 15. NSÍ: Tórður Thomsen - Bárður J. Hansen, Johan Troest Davidsen, Per Langgaard, Jens Joensen (Pætur Hentze, 77) - Karl A. Løkin, Fróði Benjaminsen - Árni Frederiksberg, Øssur M. Dalbúð (Betuel Hansen, 70), Petur Knudsen (Pól Jóhannus Justinussen, 65) - Klæmint A. Olsen Gul kort NSÍ: Jens Joensen Skála: Karstin Hansen - Ari Olsen, Jákup Jakobsen, Ahmed Mujdragic, Leivur Joensen - Ólavur Mikkelsen (Andri Benjaminsen, 70), Niels Pauli Danielsen, Pætur D. Jacobsen - Edvin Jakobsen (Haraldur R. Højgaard, 90), Heðin Klakstein (Andreas Jacobsen, 85) - Brian Jakobsen Gul kort Skála: Jákup Jakobsen, Heðin Klakstein KLÆMINT JAVNAÐI METIÐ HJÁ JÁKUP Á BORG