mánadagur 23. apríl 2018síða 23

23 Mánadagur 6. januar 2014 · Nr. 2 Sosialurin Mánadagur 23. apríl 2018 · Nr. 46 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Tróndur sigur sína hugsan... t Hond­ bólt­ urin tá hann e­r best Hondbóltskappingarárið er nú komið at enda, og tíðin er komin at hyggja aftur á eitt langt kappingarár. Tað er nógv positiv ting at taka fram, men tað eru tíverri eisini nakrar afturvendandi trupulleikar. Onkrar sum vit kunnu gera nakað við, meðan aðrir verða torførari at ávirka – so sum fráflyting. Tað er at gleðast um, at Hondbóltssambandið hevur hoppað við báðum beinum í altjóða hondbólt. Tað er nokk ongi ivi um, at U21 landsliðslittøkan til HM endaspælið í Algeria hevur gjørt sítt til, at nógv ljós er varpað á føroyskan landsliðshondbólt. Ein avleiðing av góðu avrikunum í Algeria er, at fleiri av okkara bestu mansspælarum eru farnir av landinum at spæla hondbólt. Tað sást væl á dygdini í kappingini tey fyrstu umførini. Hinvegin er at gleðast um, at eitt nú Team Klaksvík ikki longur er eitt “walk over”. Tað ger botnstøðið í kappingini eitt vet hægri, men tað er enn langt á mál. Eg tosaði ein hondbóltskønan, sum helt fyri at kvinnukappingini ongantíð hevur verið so veik, sum í ár. FM finalurnar vórðu spældar við fullari ferð og tað sást lítið til, at talan hevur verið um eina heldur óspennandi kapping í ár, nú tá Neistin eisini datt niðurfyri. Tað er í stóran mun bara VÍF og Kyndil, sum javnt hava verið á einum nøktandi stigi. A-landsliðið hjá bæði kvinnum og monnum hevur hvat tað trupult. Tey eru væl aftanfyri mótsøðuna og tað tykist sum, at tað er avbera langt á mál. Ikki bara á vøllinum, men eisini í hugburðinum og tilgongdini til altjóða hondbólt. Tað er vónandi í holt við at broytast. FM finalurnar vísti hondbóltin, tá hann er best. Nú er avbjóðingin at fáa tað at røtta longri enn til finalurnar. Til lukku til VÍF og H71! trondur@sosialurin.fo Milos Budakovic (TB/FCS/Royn) Málverjin hjá Suðuroyingum var dagsins maður við Stórá sunnudagin, har hann leingi helt undirmannaðu Suðuroyingunum inni í dystinum við góðum bjargingum. Gilli Samuelsen (07 Vestur) Mest eyðsýndi leikari hjá 07 Vestur í Gøtu sunnudagin, var vongspælarin, Gilli Samuelsen, sum í seinna hálvleiki eisini kom á máltalvuna. Hjá 07 Vestur komu tær flestu farligu støðurnar ígjøgnum kvika leikaran. Jákup B. Andreasen (KÍ) Hóast Jákup B. Andreasen enn er ungur í fótbóltshøpi, er miðvallarin millum týdningarmiklastu leikarar í hópinum hjá KÍ. Fyllir nógv á miðvøllinum, og kom eisini á máltalvuna móti EB/Streymi. Sølvi Vatnhamar (Víkingur) Ársins leikari seinastu tvey árini hevur higartil í ár ikki verið eins eyðsýndur og hann hevur verið seinastu tvey árini. Men móti 07 Vestur sunnudagin var eitt sindur á tí gamla lagnum á Sølva Vatnhamar. Var eyðsýndur og fekk eitt mál uppá brotsspark. Klæmint A. Olsen (NSÍ) Skrivaði søgu tá hann avgjørdi dystin móti Skála sunnudagin, har hann gjørdist mest skorandi leikari í bestu føroysku fótbóltsdeildini nakrantíð saman við Jákup á Borg. Ein málrevur av rang. Bjarki Nielsen (AB) Ungi vongspælarin hevur verið eyðsýndur hjá uppflytarunum í AB higartil í ár, og í Gundadali sunnudagin, var B36 fleiri ferðir um ein háls av Bjarka Nielsen. Hevði skot á stongina og var sum heild við í nógvum hjá AB. Semir Hadzibulic (KÍ) Spælfordeilarin á liðnum hjá KÍ var sum heild eyðsýndur við Djúpumýru sunnudagin. Serliga dugir hann væl at finna opnandi avleveringina – og ofta hevur hann triðseinasta fótin á málmøguleikum. Ari Olsen (Skála) Kviki og orkufulli bakkurin hjá Skála var mest eyðsýndi leikarin hjá Skála í dystinum móti NSÍ sunnudagin. Vardi sum heild, og var raskur at koma niðan við í álopsstøður. Odmar Færø (B36) Odmar Færø var matchvinnari í dystinum millum B36 og AB sunnudagin, og harumframt var B36 liðskiparin eisini millum teir bestu hjá heimaliðnum. Er fysiskt yvirlegin í deildini. Adrian Cascaval (Víkingur) Nýggi verjuleikarin hjá Víkingi úr Moldova sær út sum ein fongur fyri tvífaldu føroyameistararnar. Ímóti 07 Vestur sunnudagin var útlendski leikarin sannførandi í verjuspælinum. Alex Mellemgaard (B36) Kom á vøllin í hálvleikinum fyri B36, og var sjónskur ta løtuna sum hann spældi. Kom í nógvar farligar støður, og átti eisini útjavnandi málið til 1-1 fyri B36. Heimir Guðjónsson (HB) Hesa ferð er eingin HB’ari á vikuliðnum, men HB eigur venjaran. At HB fer til Suðuroyar og megnar at vinna enn ein dyst móti endanum, er í stóran mun at takka venjaranum. Tí er Heimir Guðjónsson venjarin hesa vikuna. LIÐIÐ HESA VIKUNA