mánadagur 30. apríl 2018síða 16

Mánadagur 30. apríl 2018 · Nr. 48 16 Sosialurin Hugskot og viðmerkingar – send sms til 225000 HONDBÓLTUR Tróndur Arge – HB-húsið Um vikuskiftið var gallaveitslan hjá hondbóltinum í HB-húsinum. Sum vanligt er, so var lagið gott á før­oysku hondbóltsfamiljuni, nú kapp­ingarárið er komið at enda. Talan hevur verið um eitt óvanliga hend­ingaríkt kappingarár, har ser­ liga nógvu landsliðsbrøgdini hava fingið stóra viðurkenning. Ári Rouch helt røðu vega Hond­ bólts­sambandið, har hann minti øll á, at hóast tað er langt á mál, so skulu vit minnast til at vit gera nógv rætt. Hann vísti U21 landsliðið hjá monnum, og A-landsliðini hjá bæði kvinnum og monnum. Fyrrverandi hondbóltsspælarin, kendi tónleikarin Jens Marni Han­ sen, spældi undir. Miðskeiðis á kvøldi­num fekk hann hjálp frá Signari í Homrum. Tá mundu fagn­ að­ur iongan enda fingið. VÍF og Maria vunnu hjá kvinnunum VÍF er greipuvinnari hjá kvinn­un­ um og tað sást aftur, tá heiðurs­ løn­irnar blivu handaðar. Tó mundi stóri vinnarin á kvøldinum verða Maria Halsdóttir Weyhe úr H71. Hóast hon bara er 17 ára gomul, so bleiv hon toppskjútti í deildini, kosin til ársins áleypari og ársins stjørnu­skot. Restini fór VÍF við. Kristina Griksaite bleiv kosin til ársins mál­verja, Durita Jojic árins verju­ spælari, Ingi Olsen ársins venjari og Agnas Olsen ársins spælari. Fyri VÍF hevur stóra styrkin verið bakkarnir, Liljan Djurhuus og Durita Jojic, saman við spæl­ skiparanum Agnas Olsen. Tær komu allar á ársins lið saman við Heidi Mariu Akselsen og Kristinu Griksaite, meðan Turið Arge Samuel­sen úr Kyndli kom á vinstra vong­in. Størsta fagnaðin fekk Durita Toftum Joensen, ið bleiv vald sum strikuspælari á ársins liði. Rasmus og Neistin fóru við tí mesta Hjá monnunum stóð Neistin eft­ ir við tí mesta. Hóast H71 vann FM og var í steypafinaluni, so hava profilarnir ikki verið við alt kappingarárið. Eitt nú Peter Krogh, sum kom til í vetur, með­an Hilmar Leon Jakobsen var skaddur seinasta partin av kapp­ingar­ árinum. Neistin fekk hevði ársins venjara í Jeppe Borch, ársins mál­verja í Nicholas Satch­well, ársins spæl­ara í Rasmus Søby, og árisns stjørnu­ skot í Høgna Zachariassen. Filip Jojic, toppskjútti í deild­ini, bleiv eisini kosin til ársins áleypara, meðan Rókur Akra­líð úr Kyndli bleiv kosin til árins verju­spælara. Ársins lið hjá monn­um hevði eitt sind­ ur øðrvísi samanseting. Nicholas Satchwell er í mál, meðan úti spælararnir eru, Leivur Morten­sen úr H71, Filip Jojic úr VÍF, Hans Eli Sigurbjørnsson úr KÍF, Rasmus Søby úr Neistanum, Allan Norðberg úr StÍF og Rógvi Dal-Christiansen úr Kyndli. trondur@sosialurin.fo Hondbóltsgalla: Ársins áleyparar og toppskjúttar Ársins stjørnuskot Ársins spælarar AGNAS OLSEN OG RASMUS SØBY ERU ÁRSINS SPÆLARAR Gallaveitslan hjá hondbóltinum var um vikuskiftið. Millum annað blivu Agnas Olsen úr VÍF og Rasmus Søby úr Neistanum kosin til ársins spælarar. 17 ára gamla Maria Halsdóttir Weyhe for avstað við heiðrinum sum árins stjørnuskot og áleypari hjá kvinnum