týsdagur 1. mai 2018síða 44

SOSIALURIN MAI 2018 12 k v i n n u b l a ð i ð SPENNINGUR OG LAGNUSØGUR VIT VIÐMÆLA BØKUR OG SJÓNVARPSUNDIRHALD DRÁP Í SNAR­ TOKINUM MURDER ON THE ORIENT EXPRESS NÝGGJUR FILMUR Klassiska krimisøgan hjá Agathu Christie um drápið umborð á Orient snartokinum er enn einaferð innspæld sum filmur. Hesaferð hevur Kenneth Branagh leikstjórnað og spælir belgiski detektivurin Hercule Poirot, sum er umborð á tokinum, har hann eina maður verður stungin til deyðis. So hvørt hann nærkast uppkláringini, gerst Poirot greitt, at talan er um óvanligt drápsmál. Filmatiseringin er visuelt hugtakandi. STRANDA­RDRÁP VIÐ GOMLUM SLÓÐUM DEEP WATER SJÓNVARPSRØÐ Á NETFLIX Tá ið ein ungur samkyndur maður verður dripin nærindis Bondi Beach í Australia, finna Tori Lustigman og Nick Manning slóðir til dráp, sum vórðu framd á samkyndar menn í 1980’unum og 1990’unum. Spennandi sjónvarpsrøðin bjóðar óvætnaðar hendingar, dramatikk og gott undirhald. SKAKANDI MENTANAR­DEYÐI HORVNA RÓSAN STEINTÓR RASMUSSEN Innan fáar dagar doyr ein kendur føroyskur yrkjari í Keypmannahavn og ein mentakona í Havn. Hví eru tey deyð og er samband millum deyðsføllini? Hetta er triðja bókin í krimirøðini um bindiklubbakvinnurnar. Í hesari bókini hava høvuðspersónarnir nógv upp á spæl, og persónlig loyndamál verða vavd upp í deyðsføllini. Bókin granskar føroyskt mentanarumhvørvi, og tað verður við hvøssum penni og eygleiðingum. Triðja bókin er tann sterkasta krimisøgan í røðini! FLÓTTIN SUM FÓR TIL OL BUTTERFLY YUSRA MARDINI Í 2015 flýggjaði Yusra Mardini úr Sýria í lítlum báti, sum steðgaði upp og byrjaði at søkka. Í meira enn tríggjar tímar vóru Yusra, systurin og tvey onnur fólk í sjónum og royndu at føra bátin móti landi. Tey komu til griksku oynna Lesbos og bjargaðu harvið lívinum á øllum fløttunum. Hetta er søgan um kvinnuna, sum rýmdi úr krígsherjaða Damaskus, fór gjøgnum Europa og endaði á Olympisku leikunum í Rio de Janeiro í 2016. SØGUR UM KVINNULÍV MORGUNFRÚA SÓLRÚN MICHELSEN Høvundurin, ið sjálv er komin væl til árs, sigur í hesum savni frá tilburðum í kvinnulívum. Høvuðspersónurin í næstan øllum søgunum er ein kvinna. Ikki sama kvinna, men kvinnur í ymsum aldri, við ymsum nøvnum, í ymsum umhvørvi, har tær eru fyri ymsum tilburðum, ið elva til tvístøður og ymisk vandamál, sum tær loysa hvør á sín hátt, ella sum tær ikki megna at loysa.  Allar søgurnar viðgera eksistentiell vandamál, stundum úr einum eitt sindur øðrvísi sjónarhorni, enn vit eru von við. PERSÓNLIG LAGNUSØGA DEN DER LEVER STILLE LEONORA CHRISTINA SKOV Tá ið mamman doyr, avger Leonora Christina Skov at skriva persónligu søguna um seg og serliga sambandið við mammuna. Einsama Christina livdi eitt krevjandi lív við einari mammu, sum ikki elskaði hana treytaleyst og einum pápa, sum tók hædd fyri mammuni í øllum. Tá ið Christina verður vaksin, fer at skriva og tekur eina týðandi persónliga avgerð, verður sambandið við mammuna enn verri. Ein skakandi skaldsøga, sum byggir á veruligar hendingar í lívinum hjá rithøvundanum. FRØKUN FISHER LOYSIR MORÐGÁTUR MISS FISHER’S MURDER MYSTERIES KRIMIRØÐ Á NETFLIX Phryne Fisher er privatdetektivur í Melbourne í Australia í 1920’unum. Vælbjargaða og vakra kvinna er gløgg og forvitin, og hon dugir at finna samanhangir og slóðir í fløktum brotsverkum. Sambandið við kriminalpolitistin Jack Robinson er ikki allatíðina hjartaligt, men tey duga at brúka hvør annan og vita, at tey eru eitt sterkt toymi.