mánadagur 7. mai 2018síða 8

Mánadagur 7. mai 2018 · Nr. 51 8 Sosialurin HALDA FRAM Í RÍÐISAMBANDINUM Nevndin í Ríðisamband Føroya. F.v. Zacharias R. Jacobsen næstformaður, Brandur í Dali, formaður og Símun Skaalum, nevndarlimur. Á aðalfundi í ÍSF húsinum leygardagin, var øll leiðslan í Ríðisamband Føroya endurvald. Tað eru tey trý reiðfeløgini Vága Ríðingarfelag, Føroyskt Íslandsrossafelag og Føroya Ríðingarfelag, ið eiga hvør sítt umboð í nevndini. Nevndin hevur skipað seg soleiðis at Brandur í Dali er formaður, Zacharias R. Jacobsen næstformaður og Símun Skaalum nevndarlimur. Pimmi lagt árarnar inn fyri seinastu ferð Tað varð ein heldur buldraslig útpurring í morgun, tá ið Jákup Mikkelsen (Biggi) ringdi, og fortaldi mær, at okkara kæri Pimmi var farin So seint sum mikudagin høvdu vit tríggir ein fyri­reik­ andi fund vegna Norðoya Fólka­floks­felag, tí vit eftir ætl­an skuldu halda ein al­ menn­an fund í Klaksvík í kom­andi viku og sum so ofta, løgdu vit hetta til rættis við ein­um kaffifundi hjá Jákup. Fund­urin var góður og tað var so avgjørt ikki okkara fat­an, at hetta var seinasta løt­an vit høvdu saman við Pimma. Sum formaður í Norðoya Fólka­floksfelag, so havi eg sjálv­andi samskifta nógv við Pimma, tí hann var okk­ara for­mað­ur í eitt drúgt tíð­ar­ skeið, og tá ið Pimmi ynskti at halda seg eitt sindur meiri aftur í 2015, ynskti eg, sum ný­valdur formaður, at Pimmi helt áfram sum nevnd­ar­limur, tí hansara vit­an og hegni til menning av fólka­floks­hugs­jón­ini, kundu vit ikki verða fyri uttan. Hann var mín veingj­a­maður og ment­or, tí hansara vitan um so at siga øll við­urskiftir, og hans­ara opinleiki til altíð at verða til reiðar við einari veg­leið­ing og svarið, kann ikki sam­anberast við nakað ann­að. Absalon í Buð, ella Pimmi sum vit øll kenna hann, er ímyndin av fólka­ flokshugsjónini og var fólk­ a­floks­mað­ur um ein háls. Ein fyr­i­mynd og sum for­ mað­ur í Norðoya Fólka­ floks­felag í mong ár, ar­beitt sum slóð­brótari og stremb­ ari fyri okkara hugsjón. Hans­ara serkøna vitan og ser­liga nærlagni innan so at siga øll økir, hevu­r rík­að okk­ara fel­agsl­ív og er tann veruliga ímyndin av, at tú við serligum hegni og vit­an, kanst siga nógv í stutt­um setningum. Pimmi var ein sera vitugur mað­ur, og tá ið talan er um sam­fel­ags­við­ ur­skift­ir, so vóru hansara eyðgleiðingar sera beinrakar. Hann var gløggur og dugdi væl at lýsa støðurnar, sum tær vóru og hevði serliga góð­an førleika tá ið talan var um tøl og hagtøl. Vit kundu altíð lættliga venda okk­um til Pimma, fyri at fáa skil­a­góða ráðgeving og veg­leið­ing, tí hann var dag­ førd­ur og fylgdi sera væl við í øllum, sum fyrifórst. Hann var ein persónur sum fylgdi serstakliga væl øllum sam­felags­viðurskiftum og ser­liga fisk­ivinnan hevði hans­ara áhuga, og innan júst hetta øki, kundi Pimmi met­ ast at vera ein av teim heilt ser­kønu. Vit fara øll at sakna Pimma ó­met­a­liga nógv og ynskja at lýsa frið yvir minn­ ini av okk­ara kæra floks­fel­ aga Absalon í Buð, vanliga nevnd­ur Pimmi. Símun Gullaksen, formaður. Norðoya Fólkafloksfelag – Absalon í Buð, ella Pimmi sum vit øll kenna hann, er ímyndin av fólka­flokshugsjónini og var fólk­a­floks­mað­ur um ein háls, skrivar formaðurin í Norðoya Fólkafloksfelag um Pimma, sum brádliga doyði um vikuskiftið 30 ára starvsdagar hjá Atlantsflog Atlantsflog hevur fylt 30 ár – og sum vera man eru fleiri starvsfólk, sum hava starvast hjá tjóðarflogfelagnum síðani byrjan – Í ár fyllir Atlantic Air­ ways 30 ár, og vit eru so heppin, at tað eru fleiri, ið hava starvast hjá fel­ agnum øll hesi 30 árini, skrivar Atlantsflog: Afturat teimum eru eis­ini upp­aft­ur fleiri, ið hava nógv ár á baki hjá tjóð­ar­fel­ag­num. Hesi eru heiðr­að í sambandi við starvs­dagar teirra. Tey sum vóru heiðrað í dag, hava starvast hjá At­lantic Airways í til­ sam­ans 267 ár. Hesi vóru heiðrað í dag:

 30 ára starvsdag: Marius Davidsen, fíggj­ ars­tjóri Bergtóra Nielsen, flog­ terna Hanna Svabo, fyri­sit­ing og kundatænasta Heini Davidsen, tekn­isk deild 25 ára starvsdag: Arngerð Davidsen, flog­ terna 20 ára starvsdag: Hans Erik Jakobsen, tyrlu­leið­ari (22 ára starvs­dag) Andreas Mouritsen, tyrlu­skip­ari Anfinn Frederiksen, tyrlu­skipari Páll Joensen, teknisk deild Elspa Egilstoft, kunda­ tæn­asta William Smith, tekn­isk­ ur leiðari – Atlantic Airways ynsk­ ir teimum hjartaliga til­ lukku og takkar teimum fyri trúgva tænastu. Ingrid Bjarnastein) Hesi fýra hava verið í starvi heilt frá byrjan. Fv. Marius Davidsen, Bergtóra Nielsen, Hanna Svabo, Heini Davidsen, avmyndað saman við Jóhonnu á Bergi Andreas Mouritsen, Anfinn Frederiksen og Hans Er­ik Jakobsen, Páll Joensen, Elspa Egilstoft, Arn­gerð Dav­ id­sen og William Smith avmyndað saman við stjór­ anum, Jóhonnu á Bergi, og fíggj­ar­stjóra­num, Mariusi Davidsen Mynd: Ingrid Bjarnastein