mánadagur 7. mai 2018síða 18

Mánadagur 7. mai 2018 · Nr. 51 18 Sosialurin Hugskot og viðmerkingar – send sms til 225000 André Olsen Setningurin hjá Víkingi undan dystinum móti KÍ sunnudagin var greiður. Skuldi felagsliðið úr Gøtu og Leirvík hava nakran møguleika fyri at gera seg galdandi í FM- stríðnum hetta kappingarárið, var ein sigur móti KÍ í Klaksvík eitt krav, soleiðis at frástøðan upp til ovastu plássini ikki skuldi gerast ov stór. Og sum so ofta fyrr, slerdu royndu Víkingarnir til, tá á stendur. Uppgerðin millum KÍ og Víking endaði við at Víkingur vann dystin 2-1, har miðvallarin, Heðin Hansen, skeyt sigursmálið eftir deyðbóltsstøðu tá 85 minuttir av dystinum vóru leiktir. Maurice Ross hevur gjørt meg betur Júst Heðin Hansen, sum sunnu­ dagin skeyt sigursmálið fyri Víking, hevur í ár á fyrsta sinni av álvara bitið seg fastan í liðuppstillingini hjá Víkingi. Gamaní hevur Heðin Hansen verið fastur partur av lið­ num hjá Víkingi í ógvuliga nógv ár og fingið fitt av spælitíð, men felags fyri øll tey árini hevur verið, at Heðin Hansen hevur verið úti og inni á liðnum, og ongan­ tíð orduliga hevur verið fastur partur av teimum fyrstu 11 hjá felags­liðnum. Men higartil í ár hevur Heðin Hansen verið millum teir leikararnar hjá Víkingi, sum hevur fingið mest spælitíð. Heðin Hansen hevur byrja inni allar níggju dystirnar hjá Víkingi í Betri-deildini hetta kappingarárið, og nógva spælitíðin hevur gjørt, at Heðin Hansen í ár hevur verið millum mest eyðsýndu leikararnar í føroysku kappingini. Heðin Hansen sigur, at álitið frá venjaranum, Maurice Ross, hevur lyft hann nógv sum fótbóltsspælara. Síðani Maurice Ross byrjaði í Víkingi føli eg, at eg havi fingið ógvu­ liga stórt álit frá Maurice Ross, og tað hevur givið nógv til sjálvsálitið hjá mær. Eg havi vant ógvuliga hart í vetur til at blíva stammspælari í ár og kenni meg væl fyri, og tí er tað eisini deiligt at eitt avgerandi mál í dag fylgir við sum løn fyri stríðið, sigur ein fegin Heðin Hansen. Sigurin kundi verið størri Heðin Hansen var sum vera man fegin eftir dystin, og helt at sigur­ in hjá Víkingi móti KÍ var fult uppiborin. Í opna spælinum helt Heðin Hansen, at Víkingur hevði ógvuliga gott tamarhald á dysti­ num. Tað kennist sjálvandi ógvu­liga gott at skora avgerandi mál­ið. Og at vinna, høvdu vit brúk fyri. Vit vistu áðrenn dyst­in, at vit máttu vinna dyst­in fyri at fáa samband aftur við topp 4, soleiðis at vit kundu taka stig frá KÍ og innheinta eitt sindur í kappingini. Um sjálvan dystin haldi eg annars, at vit høvdu ógvuliga gott tamarhald á. KÍ vóru farligir uppá deyðbóltar, men í opna spæli­ num skapa vit klárt meira enn teir, og koma eisini fram til eina rúgvu av málmøguleikum, so sigurin var uppiborin, sigur Heðin Hansen. Vit eru ikki nóg avgjørdir At Víkingur vann móti KÍ ger, at KÍ nú er í einari keðiligari gongd, tá hugsað verður um úrslit. Ósigurin móti Víkingi var annar ósigurin á rað í Betri-deildini, tí KÍ tapti eisini fyri viku síðani móti B36 í Gundadali. Og telur man steypakappingina við, tá KÍ tapti á útivølli móti TB/FCS/ Royn, var talan um triðja ósigurin á rað hjá KÍ samanlagt í øllum kappingunum. KÍ liðskiparin, Páll A. Klettskarð, helt eftir dystin, at KÍ í løtuni manglar avgerandi neyvleika í báðum endum av vøllinum. Vit hava ikki verið nóg avgjørdir í seinastuni og líða undir tí. Fyri tað fyrsta eru vit ikki nóg avgjørdir tá vit verja. Vit plaga ikki at lata mál inn uppá deyðbóltsstøður, og hava gjørt tað nú tveir dystir á rað, so tað skulu vit til at arbeiða við. Eisini í álopspartinum mangla vit neyvleika. Tað er sum um, at vit mugu stríðast meira fyri at fáa málini nú í mun til byrjanina av kappingini, og eru vit heldur ikki nóg neyvir tá farligu støðurnar koma, sigur Páll A. Klettskarð, liðskipari hjá KÍ. Bæði kunnu vinna FM Men hóast KÍ í løtuni er í einari ringari gongd tá hugsað verður um úrslit, kunnu klaksvíkingar onkursvegna allíkavæl vera nøgdir við fyrsta triðingin av kappingini. Felagið hevur fingið 19 stig í teimum fyrstu níggju dystunum, og er tað saman við fyrsta triðinginum í fjør, tað hægsta stigatalið sum KÍ yvirhøvur hevur fingið aftaná níggju dystir síðani 1999, tá KÍ hevði 22 stig eftir níggju dystir. Fyri tvífaldu føroya­ meistar­ar­nar úr Víkingi, hevði sigurin ímóti KÍ í Klaksvík ófatuliga stóran týdning. Sigurin ger, at Víkingur nú aftur liggur millum fýra tey ovastu liðini í deildini, og ikki hevur serliga langt upp til fyrsta plássi. Og soleiðis sum ka p p i n g i n hevur verið tey seinastu tvey árini, er tað serliga í teimum báðum seinastu triðingunum av kappingini at felagsliðið úr Gøtu og Leirvík, fær tey flestu stigini. andre@sosialurin.fo FÓTBÓLTUR Miðvallarin hjá Víkingi, Heðin Hansen, sum sunnudagin avgjørdi grannauppgerðina móti KÍ sigur, at álitið frá Víkinga venjaranum, Maurice Ross, hevur givið honum betri sjálvsálit og gjørt hann til ein betri fótbóltsspælara STATUS QUO HJÁ BÁÐUM LIÐUM Í MUN TIL Í FJØR Felags fyri bæði KÍ og Víking er, at tey í ár standa á sama stigatali aftaná fyrsta triðingin sum tey gjørdu fyri einum ári síðani. Tá hevði KÍ 19 stig og Víkingur 17 stig, og tað gera tey aftur í ár. Tá endaðu liðini ávikavist sum nummar 1 og 2, men ábendingar eru um, at tað helst skulu fleiri stig til, at enda ovast hetta kappingarárið. MEINHARDT FEKK HEILASKJÁLVTA Tá Víkingur javnaði til 1-1 í Klaksvík sunnudagin, mátti KÍ málverjin, Meinhardt Joensen, lata seg útskifta. Meinhardt Joensen fekk eitt slag í høvdið tá málið kom, og var í ørviti løtuna aftaná. Sum skilst er alt, ið bendir á, at KÍ málverjin fekk ein heilaskjálvta í støðuni. ÁLIT GEVUR MÆR SJÁLVSÁLIT