týsdagur 8. mai 2018síða 21

21 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mikudagur 9. mai 2018 · Nr. 52 -Eg ivist, um vit skulu til at skifta eitt sindur, tí vit hava nakrar eldri spælarar í hópinum. Vit taka uppgávuna í størsta álvara, men skapa vit eins nógvar møguleikar sum seinast, so vinna vit. Vit skulu bara halda áfram at spæla sum vit hava gjørt alt árið, sigur Maurice Ross, venjari hjá Víkingi. Suðringar vunnu heldur óvæntað á KÍ í fyrsta umfari í steypakappingini. Teir hava síðani fingið stig í Gøtu, og vunnu sunnudagin á EB/Streymi við Stórá. Tað tykist sum at Glen Ståhl hevur fingið fatur á rætta endanum, hóast tað hevur tikið eitt sindur av tíð. Er landskappingardysturin nakað at meta útfrá, so verður talan um ein javnan og spennandi dyst. HB – B71 HÓSDAGIN KLOKKAN 17 Dómari: Bjarki Danielsen Á Sandi er fótbóltsfebur, eftir at B71 hevur vunnið fimm dystir upp í slag. Fýra í landskappingini og ein í steypakappingini. Liðið liggur á fimta plássi í 1.deild. Spælandi venjari er Símin Hansen, men hann hevur eisini roynt at vunnið á HB, sjálvt um teir vóru undirtippaðir. Hann sipar til ólavsøkudystin í 2010, tá B71 vann 2-1 á táverandi meistaraunum úr HB. -Vit gleða okkum til hendan dystin. Vit hava vunnið fimm dystir upp í slag, og hava fyrr vunnið í Gundadali, tá vit hava verið undirtippaðir. Vit fara sjálvandi inn á vøllin fyri at vinna, men vit mugu halda nullið so leingi vit kunnu, og hvør veit um ikki allan dystin, sigur Símin Hansen. Tað hevur verið eitt sindur av rokið um dystarásetingina, tí B71 hevur ynskt at fáa dystin ein hálvan tíma seinni, tí marathonfótbóltur er á Sandi. Hetta fyri at fáa áskoðarar at koma við bátinum klokkan 16.35. HB hevur noktað fyri hesum. -Vit royna bara at fáa so nógvar áskoðarar til dystin sum til ber, men HB vil ikki. Eg veit ikki um teir eru bangnir fyri okkum, sigur Símin Hansen við sínum eyðkenda skálkabrosi. Sum skilst úr HB, so er ynski at fáa dystin spældan so tíðliga sum gjørligt, tí liðið skal spæla aftur sunnudagin móti Víkingi í landskappingini. B71 hevur at kalla allar mans tøkar, sum hava verið á vøllinum í ár, meðan HB framvegis er uttan Sebastian Pingel. -Vit vilja sleppa í hálvfinaluna. Tí stilla vit við sterkasta liði til uppgávuna hósdagin, sigur Rasmus Nolsøe, hjálparvenjari hjá HB. trondur@sosialurin.fo FÓTBÓLTUR Ikki við: Jákup Johansen og Jan Ingason Hansen (langtíðarskaddir), Haraldur R. Højgaard (lærið) Ikki við: Ari Krosslá Poulsen (búkskaði, ógreitt hvussu leingi) Ivasamir: Isaac Shaze, Heri E. Kjærbo Allir mans tøkir VÍKINGUR SKÁLA TB/FCS/ROYN Rás2 á staðnum Rás2 sigur frá trimum av teimum fýra fjóðringsfinalunum. Mikukvøldið sigur Rás2 frá dystinum millum AB og EB/Streym. Hósdagin sigur Rás2 frá dystunum millum B36 og Skála, sum byrjar klokkan 14, og frá dystinum millum Víking og Suðringar, sum byrjar klokkan 15. Til ber eisini at fylgja gongdini í øllum dystunum á In.fo.