mánadagur 14. mai 2018síða 17

17 Mánadagur 6. januar 2014 · Nr. 2 Sosialurin Mánadagur 14. mai 2018 · Nr. 54 Hugskot og viðmerkingar – send sms til 225000 FÓTBÓLTUR Heðin Stenberg (AB) Helt málið hjá argjamonnum, sum vunnu 2-0 á EB/Streymi. Hevði eina ordiliga góða bjarging, men spældi annars væl. Serliga setti hann spælið væl í gongd, tá hann fekk bóltin. Tað gjørdi at argjamenn oftani fingu trýst EB/Streym. Adrian Justinussen (HB) Sjálvskrivaður á liðnum, tá hann við tveimum frísparksperlum avgjørdi dystin í Gøtu. Er toppskjútti í deildini og tykist av fyri í løtuni. Kemur við nógvum í spælinum eisini. Meinhard E. Olsen (B36) Eitt framúr mál og eitt framúr upplegg. Tað er nokk til Meinhard at koma á liðið hesaferð. Isaac Shaze (Suðringar) Skorar og er besti maður á vøllinum á Dungasandi. Tað mesta av spælinum hjá Suðringum fer gjøgnum hann. Er fullur av orku og tryggur á bóltinum. Tykist sum ein sannur fongur og kann fáa ein týðandi leiklut fyri hvussu kappingarárið hjá Suðringum spælir av. Kaimar Saag (B36) Hattrik ger at hesin maðurin kemur á liðið fyrstu ferð. Hann stóð sterkur í myndini og málini vóru góð. Blívur bara betri og betri fyri hvønn dyst. Magnus H. Jacobsen (B36) Fær ungdómskortið hesaferð. Eftir fleiri góðar dystir á miðvøllinum hjá B36, er hann á liðnum, men tað er ikki bara tí hann er ungur, men eisini tí hann spældi væl. Hevur góðan bóltførleiki, góðar avleveringar og stinnur í tvídystunum. Bjarki Nielsen (AB) Ungi argjamaðurin hevur av álvara meldað seg inn í bestu deildina í ár. Eitt mál hesa ferð, men stóð eisini sterkur í myndini í spælinum. Góðan bóltførleika og skilagóður í avspælinum. Benjamin Heinesen (B36) Legði upp til tvey mál við longum innkøstum. Serliga tað seinna var væl hugsað, umframt at B36 kundi fingið eitt triðja mál upp á innkast í seinna hálvleiki. Spældi annars væl á høgra bakki, har hann kom nógv framvið. Marko Dusak (KÍ) Spældi sín besta dyst fyri KÍ higartil í 1-1 javnleikinum móti NSÍ í Klaksvík. Vinnur sínar tvídystir og sleppur sær væl av við bóltin, tað hevur verið ein trupulleiki fyrr í ár. Spældi sum ein maður, ið ætlar sær fast pláss á liðnum. Teitur Olsen (Suðringar) Tað vóru fleiri góð um miðverjuplássini, men við einum góðum avriki í 3-0 sigrinum á 07 Vestur hevur Teitur Olsen fingið pláss á liðnum fyri fyrstu ferð. Avrikið var ikki sera sannførandi, men plássið er eisini ein staðfesting av góðu gongdini hjá Suðringum seinastu dystirnar. Sørin Samuelsen (AB) Stríðsmaðurin hjá argjamonnum spældi væl móti EB/Streymi. Hann er sera ágrýtin í sínum verjuspælið. Tað kann geva ávísar avbjóðingar, men í hesum førinum gjørdi tað, at argjamenn fleiri ferðir vunnu bóltin tíðliga og nakað longur frammi á vøllinum enn vanligt. Endar á vinstra bakki, men er miðverjil Glenn Ståhl (Suðringar) Hevur hesa vikuna vunnið suðringar í hálvfinaluna í steypakappingini, umframt at vinna 3-0 á beinleiðis kappingarneytanum í landskappingini. Hetta eftir at hava spælt hósdagin, meðan 07 Vestur hevði frí. Liðið hesa vikuna: HER LIÐIÐ FYRI 10. UMFAR