mánadagur 28. mai 2018síða 13

13 Mánadagur 6. januar 2014 · Nr. 2 Sosialurin Mánadagur 28. mai 2018 · Nr. 59 Hugskot og viðmerkingar – send sms til 225000 STUTTSØGD Gilli Rólantsson átti avgerandi leiklut í, at Brann vann ímóti Rosenborg og nú er greitt oddalið í norsku Elitserien. Aðrir útisetar komu á máltalvuna í Danmark og Íslandi, og so er føroyska talvlandsliðið eisini úttikið Pætur Albinus FÓTBÓLTUR Gilli Rólantsson átti ein lykla­ leik­lut, tá ið Brann í gjár vann helst truplasta dystin á ár­inum – nevni­liga útidystin ímóti stór­ felag­num Rosenborg á Lerken­ dal-leik­vøllinum í Trónd­heimi. Heima­liðið legði seg annars á odda 1-0, men vit tveimum longum inn­ køstum, sum síðani funnu vegin til málið umvegis Fredik Haugen og Peter Orry Larsen, kúgvendi Brann dystinum og vann hann 2-1. Brann hevur framvegis ongan dyst tapt hetta kappingarárið. Tað er blivið til níggju sigrar og tríggjar javnleikir, og hetta kastar ein greiðan oddasess av sær. Bergen- liðið er nú seks stig frammanfyri nummar tvey, sum er Rosenborg. Finnur Justinussen og teir í Næstved tryggjaðu sær uppflyting til næstbestu donsku deildina, tá ið teir í gjár vunnu sannførandi 4-0 heimasigur á Middelfart. Finn­ ur vildi vera við í veitsluni og skeyt tvey mál. Hann byrjaði mál­ veitsluna til 1-0 og endaði hana eisini við 4-0. Finnur, sum er leig­ aður út til Næstved frá Fremad Amager, hevur nú skotið níggju mál bara síðani hann kom til Næstved í januar. Hann kann náa at skjóta enn fleiri mál, tí tað eru nevni­liga tveir dystir eftir at spæla. René Shaki Joensen skeyt sítt annað mál hetta kappingarárið og var við til at geva Grindavík ein deildan oddasess í íslendsku Pepsi- deild­ini, tá ið hann og liðfelagarnir í gjár spældu 1-1-javnleik á útivølli ímóti Stjørnuni. René legði gestirnar á odda eftir góðum hálv­ um tíma, men heimaliðið fekk javnað til 1-1 góðar 10 minuttir fyri leiklok. Stjarnan hevði ríkiligt av mál­møguleikum at vinna dystin, men Grandavík-málverjin, Maciej Majewski, stóð ein branddyst. Odda­liðið, Breiðablik, tapti 2-1 ímóti Vali, og hetta merkir, at Grindavík við eina stiginum í gjár nú hevur lyft seg heilt upp á eitt deilt fyrsta­ pláss við 11 stigum fyri seks dystir. Í annaðkvøld kunnu Gunnar Niel­ sen, Brandur Hendriksson og teir úr FH tó seta seg einsamallar á odda­sessin, eydnast tað teimum at vinna á Fylki heima á Kaplakrika. Íslendska ÍBV hevði Kaj Leo í Bartalsstovu á vøllinum allan dystin, tá ið liðið í gjár vann ein ógvu­liga tiltrongdan sigur á útivølli ímóti Keflavík. Dysturin endaði 3-1, og hetta var fyrsti sigurin hjá ÍBV í ár. Kaj Leo, sum hevur fingið at útvið fulla leiktíð higartil í ár og varð kosin dagsins maður síðsta umfar, átti hesaferð uppleggið til 3-1-málið, sum tvímálsskjúttin, Sindri Snær Magnússon, skeyt. Við sigrinum lyfti ÍBV seg av aftasta plássi. Teir hava nú fimm stig fyri seks dystir og hava lagt mót­ støðumenninar í gjár, Keflavík, afturum seg. Mohamed Salah, sum mátti fara úr Champions League-finaluni við skaða í økslini, sleppur helst við til HM-endaspælið í næsta mánaða. Tað sigur læknin hjá egyptiska landsliðnum, Mohamed Abou El- Ela, sum hevur fingið røntgen­ myndir frá Liverpool. Myndirnar vísa, at økslin hevur verið úr lið, men at talan ikki er um brot. Verri stendur til hjá spanska Real Madrid-bakkinum, Dani Carvajal, sum somuleiðis fór úr Champions League-finaluni við skaða. Hann er ivsamur til HM, og sambært Marca, so verður avloysari hansara fyrrverandi Barcelona-leikarin og núverandi Betis-leikarin, Marc Bartra. Heili trý feløg flyta upp í donsku Superliguna næsta kappingarár. Viljormur Davidsen og Vejle tryggjaðu sær beinleiðis upp­ flyting, og nú hava tvey lið afturat tryggjað sær uppflyting umvegis sokallaðar playoff-dystir ímóti næstaftasta og aftasta liðnum í Superliguni. Tey bæði liðini eru Esbjerg og Vendsyssel FF. Esbjerg vann samanlagt 3-1 ímóti Silkeborg, meðan Vendsyssel FF somuleiðis vann samanlagt 3-1 ímóti Lyngby. Esbjerg, sum so seint sum í 2014 spældi seg víðari úr bólkaspælinum í Europa League, er harvið tilreiðar til Superliga-fótbólt aftur eftir eitt ár í næstbestu deildini. Stóru æruna av tí eigur 20 ára gamla stórtalentið og toppskjúttin, Anders Dreyer, sum skeyt reint hattrikk í altavgerandi 3-0-sigrinum ímóti Silkeborg í gjár. HONDBÓLTUR Føroyska kvinnulandsliðið spælir hesa vikuna seinastu tveir EM- undankappingardystirnar í hesari undankappingini. Miku­ kvøldið verður kend vitjan í høll­ ini á Hálsi, tá ið heimsins besti hondbóltsspælari í 2013, Andrea Lekic, og landskvinnur hennara úr Serbia koma á vitjan. Sein­ asti dysturin í kappingini verður spældur leygardagin. Hann verður á útivølli ímóti Svøríki. Svøríki er nummar fýra á heims­ styrkislistanum, har Serbia er nummar níggju. Dysturin miku­ kvøld­ið byrjar kl.19.00, og tann leygardagin byrjar kl.16.00. TALV Nú er greitt hvussu føroyska talvlandsliðið verður mannað á olympiaduni í heyst. Hin 43. talvolympiadan verður í Batumi í Georgia í døgunum frá 23. septem­ ber til 6. oktober í ár. Føroyar fara á talv-OL við hesari manning: GM Helgi Dam Ziska (2552 stig), IM John Rødgård (2319), FM Martin Poulsen (2239), FM Carl Eli Samuelsen (2237) og FM Olaf Berg (2226). Avboð eru frá trimum telvarum. Høgni Egilstoft Nielsen, Rógvi Egilstoft Nielsen og John Arni Nilssen, sum vóru við í EM- og Small Nations- kappingunum í fjør heyst, fara ikki við til Georgia. Hetta verður mett sum missur, tí Egilstoft Nielsen- brøður­nir eru vanliga nummar tvey og trý á landsliðnum. Teir báðir spæla fótbólt í bestu deildini og raðfesta fótbóltin hægri enn telv­ingina. Gilli tvey upplegg á Lerkendal