mánadagur 28. mai 2018síða 14

Mánadagur 28. mai 2018 · Nr. 59 14 Sosialurin Hugskot og viðmerkingar – send sms til 225000 FIMLEIKUR Pætur Albinus Um vikuskiftið hevur Danmarks­ meistara­heitið í amboðsfimleiki verið á skránni, og í kappingini vóru tað tveir føroyingar, sum gjørdu um seg. Bogi Berg, sum lesur og íðkar í Danmark, vann DM-gull á lopi, meðan 13 ára gamla Atrið Breckmann úr Havnar Fimleika­ felagi vann silvur í lopi og bronsu á bitanum. Ungur vinnari Tann einans 13 ára gamla Astrið Breck­mann venur dúgliga heima í Før­oyum, men av og á venur hon eisini við danska felagnum, KG66, sum hon eisini umboðar tá ið hon kappast í Danmark. Hesaferð gekk væl unga føroy­ inginum, sum kemur heim­aftur til Føroya við tveimum heiðurs­ merkjum. Hon vann silvur í lopi og bronsu á bitanum. Sigast má, at hon hevði eitt gott viku­skifti, tí hon kom í tríggjar út av fýra finalum. Umvegis inn­leið­ andi kappingina kom hon nevniliga eisini í finaluna á gólvi, har tað bleiv til eitt fimtapláss. Astrið luttekur í aldursbólkinum, sum kallast junior. Hetta er fyri fim­leikarar, sum eru 13 til 15 ára gamlir. Astrið hevur eitt ár (í 2019) eftir í hesum aldursbólkinum. Óvæntað 23 ára gamli Bogi Berg, sum ger fimleik við felagnum GymAalborg, vann gull í lopi, og hetta kemur púra óvart á havnamannin. - Eg var als ikki favorittur til at vinna í lop. Eg havi havt stórar trupul­leikar við lopi í longri tíð, og tað hevur verið langt ímillum fram­ stigini, og tí kemur hetta heilt óvart á meg. Tó rakti eg dagin tá eg skuldi, og tað rakk so til gull. Persónliga hevði eg størri vónir á gólvinum, tí her havi tikið meg sera nógv fram, men gólvíðkanin hjá mær eydn­ aðist ikki so væl sum ætlað, og eg end­aði á einum 4. plássi, greiðir Bogi frá. Hetta var aðruferð, at Bogi luttók í DM. Í fjør vann hann bronsu á gólvinum og fekk eitt fjórða pláss í lop, har ein teknisk villa og ein frátøka upp á heili 2,0 stig var einasta forðingin fyri at úrs­litið ikki gjørdist nógv betri. Bogi venur burturav gólv og lop yvir hest. Hann roynir at venja fimm ferðir um vikuna, tveir tímar hvørja­ferð, men tað er ikki altíð, at tíðin hjá einum lesandi røkkur. Hann sigur, at hann altíð venur minst tríggjar ferðir um vikuna, og at hetta er avgjørda minstakravið fyri amboðsfimleik. Inn ímillum, eina-tvær ferðir um mán­aðin, venur hann eisini Århus, har umstøðurnar at venja eru betri enn í Aalborg. Um ein mánaða skal Bogi kapp­ ast fyri Føroyar til NM í Farum, og í september skal hann umboða Dan­ mark í World Cup í Ungarn. albinus@sosialurin.fo Vann DM-gull: HETTA KOM HEILT ÓVART Á MEG Fimleikur: Bogi Berg var annar føroyingunum, sum vann heiðursmerki í DM um vikuskiftið. Hann vann gull í lopi, og hetta kom púra óvart á hann. Hin føroyingurin, 13 ára gamla stórtalentið Astrið Breckmann, vann bæði silvur og gull Bogi Berg og Astrið Breckmann