mánadagur 28. mai 2018síða 20

Mánadagur 28. mai 2018 · Nr. 59 20 Sosialurin Hugskot og viðmerkingar – send sms til 225000 Sjúrður Hildarson Hoydal - “At sleppa at umboða hesa tjóð og hetta fólk, ið hevur tikið so væl ímóti mær sum tilflytari, er størsti heiðurin eg kann fáa!” Soleiðis sigur 26 ára gamli Nicholas Satchwell á føroyskum í samrøðu við Sosialin. Tá ið vit hitta hann byrja vit á donskum, men hann ger skjótt greitt, at hann heldur vil tosa føroyskt við okkum. Tað føroyska hevur málverjin lært, síðani hann kom til Føroya fyri knøppum trimum árum síðani, eftir at hann hevði verið í sveisiskum hondbólti í tvey ár. Áðrenn hetta hevði hann spælt í Dan­mark, í aðru og triðju deild fyri tað mesta. Nicholas Satchwell er hálvur dani og hálvur onglendingur, og hevur umboðað Stórabretland í al­ tjóða høpi. Millum annað var hann við til olympisku leikirnar í London í 2012 sum eykaval. Ein annar, ið var knýttur at bretska hópinum var Scott Harring­ton, ið seinni gjørdist venjari hjá Neistanum, og hetta sam­bandið var tað, ið fyrstu ferð fekk Nicholas Satchwell til Føroya. Í juni eru trý ár liðin síðani sein­ asta landsdystin fyri Bretland, og málverjin hevur tískil loyvi at spæla fyri Føroyar eftir hetta. Tí var hann eisini úttikin til føroyska brutto­hópin herfyri, eftir at hann hevði játtað at umboða Føroyar. Valdi Føroyar til Tað kravdi drúgva umhugsan at skula velja føroyska landsliðið til, sigur Neistamálverjin, og greiðir frá at tað vóru tvær støður at fyrihalda seg til: - “Eitt er at eg skal frávelja bretska landsliðið, sum hevur havt stóran týdning fyri meg. Bæði sum persón og hondbóltsleikara. Eg vænti ikki eg hevði spælt so nógvan hond­bólt, um eg ikki var komin á bretska landsliðið. Eitt annað er, at eg havi skula hugsað um, hví eg ynski at spæla við føroyska landsliðnum. Eg kom fram til, at tað at sleppa umboða hetta land og tað fólk, ið hevur tikið so væl ímóti mær sum tilflytari, er hin størsti heiðurin, ein kann fáa. Tað, at HSF og landsliðsvenjararnir halda, at eg havi nakað at bjóða uppá, gevur eisini hug at spæla við Føroyum”, sigur Nicholas Satch­ well. Málverjin leggur tó dent á, at hann er bert úttikin til bruttohópin enn, og at kappingin um plássini er hørð. Hann hevur vant við, og ásannar, at støðið er høgt, og kanska eru hinir leikararnir longri frammi enn Nicholas í kropsligu venj­ingini. Tí hevur hann sett sær sum mál at styrkja vøddarnar í summar­steðginum. Kjakið um nýggju landsliðsleikararnar Nicholas Satchwell er triði danin, ið er úttikin til føroyska landsliðið, og síðani fyrstu danirnir, Nicklas Selvig og Peter Krogh komu á lands­liðið, hevur kjakast verið um, hvørt hetta skal vera loyvt. Altjóða reglurnar loyva hesum uttan avmarkingar, men Hond­ bóls­samband Føroya hevur sett eitt minstamark fyri, at danskir leikar­ar skulu hava búð í Føroyum í tvey ár, áðrenn teir kunnu koma á lands­liðið. Síðani Nicholas Satchwell var út­tikin til bruttohópin, hevur kjakið aftur stungið seg upp, og mál­verjin er varugur við kjakið, men hann letur seg ikki ávirka av tí. - “Fyrst og fremst er tað sunt og gott fyri føroyskan hondbólt, at har eru so ymsar meiningar hjá fólki, ið ganga høgt upp í hondbóltin. Hetta er eisini tað sum ger, at tað er so stuttligt at spæla hondbólt í Føroyum.”, sigur nýggjasti lands­ liðsleikarin, áðrenn hann greiðir frá, hvussu hann upplivir kjakið um reglurnar. - “Tað sum hetta kjakið snýr seg um, fái eg ikki gjørt nakað við - tað er ein politiskur spurningur. Tað sum er umráðandi fyri meg, er, at eg havi tikið eina avgerð um, at eg havi hug til at vera partur av hes­um og at tað er av eini orsøk, ið eg fái staðið inni fyri. Reglurnar eru sum tær eru beint nú, og um tær vóru skerpaðar til fýra ella fimm ár, so hevði eg bara skula bíðað longur – og tað hevði eisini verið fínasta slag” “Hjá mær liggur denturin á, at hetta er nakað eg havi valt í sam­svari við reglurnar, og verða tær broyttar, so fari eg at royna hvat eg kann fyri at lúka tær treytirnar eisini.”, sigur málverjin og heldur fram: - “Eg eri føddur í London, tað fái eg ikki gjørt nakað við. Men Før­ oyar eru tað landið, sum eg havi valt at búgva í, og har mær dámar væl at vera. Mær dámar fólkið og trívist væl, og tí kundi eg taka valið at umboða Føroyar.”, staðfestir Nicholas Satchwell. Verður verandi í Føroyum Her trívist hann eisini sum hond­ bólts­leikari, og hann sigur, at hann kundi neyvan lokkast av landinum um størri feløg í til dømis Danmark høvdu bjóðað honum kjans. Men nú verður hann liðugur við ú t­ búgving í búskapi, og tá er tað van­ligt at hugsa um, hvørt ein skal taka eitt nýtt stig í lívinum, og tað inni­ber eisini, hvar ein hevur hug at búgva. Og Nicholas Satchwell hevur valt at halda fram at búgva í Før­ oy­um, og greiðir frá, at tað ið hevur týdn­ing fyri seg, er at hann fær ting­ini at hanga saman her, eins og hann er í einum arbeiði sum er bæði avbjóðandi og mennandi. Her hevur hann arbeitt í frítíðar­ skúla í Havn, har hann hevur trivist væl. Hetta hevur eisini hjálpt honum at bæði skilja og tosa før­ oyskt – og málið meistrar hann heilt væl, hóast hann stundum HONDBÓLT Drúgt kjak hevur verið um, at leikarar uttan ættarbond til Føroya umboða Føroyar í altjóða hondbólti. Herfyri var Nicholas Satchwell úttikin til føroyska bruttohópin. “Eg eri føddur í London, tað fái eg ikki gjørt nakað við”, sigur Neistamálverjin Nicholas Satchwell: STØRSTI HEIÐURIN AT UMBOÐA FØROYAR