hósdagur 21. juni 2018síða 4

FRÍGGJADAGUR 22. JUNI 2018 SOSIALURIN 70 4 Vit grenja ofta í Føroyum og upprunaliga, tá ið eg fór undir at skriva hesa klummuna, so var ætlanin at hetta skal vera grenj frá einum gomlum journalisti. Tað er eisini nógv at grenja um, men viðhvørt henda eisini ting í samfelagnum, sum peika rætta vegin. Í vikuni kunngjørdi Bakkafrost, at fyritøkan fer undir at byggja eitt biogassverk á Skarðshjalla í Havn. Fyrst og fremst til at taka ímóti avlopi frá alingini, so tað ikki dálkar firðirnar, men eisini tí hetta kann brúkast og gera nyttu í samfelagnum. Vit fáa bæði orku og hita burturúr hesum. Men eitt annað, sum vit eisini leggja til merkis er, at hetta verður gjørt við undirtøku frá bøndrunum í Føroyum, Fjarhitafelagnum, SEV og Tórshavnar kommunu. Bara tað at so nógv semjast, og siga tað alment , er stórt í Føroyum. Væl veit eg, at tað er lættari at semjast, tá ið onkur annar betalir, men allíkavæl. Ája! Kann ikki lata vera at tosa eitt sindur um veðrið. Vit høvdu nakrar sera góðar vikur í mei og fyrst í juni, men tað hava vit so sanniliga fingið afturlønt. Hesir seinastu dagarnir hava mint okkum á, at Føroyar liggja á 62 stigum norður og ikki nakra aðrastaðni. At vit viðhvørt billa okkum inn, at vit fáa eitt betri verðurlag er dreymar, tí alt sum frøðingar hava sagt um veður­ lagsbroytingar bendir á, at vit bara fáa ógvusligari veður. Og so er tað fótbólturin. HM hevur yvir­tikið sjónvarpsskýggjarnar og mennirnir hava yvirtikið sofurnar og lenistólarnar. Sjálvandi eri eg millum teira, men higartil hava eg ikki sæð so nógvar dystir. Haldi meg tó kunna staðfesta, at heilt á ovastu hill viðvíkandi fótbólti er tað eisini vorðið soleiðis, at munurin millum stóru fótbóltstjóðirnar og tær smærru er minkaður niður í næstan onki. Fyri okkum norðurlendingar, sum halda við Íslandi, er hetta sera spennandi. Vit sóu granntjóðina fyri vestan verja seg einastandandi væl móti Argentina við heimsins besta spælara á liðnum. Og ein serligur dystur fyri íslendska málmannin, tá ið hann bjargaði brots­ sparki frá sjálvum Leonel Messi. Danmark hevur vunnið ein dyst og spælt ein javnan og sviar hava vunnið ein, tá ið hesar reglur verða skrivaðar. Gongur tað ikki nóg væl hjá norð­urlendsku liðunum, so noyðast vit at halda við Onglandi við teimum leikarum, sum vit helst kenna best. Kanska koma teir hesaferð eitt sindur longri fram enn teir plaga. Nakrar vikur eru eftir enn. Ája!   Vikan ið fór Sæð á Facebook: 97% hava Spania sum favoritt móti Iran í kvøld. Tað halda 807 føroyingar, sum hava atkvøtt á Sona appini. Taks hevur meldað flestu bilasølurnar í landinum til løgregluna fyri brot á lógina um MVG. Vælumtóku leikurnar squishies eru sera vandamiklar vísir ein nýggj kanning Bakkafrost fer at byggja nýtt biogassvirkið á Skarðshjalla Hoyvíkingar fáa høli til fimm kommunulæknar. Tað hevur býráðið í Havn samtykt. Høgni Djurhuus er settur sum varastjóri á Landssjúkrahúsinum Stormur MEST NÝTTA ORÐIÐ HESA VIKUNA ...uppá ein minutt nýggj pláss til barnaansing koma nú í Havn 168 Mánadagin og týsdagin var ódnarveður kring klettarnar við vindmátingum upp til 45 m/s. Um orðið sigur Sprotin 1 nógvur vindur, stormur el. stormur í vindi sera nógvur vindur, stormur; vindurin vaks til storm; stormur kom á teir; (skaldsk.) stormarnir leikaðu fríir yvir boðar, streingir og íður; ein dagin, sum teir vóru úti á havi, kom herviligur stormur av landnyrðingi á teir; alla náttina var stormur av eystri; hvassur stormur; harður stormur; sterkur stormur; frekur stormur; kolandi stormur ódnarstormur; skræðandi stormur og sjógangur, so lítið var siglandi; har var rúkandi stormur undir landi Árni Gregersen, journalistur, skrivar Ája! Visti tú? At 21. juni er longsti dagur, altjóða yoga dagur og altjóða selfie dagur? Sæð á Facebook: Meksikanarnir hava uppbygd ein múr og týskarnir betala fyri hann. Fríggjadagin verður gul til stívt andøvsgul av vestri og útsynningi, 5 - 10 m/s. Mest skíggjað við regni, men út á dagin verður klárari, tó tað verða einstøk æl. Hitin alt samdøgrið millum 9 og 12 stig.  5-10 m/s 8-13 m/s 8-13 m/s LEYGARDAGIN FRÍGGJADAGIN SUNNUDAGIN Leygardagin, tá ið Jóansøkan er, sigur hann gul til stívt andøvsgul av útsynningi, 5 - 10 m/s, sum út á dagin veksur til 8 - 13 m/s. Mest skíggjað við einstøkum ælum, men um náttina fer at regna. Hitin millum 9 og 12 stig.  Sunnudagin sigur hann andøvsgul upp i ein strúk av útsynningi, 8 - 13 m/s. Mest skíggjað, men yvirhøvur turt. Hitin alt samdøgrið millum 9 og 13 stig.