hósdagur 21. juni 2018síða 27

FRÍGGJADAGUR 22. JUNI 2018 SOSIALURIN 70 27 astu merking. Fjøltáttaða skráin fevnir um hóp­in av ítrótti innan fleiri ítróttargreinar, og eina røð av mentanartiltøkum, frá lista- og mynda­framsýningum til kórsang, konsertir, og livandi tónleik annars. Á skránni eru eisini útimøtir, tivoli og dansur og mangt annað. Hvør í sínum lag leita okur til tey tiltøkini og tilboðini, sum hevur okkara áhuga, antin talan er um list, tónleika, tivoli ella ítrótt. Jóansøkunevndin hevur lagt doyðin á, at okkurt skal verða fyri øll, at øll skulu hava okkurt at fara til. -Og tað at fáa møguleikan at fara til spennandi tiltøk og samstundis heilsa uppá fólk og fáa eitt gott prát, er ein týðandi partur av bæði jóansøkuni og av trivn­aðinum her á staðnum. Fyriskipararnir av jóansøkuni eiga stórt rós fyri tað stóra arbeiði tey ár um ár leggja í bæði fyriskipan av jóansøkum og í at skipa innihaldið í ítróttar- og frítíðarfeløgum. Okur eiga heldur ikki at gloyma at talan er um sjálvboðið arbeiðið okkum øllum at frama – og eiga feløgini hjartans tøkk fyri tað. Spennandi útgáva jóansøkuvikuna Í mun til undanfarin ár fevnir jóansøkan í ár eisini um ein útgávu av yrkingasavni. Tað er kenda skaldið Niels Petur Nolsøe, eisini kendur sum NePtuN, sum gevur út yrkingasavn undir heitinum “Um heimlig tún”. Í samband við útgávuna er eisini kvøld­ seta í Stóra Pakkhúsi tórskvøldið. NePtuN hevur seinastu gott og væl hálvt­ hundrað árini ríkað okkum løturnar við millum annað yrkingum, tættum, skemti­ sang­um og sálmum – og ikki minst við dýra­bærum sangum um heimbygdina og nátt­úruna í nærumhvørvinum. -Og gleði eg meg serliga nógv til kvøldsetuna, har yrk­ inga­savnið “Um heimlig tún” verður borið fram. Ítróttur og jóansøkan ganga hond í hond Uttan ítrótt var jóansøkan fátøk og sigast kann, at ítróttur og jóansøkan ganga hond í hond. -Tá tað samstundis gongur gott ítrótt­ ar­liga, og her hugsi eg kanska serliga um summ­arstevnurnar og kappróðurin í Vági, so er spenningurin sum verða man stórur. Fólkini handan Vágs Kappróðrarfelag hava við hepnari hond ment felagið seinastu árini, soleiðis at kendu svørt-hvítt littu bát­ arnir hjá Vágs Kappróðrarfelag eru sera væl um­boðaðir á summarstevnununum í ár – og har­til kappast í front. Lítið er at ivast í, at stóra mannamúgvan við kappróðrarmálið á Løðhamri á jóansøku fer meiri enn annað-hvønn róður at halda ondina seinastu 20, 30, 40 tøkini, við vón um at hvíti báturin við svørtum stokkum og svart­ari rim ferð fyrstur um málstrikuna. Sami spenningur er sjálvsagt viðvíkjandi 10. mannaførunum, har Suðuroyingur skal end­urtaka jóansøkuróðurin frá 2012, tá Suð­ ur­oyingur vann. Jú, ítróttur savnar fólk til felags kenslu og felags samleika, og er tað eisini at gleðast um, at Suðuroyarliðini í fótbólti hava leitað sam­an í felagsliðið, Suðringar. Avbjóðandi gongdin við fólkatalinum í Suðuroynni hevur broytt fyritreytirnar á nógvum økjum, eisini innan ítrótt, og er tað tí at gleðast um, at okur í felag eru farin undir at skriva nýggja søgu um fótbóltin í Suðuroynni. Gong­an kann til tíðir tykjast tung, men við tolni og støðufesti vinna okur fram á mál og ivist eg ikki í, at okur í felag fara at stríðast í topp­inum í føroyskum fótbólti innan fá ár. Bjartari tíðir fyri framman Eftir eitt áramál við lítlum virksemi, tá sam­ an­borið verður við restina av landinum, so bendir nógv á, at bjartari tíðir eru fyri framm­an. Í felag kunnu okur gleðast um, at nýggjar um­støður ár um ár, tær nýggjastu inni á Oyrunum og vesturi á Eiðinum, leggja lunn­ar undir at trivnaðurin her á staðnum kann gerast so góður sum tilber. Men uttan møgu­leikar at fara til arbeiðis, so er trupult at virka her á staðum, tí fegnast okur eisini um, at Bakkafrost í næstum fer at økja um virk­semi, soleiðis at arbeiðið verður til fleiri hend­ur, samstundis sum arbeiðið gerast meiri støðugt. Lokalu vinnufyritøkurnar spenna seg eis­ini út ár um ár, og er tað sera hugaligt at síggja, hvussu nógv virksemi t.d. Rock Trawl­ doors, Vágs Skipasmiðja, Tangavirkið, Vágs Timb­urhandil, Norcon os.fr. skapa saman við einari røð av størri og smærri fyritøkum kring fjørðin. Nýggjar spennandi fyritøkur hava eisini sæð dagsins ljós seinastu árini og er tað mín vón, at hesar kunnu leggja lunnar undir, at tað aftur verður meiri virksemi og støðugt ar­beiði á eitt nú havnarlagnum í Vági, har tað jú eru so ómetaliga stórir møguleikar. Ljósa summartíðin ber boð um ljósar tíðir við lív og lívsgleði – og tað er mín vón, at hetta eisini er byrjanin til eina enn bjartari tíð her á staðnum og í Suðuroynni sum heild. Seinastu vikurnar hava fólk, fyritøkur, feløg og kommunan brúkt nógva tíð og orku til at gera býin kláran til at taka ímóti jóan­ søku-gestunum. Jóansøkan er í hond og fari eg at ynskja øllum hjartaliga væl­komn­um til Vágs á jóansøku. Lítið er at ivast í, at stóra mannamúgvan við kappróðrarmálið á Løðhamri á jóansøku fer meiri enn annað- hvønn róður at halda ondina seinastu 20, 30, 40 tøkini Ljósa summartíðin ber boð um ljósar tíðir við lív og lívsgleði