mánadagur 25. juni 2018síða 13

13 Mánadagur 6. januar 2014 · Nr. 2 Sosialurin Mánadagur 25. juni 2018 · Nr. 71 Hugskot og viðmerkingar – send sms til 225000 STUTTSØGD Stevna ímóti bestu deildini Sonni Ragnar Nattestad og teir í Aalesund hava økt um leiðsluna í næstbestu norsku deildini. Leikaraskifti hava verið í fót- og hondbólti, og so hevur súkklukapping eisini verið her heima. Pætur Albinus FÓTBÓLTUR Botnliðið í Betri-deildini, 07 Vestur, hevur skrivað undir sáttmála við enska miðvallaran, Charlie Mach­ ell. Tað veit heimasíðan jn.fo at siga. Charlie Machell er 23 ára gam­ al, og hann hevur seinast spælt við Thisted í næstbestu donsku deild­- ini. Har bleiv tað til 19 dystir, teir flestu sum innskiftari. Áðrenn tað spældi hann við Wingate Uni­ ver­sity og East Tennessee State Uni­ver­sity í USA. Hann er annars upp­vaks­in í Newcastle í Onglandi, har hann eitt nú hevur spælt við U18-liðn­um hjá Newcastle. Charlie Mach­ell hevur royndarvant vesturi í Vágum seinastu vikuna, og tað hev­ur altso kastað ein sáttmála av sær. Sonni Ragnar Nattestad og teir í Aalesund halda fram við at stevna beint ímóti norsku Elitserien. Í gjár vunnu teir ruddiligan 3-0-heima­sig­ ur ímóti Notoddden. Støðan í hálv­ leiks­steðg­in­um var 1-0, og Sonni Ragnar Nattestad spældi aftur hesaferð allan dystin í mið­verj­uni. Aalesund er nummar eitt í OBOS- ligaen, sum næstbesta deild­in í Noregi eitur, heili seks stig framm­ an­fyri nærmasta eltaran, Sogn­dal, sum í gjár einans fingu 0-0. Eftir næsta umfar er kappingin hálv­ runn­in. Andri Benjaminsen, sum hevur verið útleigaður frá NSÍ til Skála í fyrru hálvu, skiftir nú heimaftur til NSÍ at spæla í seinnu hálvu. Tað veit heimasíðan bolt.fo at siga. Andri, sum er 19 ára gamal, hevur spælt níggju dystir við Skála og hev­ur skotið eitt mál hetta hálva kapping­arárið, hann hevur roynt seg á Skála. HM-endaspælið hesaferð hev­ur sett met. Metið varð sett leygar­dag­ in, tá ið Belgia vann 5-2 á Tunesia. Hetta var 27. dysturin í HM-enda­ spæl­in­um, og í øllum teimum 27 dyst­un­um er tað komið í minsta lagi eitt mál. Tað er fyrstuferð í søg­uni, at tað hendir, tí eftir fyrstu 27 dyst­irnar er tað altíð komið í minsta lagi eitt mál. Soleiðis er tó ikki hesaferð. Hinvegin, so er enda­ spælið hesaferð ikki serliga málríkt. Higar­til eru komin í miðal 2,4 mál í hvørj­um dysti, og tað er einans lítið meira enn tað lægsta miðaltalið, sum var í 1990. Tá komu í miðal 2,2 mál í hvørjum dysti. FIFA hevur fingið úr at gera eft­ir HM-dystin ímillum Sveis og Ser­bia, sum endaði við 2-1-sigri til Sveis. Granit Xhaka og Xherdan Shaqiri skutu málini hjá Sveis, og í mál­ fagn­aðinum gjørdu teir eina ørn við hond­unum, sum óivað skuldu ímynda ørnirnar í flagginum hjá Albania – fíggindanum hjá Serbia. Granit Xhaka og Xherdan Shaqiri stava báðir úr Albania, og pápin hjá Granit Xhaka var polit­isk­ur fangi í gamla Jugoslavia. Fagn­ aðurin er undir illgruna fyri at vera politiskur, og tað hevur FIFA nú valt at hyggja nærri at. Eis­ini venjarin hjá Serbia, Mladen Krstaj­ ic, skal avhoyrast av FIFA eftir at hann aftaná dystin hevði hartað dóm­aran, Felix Brych. Hann helt fyri um dómaran, at hann ikki hevði givið honum gula ella reyða kortið, um hann fekk møguleikan, men heldur sett hann fyri manna­ rætt­inda­dóm­stól­in í Haag. FORMIL 1 Kappkoyring var í gjár í Fraklandi, har bretski Lewis Hamilton (Merc­ edes) byrjaði fremstur og varð­veitti leiðsluna allan vegin á mál. Hann endaði frammanfyri kapp­ing­ar­ neytan, Sebastian Vettel (Ferr­ari), og harvið økir hann um saml­aðu leiðsluna til at vera 14 stig framm­ an­fyri týska Vettel. Danski Kevin Magn­us­sen, sum koyrir fyri Haas, bleiv numm­ar seks og er nummar 10 í saml­aðu kappingini. Tað eru 13 kapp­koyringar eftir at koyra í hes­ um kappingarárinum. HONDBÓLTUR Grønlendska manslandsliðið, sum hev­ur føroyska Inga Olsen sum venj­ara, var um reppið at óvæntað spæla seg við í HM-endaspælið, tá ið teir høvdu spælt seg heilt fram í hálvfinaluna í panamerikanska meist­araheitinum, sum hesaferð varð spælt heima í Grønlandi. Grøn­land tapti stórt fyri Argen­ tina í hálvfinaluni, men í bronsu­ dyst­inum ímóti Kili kundu teir við einum sigri tryggja sær HM-at­ gongu­merkið. Hóast undirmettir, so javnaðu teir til 30-30 í seinasta sek­undi og fingu longda leiktíð, men har steðgaði grønlendska ævin­týrði. Kili vann dystin 39-36 og hevur harvið tryggjað sær HM-lut­ tøku saman við Argentina og Brasil. Føroyski hondbóltsspælarin, Helgi H. Hoydal, skiftir úr danska Odd­er til norska Viking. Tað hevur hann váttað fyri in.fo. Sterki striku­ spælarin ger tískil júst sum Kjart­ an Johansen, sum herfyri eisini skifti til Viking, ið júst er flutt upp í næstbestu norsku deildina. Hann skifti frá Fyllingen. Helgi, sum sat uttanfyri stóran part av kapp­ingar­ ár­inum í fjør, gleðir seg til nýggju av­bjóðingina. - Tað verður ein spenn­andi uppgáva, og eg gleði meg at spæla saman við Kjartani, ið eg altíð havi havt gott samstarv við á lands­liðnum, sigur Helgi Hildarson Hoy­dal. - Tað verður møguliga eitt fet aftur í støði, men eg vænti at tað verður eitt stórt fet fram fyri mína menning, við tí spælitíðini og teim­ um venjingarumstøðunum. ið eg nú fái, sigur Helgi við in.fo. SÚKKLING Súkklukapping hevur verið her heima um vikuskiftið. Súkklaður varð ein fjallateinur, ið var 42,2 kilo­ metrar langur. Hann var úr Havn, til Gomlurætt, niðan á Oyggj­ar­veg­ in, oman í Norðadal, niðan aftur á Norðadalsskarð og so bratta túr­in niðan á Sornfelli. Teimum, ið lysti, kundi eisini súkklast ein styttri teinur. Á tí teininum varð ikki súkklað oman og niðan úr Norðadali. Tríggir súkklarar vóru við á hvørjum teini, og úrslitini blivu hesi: Longri teinur: 1. Gunnar Dahl-Olsen (1 tíma 55 minuttir 30 sek­und), 2. Jan Hjaltalin Ol­sen (1.55.40), 3. Kjartan Egholm (2.05.33). Styttri teinur: 1. Jákup Pet­ur Elia­ sen (1.41.02), 2. Tórarinn Didrik­sen (1.50.00), 3. Ás­lakkur Nesá (1.56.33). Næsta kapp­ingin á skránni er tann kenda Kring Før­oyar. Hon fevn­ir seg yvir fimm dagar, og verð­ur í døg­un­um frá 18. til 22. juli.