mánadagur 25. juni 2018síða 22

Mánadagur 25. juni 2018 · Nr. 71 22 Sosialurin Hugskot og viðmerkingar – send sms til 225000 Vikan ið fór Jón Krosslá Poulsen, sum herfyri varð loystur úr sáttmálanum við 07 Vestur, fer aftur á gamlar gøtur og skrivar undir sáttmála við TB/FCS/Royn. Lutakast er til HM- undankapping í kvinnuhondbólti, og har gerst greitt, at føroysku kvinnurnar skulu spæla ímóti Sveis, Finnlandi og Litava. Danski vongleikarin hjá HB, Sebastian Pingel, fær staðfest, at hann hevur slitið krossbandið og má sita uttanfyri restina av hesum kappingarárinum. Føroyski hondbóltsspælarin, Helgi H. Hoydal, skiftir úr danska Odder til Viking í næstbestu norsku deildini, har hann gerst liðfelagi við Kjartan Johansen. Lutakast er til fyrsta undanumfar í Europa League og Champions League. NSÍ skal møta Hibernian úr Skotlandi, meðan Víkingur skal spæla ímóti finska HJK Helsinki. Bussur við NSÍ-leikarum á veg til dyst í Betri-deildini á Skála fer út av vegnum við Skipanes. Eingin mannskaði er, og dysturin verður spældur sum ætlað. Seinasta umfar fyri summarsteðgin í Betri- deildini hjá monnum verður spælt, har flest øll tey fremstu liðini vinna og skapa enn størri gjógv í deildini. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Helgi H. Hoydal Aldur: 22 Yrki: Hondbóltur (Viking, Noreg) Royn tína vitan um ítróttin her og nú! Svarini standa niðast til vinstru, men royn teg nú fyrst 1. Harry Kane og Romelu Lukaku 2. Grétar Snær Gunnarsson 3. RB Leipzig 4. Riza Durmisi 5. Nigeria 6. Roberto Martinez 7. Kylian Mbappé 8. Ola Toivonen 1. Hvørir eru einastu leikararnir, ið hava skotið meira enn eitt mál í tveimum dystum í hesum HM? 2. Hvussu eitur nýggi íslendski spælarin hjá HB, sum er leigaður úr FH? 3. Hvørjum liði spælir týski HM-áleyparin, Timo Werner, við? 4. Hvussu eitur danski vinstri bakkurin, ið júst er skiftur úr Celta Vigo til Lazio? 5. Hvørjum HM-landi spælir Ahmed Musa við? 6. Hvussu eitur landsliðsvenjarin hjá Belgia? 7. Hvør spælir í troyggju nummar 10 hjá Fraklandi? 8. Hvussu eitur svenski HM-áleyparin á myndini? Hvussu ber tað til, at tú valdi at skifta til Viking? - Eg fekk ein fyrispurning frá liðnum, um eg hevði áhuga at koma at spæla eitt ár í Noregi. Tað ljóðaði áhugavert, og so gekk tað skjótt at fáa tingini upp í lag. Venjarin er tann sami, sum var venjari hjá norska U21-landsliðnum í Algeria síðsta summar. Hevði Odder áhuga at leingja um samstarvið? - Eg hevði eitt pláss í Odder. Men so leingi at teir ikki bjóðaðu mær kontrakt hevði eg møguleika at samráðast við onnur feløg. Hvussu er støðið í Noregi í mun til í Danmark? - Noreg er ein av fremstu honbóltstjóðum í altjóða høpi. Tó dugi eg ikki at meta um støðið í næstbestu deildini í Noregi, men tað er uttan iva ein deild við nógvum spennandi liðum og leikarum. Hvat er málið hjá Viking næsta kappingarár? - Málið er at finna sítt pláss í næstbestu deildini. Teir hava fingið nakrar nýggjar leikarar, sum eru eitt stig á tí leiðini. Hvat verður títt persónliga mál í Viking? - Mítt persónliga mál er at koma fyri meg aftaná skaðan sum eg fekk í apríl, og gerast ein av berandi leikarunum í felagnum. Harafturat leggja afturat kropsligu venjingini, soleiðis at eg kann vera við til at berjast um eitt pláss á landsliðnum aftur. “Vit hava verið fyri nógvum atfinningum, og summar av teimum hava verið uppibornar, men eg vænti, at nógv fólk í Týsklandi høvdu verið glað, um vit ruku út í dag” - Toni Kroos eftir 2-1-sigurin á Svøríki “Vit fara ikki at njóta tað og siga, at hetta er ein nýggj tíð við Europa League og bla, bla, bla. Vit hava prøvað hetta somikið ofta nú. Vit hava ein kjans at koma víðari, og tí kjansinum fara vit eftir.” - Jákup á Borg, B36-venjari, um Europa League-dystin ímóti St. Joseph's 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Myndin hesa vikuna: Leikarar hjá Panama savnast í bøn eftir Ongland-dystin, har teir hóast 6-1-stórtap fegnast um at teir skoraðu sítt fyrsta mál í HM-søguni.