mánadagur 25. juni 2018síða 23

23 Mánadagur 6. januar 2014 · Nr. 2 Sosialurin Mánadagur 25. juni 2018 · Nr. 71 Hugskot og viðmerkingar – send sms til 225000 KLUMMAN Tróndur sigur sína hugsan... t Nú skulu vit standa saman Føroyskur liðfótbóltur er í prinsippinum farin í feriu, eftir at 15. umfar hevur verið um vikuskiftið. Talan er tó um avmarkaðasummarferiu, tí millum annað spæla Víkingur og EB/Streymur um vikuskiftið í framskundaðum dysti, meðan Víkingur, KÍ, B36 og NSÍ øll skulu spæla í Evropa. Hóast tað, so er hetta tíðin, tá “Ársins Lið higartil” verður sett fyri aðru ferð. Fyrst tá ein triðingur er farin, og so nú, tá kappingin er komin í helvt. HB hevur vunni allar dystirnar uttan ein. Tað kemur eisini at merkja Ársins Lið í blaðnum í dag. Avrikið leygardagin var sera sannførandi. Eg havi eitt sindur ringt við at lýsa akkurát hvat tað er, sum HB er. Tað er ikki umstillingsspæl, sum vit kenna frá Víkingi í fjør og fyrraárið, men tað er heldur ikki sjampagne-fótbólturin, sum eitt nú B36 kann finna upp á at koma við. Heldur er talan um eitt slag av maskinfótbólti, har motorurin bara koyrir við fullari ferð allan dystin. Speedarin riggar sum hann skal, liðið kann lættliga skifta gear og skal ein dystur steðgast, so verður trýst á bremsuna. Punktera ein hjól, so verður bara eitt nýtt sett í staðin, og hóast øll mátini ikki passar við undanfarna hjóli, so koyrir HB-bussurin akkurát líka skjótt. HB-bussurin koyrir ikki so skjótt, at ongin kann gera nakað við hann, men tað vísur seg at ongin klárar at yvirhála hann. Standa saman Men nú er landskappingini í “summarferiu”, so tíðin er komin til, at føroyskur fótbóltur heldur saman, tá føroysk lið fara í Evropa at spæla. Víkingur skal spæla minst fýra dystir, meðan KÍ og serliga B36 hava góðar møguleikar at spæla seg víðari. Torførastu uppgávuna hevur NSÍ, sum kom beint víðari til annað umfar í Europa League, har liðið skal spæla móti Hibs úr Skotlandi. Vit á ÍtróttarSosialinum fara at gera nógv burturúr føroysku liðunum í Evropa. Vit halda tað er týdningarmikið, at vit fáa so góð úrslit sum gjørligt, tí tað gevur avkast bæði í pengum, men eisini at onnur feløg síggja hvør dugur er í okkara spælarum. Samanlagt gevur tað eisini størri ambitiónir, sum aftur bara kann verða gott fyri føroyskan fótbólt. So latið okkum standa saman um føroyskan fótbólt í Evropa! Tróndur Arge 15. umfar: 3-4-3: ­Liðið hesa vikuna Karstin Hansen (Skála) Málverjin hjá Skála hevur tvær góðar bjargingar og ger tað hann skal í grannauppgerðini móti NSÍ Kaimar Saag, B36 Tvey mál í ódnini á Argjum ger at Kaimar Saag er á liðnum hesa ferð Lasse Andersen, HB Enn eitt sannførandi avrik í verjustøðu, har hann vinnur sínar tvídystir Jóannes K. Danielsen, KÍ Ágrýtin í verjustøðu, men er eisini sinnaður at koma fram við í álopsstøðu. Formurin peikar rættan veg Boris Dosljak, KÍ Skorar einsamalla málið í sigrinum á EB/Streymi, har hann eisini er sannførandi í verjustøðu Heimir Guðjónsson Enn eitt sannførandi avrik frá HB, sum ikki gav Suðrinum nógvan kjans. Ein møguli torfør uppgerð á jóansøk, sum bleiv avgeidd til UG Adrian Justinussen, HB Er eftirhondini sjálvskrivaður á liðnum – hesa ferð við góðum avriki og tveimum málum Pætur Dam Jacobsen, Skála Stríðist væl á miðjuni og fær málið, sum bjargar Skála eitt stig Grétar Gunnarsson, HB Vísti í løtum, at hann er ein splæari við góðum bóltførleika, men dugur eisini at skalla Lukasz Cieslewicz, B36 Mál og upplegg á Argjum og eitt sannførandi avrik Petur Knudsen, NSÍ Hevur fingið sjálvsálitið aftur og spælir væl – skoraði eisini á Skála Símun Samuelsen, HB Leggur upp til mál og spælur aftur væl