týsdagur 26. juni 2018síða 15

15 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Mikudagur 27. juni 2018 · Nr. 72 Hugskot og viðmerkingar – send sms til 225000 KAPPRÓÐUR Lokala pressan er eisini á Malta Jákup Ósá, ítróttarskrivari á Norðlýsinum og bolt.fo skrivar: JÁKUP ÓSÁ UM MALTA: - Á Malta er heitt í hesum døgum. Tað er sól allan dagin og tað verður boðað frá sama veðrinum restini av vikuni. Vit eru fleiri føroyingar sum merkja, hvussu tung luftin er. Men onkur av teimum, sum hevur verið her í nakrar dagar sigur, at eftir nakrar dagar, so merkir ein, at kroppurin byrjar at venja seg við hitan. Tí er tað helst skilagott av KÍ hópinum, at fara niður her til Malta fimm dagar áðrenn dystin. Tað hjálpir eisini, at dysturin verður spældur um kvøldið. KÍ viðhaldsfólkini eru farin í ymiskum bólkum og eisini aðrar føroyingar eru her á oynni av øðrum orsøkum, so mítt boð vildi verið, at tað kanska vera eini 40-50 føroyingar á Centenary Stadium í Ta' Qali hóskvøldið og stuðla KÍ. JÁKUP ÓSÁ UM HÓPIN OG LIÐIÐ: - KÍ hópurin er væl fyri. Teir royndu Hjalgrím Elttør og Krist­ offur Jakobsen eru ikki við hóp­ in­um til útidystin, men teir hava ikki verið nógv við seinastu dystirnar, so tað broytir sum so einki. Sum útgangsstøðið vænti eg, at teir somu ellivu byrja inni, sum byrjaðu móti EB/Streymi. Spurn­ingurin er so, hvør leiks­kip­ anin verður, tí KÍ skiftir regluliga millum leikskipanir. Í fjør spældi liðið við trimum, sum eisini ofta bleiv til fimm, í verjuni báðar dystirnar í Europa League. So eg vildi kanska skotið uppá eina 3-6- 1/5-4-1 líknandi leikskipan uttan at hava nakra venjing at byggja tað á. JÁKUP ÓSÁ UM VÓNIRNAR: - Tað er trupult at meta um møguleikarnar, og eg haldi heldur ikki, at KÍ viðhaldsfólkini her niðri ordiliga vita, hvat tey skulu vænta. Veddingarfyritøkurnar siga, at Birkirkara er ein rímiliga stór­ur favorittur til fyrra dystin. Ein ítróttarjournalistur frá Malta hevur sagt mær, at Birkirkara telist millum favorittarnar til meist­araheitið komandi kapping­ arár. Liðið hevur keypt nógv inn og harav fleiri A-landsliðsleikarar hjá Malta. Teir hava eisini nógvar útlendskar leikarar, har onkrir hava týðandi leiklutir. Venjarin er nýggjur, og tað sum eg havi lisið meg fram til og hoyrt frá fólki her á staðnum, so skulu vit vænta eitt lið, sum spælir álopsfótbólt. Føroysk lið standa seg søguliga væl móti liðum frá Malta, so KÍ skal fara eftir møguleikanum. B36 hevur sent Birkirkara út fyrr og var nær við at gera tað sama við Valletta fyri tveimum árum síðani. KÍ hevur ongantíð í søgu felagsins skorað á útivølli í Europa kapping, so tað verður vónandi hesaferð, tí flestu av mótstøðuliðunum hjá KÍ áður hava verið munandi sterkari á pappírinum enn, hvat Birkirkara er. Fær KÍ ikki eitt mál, so mugu vit vóna ein 0-0 ella í ringasta føri eitt 1-0 tap. Við tað at Birkirkara hevur so nógv nýtt fólk og ikki hevur spælt dyst av týdningi í knappar tveir mánaðir, so eigur tað at geva KÍ møguleikar. Útfrá upplýsingunum um Birkirkara kundi eg ímynda mær ein dyst, har Birkirkara fer at hava bóltin væl meira, men har Birkirkara vónandi ikki kemur til so nógvar stórar málmøguleikar bæði tí at KÍ er væl skipað og tí at Birkirkara liðið ikki er samanspælt ella í dystarvenjing. Mítt tipp liggur til antin 1-0 til heimaliðið ella 0-0. Við teimum báðum úrslitunum er møguleikin at koma víðari framvegis til staðar til seinna dystin. Meir kann lesast um KÍ og dystin á Malta í Norðlýsinum og á bolt.fo Saint Joseph´s rakt av veddingargølu í fjør Mótstøðuliðið hjá B36 í Europa League undankappingini, Saint Joseph´s úr Gibraltar hevur fáar evropeiskar royndir. Í fjør summar tók Saint Joseph´s lut í Europa League und­ an­kappingini á fyrsta sinni. Talan gjørdist um eitt samlað 0-10 tap ímóti AEL Limasol úr Kýpros. Saint Joseph´s tapti 0-4 heima og 0-6 úti. Tað var tó ein sera keðilig hend­ ing í fjør sum yvirskuggaði alt annað. Saint Joseph´s var nevnliga rakt av einari ógvuliga keðiligari vedd­ingarskandalu. Tveir spælarar hjá Saint Joseph´s, liðskiparin, Esteban Montes og Alberto Montaño sum báðir eru úr Spania fingu harðar revs­ing­ar fyri at hava sett pening á dystir sum báðir høvdu verið partur av. Aganevndin hjá fótbólts­sam­ bandinum hjá Gibraltar gav lið­ skip­aranum, Esteban Montes eitt fimm ára bann frá øllum fótbólti, og tey góvu Alberto Montaño eitt bann uppá trý ár frá øllum fótbólti. Har­aftrat fingu Esteban Montes og Alberto Montaño hvør sína bót. Esteban Montes skuldi rinda 1.000 bretsk pund og Alberto Montaño skuldi rinda 800 bretsk pund í bót. Úrskurðurin hjá aganevndini hjá fótbóltssambandinum í Gibraltar var fráboðaður 16. august í fjør. Saint Joseph´s segði sáttmálan upp við Esteban Montes og Alberto Montaño beinavegin tá bannini hjá teimum vóru veruleiki. herisimonsen@sosialurin.fo Europa League: 28. juni: B36 - St Joseph's Birkirkara - KÍ 5. juli: St Joseph's - B36 KÍ - Birkirkara B36: Møguligar uppstillingar 4-2-3-1 Rói M. Hentze/Trygvi Askham Andrias H. Eriksen, Robert H. Brockie, Odmar Færø, Alex Mellemgaard Eli F. Nielsen, Erlendur Magnusson Benjamin Heinesen, Lukasz Cieslewicz, Meinhard E. Olsen Kaimar Saag Ella: Rói M. Hentze/Trygvi Askham Erlendur Magnusson, Andrias H. Eriksen, Odmar Færø, Alex Mellemgaard Eli F. Nielsen, Magnus H. Jacobsen Benjamin Heinesen, Lukasz Cieslewicz, Meinhard E. Olsen Kaimar Saag KÍ 3-5-2- Møgulig uppstilling: Kristian Joensen Jóannes K. Danielsen, Marko Dusak, Deni Pavolvic, Hørður Askham og Ólavur Niclasen Boris Dosljak, Jákup B. Andreasen, Semir Hadzibulic, og Jóannes Bjartalíð Páll Klettskarð