hósdagur 11. november 2004síða 7

12 Nr. 216 - 11. november 2004 Nr. 216 - 11. november 2004 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundir føðingardagar, brúðleypsdagar, starvssetanir og -dagar. Týsdagin 9. november var móttøka hjá H.N. Jacobsens Bókhandli í Havn. Talan var um eina rættuliga sjáld- sama hending. Martin Thomsen, prentari, kundi halda sín 60 ára starvsdag á sama arbeiðsplássi MÓTTØKA Myndir: Magnus Gunnarsson Tað var í sera hugnaligum umhvørvi at móttøkan fyri Martin Thomsen var hjá H.N. Jacobsens Bóka- handli. Sjálvtøkuborð var sett upp í gomlu stovuni aftan fyri prenstsmiðjuna. Móttøkan byrjaði kl. 13, og nógv fólk stukku inn á gólvið fyri at heilsa upp á Martin. Har vóru familja, vinir og kenningar. Eisini stukki nógvir kundar inn á gólvið. Hóast Martin er 74 ára gamal, fekk hann blómu- heilsan frá 88 ára gomlu fastur síni, Mathildiu Fol- lend, sum býr í Danmark. Martin hevur arbeitt á prentsmiðjuni síðan 9. november 1944, tá hann sum 14 ára gamal fór í læru sum prentari. Lærutíðin var fimm ár, og sveinaprógvið var tikið í Danmark. Tá Martin varð útlærdur, vóru tey átta starvsfólk á prentsmiðjuni. Seinastu 9 árini hevur hann rikið prentsmiðjuna sjálvur og verið einsamallur til ar- beiðis. Tey sum hildu talu undir móttøkuni vóru Halgir Winther Poulsen, formaður í "Grunni H.N. Jaobsens Bókahandil", Malan Marn- ersdóttir, nevndarlimur í grunninum, og Emma Ja- cobsen úr Gøtu, sum ar- beiddi á skrivstovuni í bókhandlinum frá 1959-63. Hon siteraði sálma 103, sum eina heilsu til Martin. Halgir Winther Poulsen greiddi frá um grunnin, sum eigur H.N. Jacobsens Bókahandil. Malan Marn- ersdóttir segði frá søguni hjá bókahandlinum. Hon segði m.a. at sjálvur Bóka- handilin hjá Hans Nikláa Jacobsen læt upp ólav- søkudag 1865 heima í Gongini, har hann búði og hevði bókainnbindingina. Í 1918 flutti hann niðan í gamla Realskúlan, har bókahandilin hevur verið síðani. Prentsmiðjan hjá H.N. Jacobsens Bókahandli hev- ur prentað nógvar bøkur og tíðarrit gjøgnum tíðirnar, sum t.d. Færøsk Kirke- tidende og Songbók Føroya Fólks. Bókahandilin gav út Álmanakkan frá 1928-94. Malan endaði við at siga "Tað trúfesti, sum 60 ára starvadagurin hjá Martini ber boð um, hevur eyðkent virksemið í bókahandlin- um. Hóast ongar bøkur verða prentaðar her longur, ber tað enn eina tíð til at fáa kort, brævpappír, bræv- bjálvar og aðrar smáprent- lutir gjørd her. Takk fyri tað Martin, og alt tað besta ynskir Grunnur H.N. Ja- cobsens tær" Martin Thomsen 60 ára starvsdag: Trúfesti hevur eyðkent virksemið Martin Thomsen saman við familjuni, konuni Ragnu, døtrunum Biritu, Petru, Hildigunn, og dótturmonnum og abbabørnum Halgir Winther Poulsen helt talu vegna "Grunn H. N. Jacobsens Bókahandil", har hann er formaður Malan Marnersdóttir, nevndarlimur í grunninum fyri H.N. Jacobsens Bókahandilin Emma Jacobsen siteraði Sálm 103 sum eina heilsan til Martin Ein av gomlu kundunum hjá prentsmiðjuni, Emil Tomsen bókaútgevari, heilsar upp á Martin Síðan Martin yyvirtók prentsmiðjuni í 1995, hevur abbasonurin Dann Thorleifsson, hjálpt væl til á prentsmiðjuni, serliga eftir arbeiðstíð Ein av grannunum hjá bókahandlinum, Asta Jacobsen, sum hevur kioskina á Vaglinum NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Tøkk Hjartaliga takka vit øllum tykkum, ið á ymiskan hátt sýndu samkenslu, tá kæri bróðir okkara Hans Fredrik Hansen Kollafjørður Vanliga nevndur Hans í Sundinum andaðist og varð jarðaður. Tøkk til prestarnar Bergur Debes Joensen og Ingu Poulsen Dam.Tøkk til tykkum, ið vóru um hann á Landssjúkrahúsinum. Tøkk fyri blómur, kransar og gávur til Kollafjarðar kirkju og tøkk til øll tykkum, ið á ymiskan hátt hjálptu til áðrenn og aftaná jarðarferðina og fylgdu honum til hansara seinasta hvíldarstað. Fyri tey avvarðandi Kirstin, Maria, Hans Jacob, Poul Eli, Johannes og Anton Kunngjørt verður fyri ætt, vinum og kenningum at kæra svigarinna, fastur og mostur okkara Dagny Højgaard Toftir andaðist á Sambýlinum Vesturskin 8. november, 84 ára gomul. Jarðarferðin verður úr Fríðrikskirkjuni fríggjadagin kl. 13.00. Familjunnar vegna Hans Jákup, Osla og Odda Dagurin 11. oktober. Mortansmessa. Til minnis um biskup- in Martin í Tours í Fraklandi. Hann var føddur í tí, sum nú verður rópt Ungarn. Sum pápin var hann fyrst hermaður, men gav seg ungur í kirkjuliga tæn- astu, har hann skjótt kom fram. Hann var kosin til biskup í Tours. Mortan var verndarhalgimenni hjá øllum hús- dýrum og hjá drykkjumonnum. Navnið er latínskt og merkir stríðshugaður. Maria Hansen 65 Mikudagin 10. november fylti Maria Hansen í Vest- manna 65 ár. Hon er ikki ein og hvør. Tað eru fram- vegis ikki so nógvar kvinn- ur, sum hava gjørt vart við í politiska lívinum í Føroy- um, men sigast má, at tað hevur Maria. Tað var í 1988, at kvinn- urnar í Vestmanna rættiliga fóru at gera um seg í kommunupolitikki. Tær hildu, at menninir, sum høvdu rátt fyri borgum, hugsaðu næstan bara um vegir og havnir og annað slíkt og lítið og einki um eitt nú barnarøkt. Tær gjørdu tí ein kvinnulista og komu sterkar inn. Maria gjørdist bygdarráðsformað- ur og røkti starvið frá 1989- 96. Men longu tvey ár frammanundan var hon farin upp í landspolitikk eisini. Í 1994 valdi Sam- bandsflokkurin í Norð- streymoy hana inn á Ting, og hon sat á Tingi í eitt valskeið, tá hon ikki stillaði uppaftur. Hon hevur eisini havt onnur álitisstørv, var limur í Norðurlandaráðnum í eitt ár og stýrislimur í SEV í 3 ár. Foreldrini vóru Karolina Egholm úr Hvalvík og Herluf Davidsen úr Kvívík. Hon giftist við Jákupi Hansen úr Vestmanna, har tey búsettust. Maria er annars útbúgvin sjúkrarøktarfrøðingur. Hósdagin 4. november fylti Jona Petersen í Skálavík 70 ár. Jona er fødd í Æðuvik og er dóttur Sunn- evu og Óla Hans. Familjan flutti til Havnar, tá Jona var 11 ára gomul. Hon eigur tríggjar systrar: Jovina Højgaard og Henny Andreasen, sum báðar búgva í Havn, og Hanna Rasmussen, sum býr í Søldafirði. Jona giftist við Herman Petersen úr Skálavík í 1962, og eiga tey 5 børn og 17 ommu- og abbabørn og 4 langommu- og langabbabørn. Á ungum árum gjørdist Jona sjúk av epilepsi, og hevur hon verið merkt av tí líka til dagin í dag, men sterk sum hon. Hon hevur hildið hús og tikið sær av tí heimliga. Hjartaliga tillukkku við degnum sum var 4. november og Harrans signing framyvir. x. Jona Petersen 70 ár Jóannes Dalsgarð fyllir sekstifimm Í dag fyllir Jóannes Dals- garð, stjóri í Húsaláns- grunninum, 65 ár. Jóannes Dalsgarð er argjamaður, men vaks fyri tað nógva upp í Sandavági, hiðani mamman er ættað. Komin aftur til Argjar eftir lokna skúlagongd lærdi hann í handlinum hjá Valdemar Lútzen í Vágs- botni. Seinri fór hann at starvast hjá verfaðirinum, Hanusi við Høgadalsá, sum var reiðari og eisini umsat tann tá nýstovnaða Húsa- lánsgrunninum miðskeiðis í sekstiárunum. Eftir at Húsalánsgrunn- urin varð umskipaður og Hanus við Høgadalsá legði frá sær sum stjóri, setti landsstýrið Jóannes sum stjóra í grunninum, sum fekk stóran og týðandi lut í sethúsafíggindini sum fráleið. Í eina fjórðingsøld hevur Jóannes stjórnað Húsalánsgrunninum fyri- myndarliga saman við góð- um starvsfólkum. Bæði í arbeiði, í ítrivi og í øðrum høpi er Jóannes røkin, vælmeintur og hjálp- samur. Føðingardagsbarnið hev- ur altíð verið virkið. Í mong ár spældi hann við 1. og 2. mansliðið hjá Kyndli, eins og hann verið nevndarlimur og formaður hjá teimum grønu. Hondbolturin er lagdur, men nú sæst hesin spelkni unglingin sláa golfboltar uppi á bønum á Hoyvíks- garði leygar- og sunnu- dagar í vetrarhálvuni, eins og leiðin stundum gongur til grønu fløturnar í Het- landi. Sum hugsjónarmaður og formaður í Suðurstreym- oyar Tjóðveldisfelag átti Jóannes sín stóra leiklut í at gera Tjóðveldisflokkin til størsta flokk við valið í 1998. Seinastu tíðina hevur hann verið formaður í aðalstjórn floksins. Jóannes er giftur við Guðrun og tey eiga børnini Óluvu, Brand og Rúnu. Uppi á Berjabrekku búsett ust tey fyri nøkrum árum síðani og eisini har sprettur og grør rundan um tey. C M Y K 13 12 Sosialurin Tíðindi Ítróttur Viðmerkingar Nøvn Skráir Tiltøk Sosialurin Lýsingar Bilar Veðrið