mánadagur 2. juli 2018síða 13

13 Mánadagur 6. januar 2014 · Nr. 2 Sosialurin Mánadagur 2. juli 2018 · Nr. 74 Hugskot og viðmerkingar – send sms til 225000 STUTTSØGD Ungi føroyski bogaskjúttin, Aleksandur Leitisstein, gjørdi um seg í NM-kapping í Noregi. Eisini fimleikarar hava luttikið í NM, og so hevur ríðikapping verið her heima Pætur Albinus FÓTBÓLTUR Gilli Rólantsson og liðfelagarnir í Brann taptu fyrsta dystin í hesum kappingarárinum, tá ið teir í gjár vóru fyri óvæntaðum 4-0-stórtapi á heimavølli ímóti Molde. Gilli spældi allan dystin á høgra bakki. 17 ára gamli Erling Braut Håland skeyt øll málini hjá Molde innanfyri fyrstu 21 minuttirnar, og heppið fyri hann, so var umboð fyri Manchester United til staðar fyri at hyggja nærri at honum. Hann er mettur at vera eitt risatalent, og hann er sonur fyrrverandi Manchester City-spælaran, Alf-Inge Håland. Nærmasti kappingarneytin hjá Brann, Rosenborg, vann 1-0 á Sandefjord í gjár, og tískil er leiðslan hjá Brann í norsku Elitserien nú tódnað niður í fýra stig. Næsti dystur hjá Brann verður sunnudagin á útivølli ímóti Bodø/ Glimt. Jóan Símun Edmundsson fekk sínar fyrstu minuttir fyri týska Arminia Bielefeld, tá ið nýggja týska lið hansara vann 15-1 ímóti FC Offenbüttel. Føroyski landsliðsáleyparin, sum hevur fingið blusu nummar 14 at spæla í, spældi fyrra hálvleik. Tá var støðan 6-0, og Jóan Símun hevði lagt upp til tvey av málunum – bæði eftir hornasparksinnlegg. Kappingarskráin fyri næstbestu týsku deildina er júst blivin kunngjørd, og har sæst, at Arminia Bielefeld spælir fyrsta dystin í nýggja kappingarárinum 6. august á útivølli ímóti FC Heidenheim. 34 umfør eru í kappingarárinum, sum endar 19. mai 2019. Tað var føroyingauppgerð í íslendskum fótbólti í gjár, tá ið ÍBV av Vestmannaoyggjum við Kaj Leo í Bartalsstovu á liðnum fekk vitjan av René Shaki Joensen og teimum úr Grindavík. Dysturin endaði við 3-0-sigri til heimaliðið. Hetta var fyrsti sigur hjá ÍBV eftir trý tap á rað, og tey trý stigini lyfta teir fyribils upp um niðurflyingarstrikuna. Kaj Leo spældi allan dystin, meðan René fekk ein lítlan tíma á vøllinum. Eftir seks dystir uttan tap hevur Grindavík nú tapt tveir av teimum síðstu trimum dystunum. Teir eru á fjórða plássi, sjey stig aftanfyri oddaliðið, Val. Gunnar Nielsen, Brandur Hendriksson og teir í FH í kvøld kl.21 ímóti gamla felagnum hjá Gunnari, Stjarnan. 07 Vestur hevur lagt enn ein útlendskan spælara til hópin hjá sær til seinnu hálvu. Felagið boðar frá á heimasíðuni, at sáttmáli er gjørdur við 27 ára gamla danska áleyparan, Sonny Jakobsen, ið seinast hevur spælt við Thisted FC í næstbestu donsku deildini. Kappingarárið 2016/2017, tá ið Thisted FC var í triðbestu deildini, skeyt hann 24 mál í 30 dystum og bleiv toppskjútti í deildini. 07 Vestur hevur mist Gilla Samuelsen (B36), Jón Krosslá Poulsen (TB/ FCS/Royn) og Nikola Krcmarevic (til hús), men hevur nýliga fingið enska miðvallaran, Charlie Machell, til hópin. BOGASKJÓTING Seinastu dagarnar hava ungir føroyskir bogaskjúttar luttikið í NUM 2018 (Nordisk Ugdomsmesterskap) í norska býnum Larvik. Í liðkappingini eydnaðist tað ungum føroyskum monnum úr Føroyum at blíva nummar trý út av átta liðum, og harvið vunnu teir bronsu. Teir, sum mannaðu føroyska liðið, vóru Aleksandur Leitisstein, Hans Jákup Højgaard og Samuel Trygvason Petersen. Í einmansleiki í compound varð eisini eitt føroyskt heiðursmerki vunnið. Tað var Aleksandur Leitisstein úr Runavík, sum skeyt seg allan vegin í finaluna, har hann tapti eina sera tætta finalu og harvið vann silvur. FIMLEIKUR Føroyskir amboðsfimleikarar hava um vikuskiftið luttikið í NM- kapping í Farum í Danmark. Besta úrslitið hjá føroysku kvinnunum átti Rebekka Ingadóttir, sum bleiv nummar sjey, meðan Rani Allanson Dalsgarð bleiv nummar seks í lop upp um hest. Støðið í norðurlondum er høgt, so úrslitini vóru nøktandi. - Tað hevur gingið væl. Heilt væl. Samlaða úrslitið var positivt, sigur venjarin, Eyvind Akraberg Hansen, í samrøðu við kvf.fo. RÍÐING Ríðikapping hevur verið á flúgvarabedingini í Vágum um vikuskiftið. Hetta var ein kapping, ið var útsett eina viku vegna veður. Stóra søgan hesa kappingina var tann bara 13 ára gamla Randarsól Heinesen úr Bø, sum á hesi sínum, Spirit, ikki einans hevði skjótastu tíð í Tvíspor ung, men átti skjótastu tíðina í allari kappingini. Vinnarar vóru annars hesi: Skeið Regin Johannesen og Gylling - Tølt Bárður Johannessen og Syrpa - Trav Marna Anthonuissen og Oscar - Tvíspor II flokkur Hervør Olsen og Fagra. SVIMJING Føroyski svimjarin, Alvi Hjelm, svam fríggjadagin á italskari stevnu, nevniliga Sette Colli í Rom, har hann svam 400 metrar frísvimjing við tíðini 4:08.73. Tað er næstskjótta tíð hjá honum á teininum í ár aftanfyri 4:07.82 á Stockholm Swim Open í apríl, skrivar svimjing.com. Tað bleiv til eitt 35. pláss út av 36 svimjarum í Rom. Aleksandur vann silvur í NM Jóan Símun sæst her í Bielefeld-troyggjuni (t.h.) Aleksander Leitisstein vann silvur í NM