mánadagur 2. juli 2018síða 20

Mánadagur 2. juli 2018 · Nr. 74 20 Sosialurin Hugskot og viðmerkingar – send sms til 225000 FÓTBÓLTUR Tróndur Arge Tað er misjøvn nøgd í B36-húsinum, tá finski dómarin, Jari Järvinen, bríkslar fyri seinastu ferð. Enn eina ferð hevur b36 ikki fingið fulla nyttu burturúr spælinum, og enn eina ferð er málsetningurin í Ev­ropa akkurát ikki rokkin. Men. -Tað góð er, at hetta er fyrri hálv­ leikur. Vit eru betri enn hetta liðið og eg trúgvi fult og fast upp á, at vit kunnu vinna okkum víðari, sigur Lukasz Cieslewicz á enskum eftir dystin. Hann skorar málið hjá B36, sum kom upp á brotsspark í fyrr hálv­ leiki. Eitt brotsspark, sum verður gjørt móti póllendinginum, sum bæði skilur og tosar føroyskt, men heldur seg til tað enska framman­ fyri mikrofonini. Avrikið í Gundadali móti St Joseph's FC er eitt sindur súm­ bólskt fyri B36, bæði í lands­kapp­ ing­ini og í Evropa seinnu árini. Eitt mis­tak kostar dýrt. Skaðin broytir spælistílin Venjarin hjá B36, Jákup á Borg sigur undan dystinum, at hann ynskir at leggja trýst á gestirnar úr Gibraltar, sum tó vóru mannaðir við tíggju spaniólum. Tí verður Erlendur Magnusson valdur á miðjuna við tí fyri eyga, at hann skal leggja stórt trýst á miðvøllin hjá St Joseph's FC. Hartil er hann rennisterkur og skjót­ur avstað í umstilling. Hetta riggar væl eina løtu, men eftir 23 minuttir má Andrias H. Erik­sen takka fyri seg vegna skaða. Tað ger, at Erlendur Magnusson endar á høgra bakki, meðan Magnus H. Jacobsen kemur inn á miðju­na. Hann er ein øðrvísi týpa, sum heldur seg til verjukenda mið­vøllin og hevur sínar avgjørdu styrk­ir á bóltinum. Hetta ger tó, at trýstið hjá B36 ikki blívur eins áhaldandi á miðjuni, tá St Joseph's FC rudda vekk úr egnum brotsteigi í seinna hálv­leiki. St Joseph's FC standa allan dystin á egnari hálvu og verja við øllum, sum teir hava lært. Lukasz er snildur B36 hevur eitt sindur torført við at koma til málmøguleikarnar í fyrra hálv­leiki, men tá dysturin er 33 minuttir gamal fær B36 ein gyltan møgu­leika. Lukasz Cieslewicz, sum er ein royndur harri eftirhondini, fær bóltin inni í brotsteiginum og verður eltur av verjuspælara. 11 arin hjá B36 steðgar á og verður skump­ aður í ryggin. Tað gevur eitt nakað bíligt brotsspark, men høvðus­per­ són­urin er ikki í iva. -Tað er brotsspark. Har er kon­ takt og eg verið skumpaður. Ja, eg var nokk eitt sindur snildur í hasi støðuni, men tað er brotsspark, sigur Lukasz Cieslewicz, sum sjálv­ ur skorar upp á brotssparkið. Dýra mistakið Við málinum kann B36 slappa av og spælið verður meiri avslappað, tí B36 nú hevur munin. 1-0 er kanska ikki nokk, men tað er ein leiðsla. Tí kemur tað illa við, tá Erlendur Magnusson er óansin í verjustøðu og fellur bóltsterka Pedro Martinez inni í brotsteiginum. Erlendur Magnus­son spældi ein misjavnan dyst, tí hann gav nógv við síni orku, men serliga brotssparkið telur niður, tí hann eigur at vita, at hann ikki skal stasa í hasi støðuni. Brotsspark og St Joseph's FC javnar. Reak­tión­ir­nar eru eitt sind­ur ymiskar. Venjar­in krevur meiri av sínum spælar­um. -Hatta brots­sparkið, sum teir fáa er jú heila­deytt. Vit eru tveir móti einum, og teir hava ongan spælara inn­fyri. Teir hava ikki nakað annað enn hatta í øllum dystinum, sigur Jákup á Borg, meðan Lukasz Ciesle­ wicz leggur afturat: -Hann hevur verið fantastiskur fyri okkum í ár. Vit vinna sum eitt lið og tapa sum eitt lið. Tí fara vit ikki peika eftir honum nú, sigur mál­skjúttin. Nú hava gestirnir tað, sum teir vilja hava. Hetta merkir restina av dysti­num, tí sponsku spælararnir á St Joseph's FC liðnum hava onki ynski, um at verða við til at skapa dystin. Trýstið gevur ikki úrslit B36 hevur bóltin at kalla allan seinna hálvleik, men alt for nógvum førum kemur einki burturúr. Liðið kemur í fleiri góðar støður, men tað er sum um at seinasta avleveringin manglar. Hóast B36 hevur níggju skot á mál, so er tað bara tvær ferðir, at málverjin hjá teimum veruliga sleppur at royna seg. Hannes Agnarsson verður eisini sendur á vøllin í seinna hálvleiki. Skjóti vongurin setur lív í álopsspælið við síni nógvu ferð, men tað verður ikki umsett til mál. Eg sjey minuttir av yvirtíð, sum ikki var ein minuttur ov nógv, bríkslaði finski dómarin fyri seinastu ferð. Skulu hava mál Tað er nú greitt, at B36 skal hava mál á Gibraltar hósdagin, um liðið skal koma víðari í Evropa. Jákup á Borg, Lukasz Cieslewicz og Odmar Færø siga allir aftaná dystin, at teir trúgva upp á at vinna á Gibraltar. Veddingarfyritøkurnar hava framvegis B36 sum favoritt, men tað kemur at krevja nógv av teimum. Fótbóltur Dysturin hesa vikuna... Europa League: B36 MISTI TAMAR­ HALDIÐ Í EIN MINUTT FARA TIL GIBRALTAR Í DAG Hópurin hjá B36 er í dag farin til Gibraltar. Teir hava havt eina venjing í morgun, áðrenn flogið verður til Danmarkar og so víðari til Malaga. Síðani verður koyrt til Gibraltar, har B36 skal gista bara 400 metrar frá vøllinum, sum dysturin verður spældur á. Søgurnar endurtaka seg fyri B36. Teir spæla væl, men einkultar støður kosta dýrt. Hartil hevur B36 ikki havt tekkið í Evropa seinnu árini, men spælið er eyðagott og djarvt