mánadagur 2. juli 2018síða 23

23 Mánadagur 6. januar 2014 · Nr. 2 Sosialurin Mánadagur 2. juli 2018 · Nr. 74 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Pætur sigur sína hugsan... t Ven teg við VAR! Tað hevur verið í íshokki í 25 ár, kurvabólti í 15 ár og tennis í 10 ár. Nú er fótbólturin komin drússandi við sjónbandahjálp til dómararnar, men soleiðis sum treiskir fótbóltsfjepparar ikki tola ein steðg í spælinum og ikki vilja síggja fyrimunir í hesum risa fetinum mótvegis rættvísi og áratíggjund seinkaða frambrotinum hjá FIFA, so gongur helst ein løta enn til VAR verður gloypt av teimum stundum óneyðuga kritisku fótbóltsfjepparunum. Tað er neyðugt at leggja sær í geyma, at VAR ikki er tikið í nýtslu fyri at varpa allar skeivar dømingar úr fótbólti. VAR er tikið í nýtslu fyri at minka um týðilig mistøk hjá dómarunum. VAR lúkar burtur mistøk í samband við eitt nú mál, brotsspørk og reyð kort. Nú nyttar ikki longur at gera sjónleik, og nú nyttar ikki longur at gera beistagerðir meðan dómarin hyggur burtur. Nú mugu leikarar brádliga til at skikka sær. Ímyndið tykkum! Hevur ein ikki álit á avgerðini, sum teir níggju vælútbúnu, royndu heimselitu-dómararnir í VAR- toyminum eru komnir fram til sambært støðuni, ið teir hava møguleika at síggja umftur og umaftur frá 33 upptøkutólum, harav átta í super slow- motion og fýra í ultra slow-motion – ja, so hevur ein valla álit á nøkrum dómara, og so er tað helst hugburðinum hjá viðkomandi til fótbólt, ið tað er galið við. - Vit ynskja at blanda okkum minst møguligt upp í til mest møguliga nyttu, sum VAR- verkætlanarleiðarin og fyrrverandi toppdómarin, Roberto Rosetti, segði tað so væl. Onkur sigur, at sjarman í fótbólti er um at hvørva. Hvør sjarma er í, at eitt fótbóltslið verður snýtt fyri tildømis eitt brotsspark, sum – ikki óhugsandi í nútímans fótbólti – kann kosta teimum nógvar milliónir? Nakrir byrjunartrupulleikar hava verið, men tað er at fegnast um, at fótbóltur hevur tikið eitt týðandi fet mótvegis rættvísi. Alt fer óivað at laga seg, men vit mugu eisini spæla við. Gev VAR ein møguleika! Um ein steðgur í spælinum er tað, ið vit skulu rinda fyri at fáa meira av rættvísi, so er bíliga sloppið. VAR leingir ein dyst við í miðal hálvum triðja minutti. Tað eiga vit at tola, og tað er lítið av miklum í mun til hvussu leingi bólturin hóast alt ikki er í spæli. Heldur eina seina og rætta avgerð, enn eina skjóta og skeiva avgerð! Tróndur Arge Føroyski landsliðsspælarin hevur seinastu dagarnar verið til fyrstu venjingarnar hjá Arminia Bielefeld í 2. Bundes­liguni í Týsklandi. Heima­síðan hjá felagnum skrivar, at liðið møttist síðst í farnu viku, har spælar­ar­nir millum annað bilvu test­aðir við ymiskum renni­venj­ ingum. Hóast týskur fótbóltur hev­ur orð á sær, fyri at hava ser­liga harðar venjingar undan kappingarárbyrjan, so tykist hetta ikki verða støðan hjá toftamanninum, sum er tann fyrsti føroyingurin í týskum fótbólti. Arminia Biele­feld skal spæla níggju venj­ingardystir komandi tíðina. Jóan Símun á vøllin Ein av teimum var í gjár, tá Arminia Bielefeld vann stór­ sigur á FC Offenbüttel. Jóan Símun Edmundsson byrjaði á høgra vongi og legði upp til tvey mál í 15-1 sigrinum. Før­oyski landsliðsspælarin, sum spældi fyrra hálvleik á høgra vongi, áðrenn alt liðið bleiv skift út við 6-0 í hálv­leikinum, átti eisini lut í fleiri av hinum málunum. Sjálvur letur hann væl at umstøðunum í nýggja felag­ num. -Tað var deiligt at fáa eitt sindur av spælitíð. Eg var við í fleiri av málinum og spældi høgri vongur. Venjingarnar eru góðar og felagið er sera fram­komið, sigur Jóan Símun Edmundsson. trondur@sosialurin.fo Jóan Símun Edmundsson hevur um vikuskiftið spælt á besta liðnum hjá Arminia Bielefeld, sum vann lættan stórsigur í venjingardysti Jóan Símun í Týsklandi: Fyrstu minuttirnar á besta liðnum