týsdagur 3. juli 2018síða 4

Mikudagur 4. juli 2018 · Nr. 75 4 Sosialurin Hugskot og viðmerkingar – send sms til 225000 ÁTRÚNAÐUR - Vilja upplýsa føroyingar um kristna forfylging - Tað kostar at verða kristin í heiminum í dag, sigur Rói Norðoy, sum stendur á odda fyri nýggjum kristnum felagsskapi í Føroyum. Danjal av Rana - Yvir 200 milliónir kristin um allan heimin verða atsókt fyri teirra trúgv. Tey verða bukaði, drip­ in, afturhildin, mismunur verð­ur gjørdur móti teimum á arbeiðs­ marknaðinum og í útbúgv­ing­ar­ skipanini, kirkjur og heim teirra verða brend og børn teirra burt­ur­ flutt. Seinastu árini eru atsóknirnar móti kristnum vaksnar nógv í tali, serliga orsaka av at radikalt isl­am vinnur fram ymsa staðni í heim­in­ um. Í 1955 byrjaði ein hollendari, kall­aður Andrias, bróðir, at smugla Bíbliur inn í eysturevropa fyri at hjálpa teimum kristnu, sum blivu for­fylgd handan jarntjaldið. Í dag ar­beiðir felagsskapurin Open Doors í yvir 50 londum. Felagsskapurin veit­ir teimum atsóktu kristnu bíbliur, vegleiðing og stuðul, og kunn­ar øðrum kristnum um støð­ una hjá teimum. Felagsskapurin hevur havt um­boð í Føroyum í mong ár, men í vár bleiv felagsskapurin endur­ stovn­aður her í Føroyum. Tvey um­boð úr Åbne Døre Danmark vitj­aðu í Føroyum, aðalskrivarin René Brocelius Ottesen, og Golriz Ghozati, sum flýddi við for­eldr­un­ um úr Iran sum smá­genta, og síðani gjørd­ist kristin í Dan­mark. Í Føroyum hevur felagsskapurin verið virkin í mong ár, men seinastu tíðina hevur verið arbeitt við at fáa eitt føroyskt toymi at taka sær av arbeiðinum hjá felagsskapinum í Føroyum. Rói Norðoy er ein teirra, sum stendur á odda fyri ar­beið­in­ um í Føroyum. - Endamálið er at varpa ljós á støðuna. 215 milliónir kristin verða atsókt fyri sína trúgv í dag. Tað kost­ar at verða kristin í heiminum í dag, sigur Rói Norðoy. Rakar vanlig fólk - Vit skulu minnast til, at hetta eru vanlig fólk, sum verða rakt av hesi forfylgingini, sigur hann og vís­ir til eitt álop í Indonesia í mai, har ein familja leyp á tríggjar ym­isk­ar kirkjur ein sunnumorgun. 13 fólk vórðu dripin í álopinum og yvir 41 eru særd. - Ímynda tær at hetta hendi í Havn og Dómkirkjan, Ebenezer, City Church og Filadelfia allar blivu álopn­ar sama morgun. Vit munnu kenna nógv, sum eru í kirkju ella á møti í hasum støðunum ein sunnu­ morgun, sigur Rói Norðoy. Open Doors arbeiðir tí nógv við at kunna um, hvat hendir runt um í heiminum. - Vit royna at kunna kristin, kirkj­ur og samkomur um støðuna gjøgnum tíðindaskriv og annað. Vit royna at ávirka stjórnirnar í heim­inum at taka forfylgingina av teimum kristnu í størri álvara. Og vit royna at fáa fólk at biðja fyri sínum kristnu systkjum, sum verða atsókt vegna sína trúgv, sigur hann. Í Irak var mett at tað vóru 1,2 milli­ónir kristin, áðrenn seinna Irak-kríggið byrjaði. Nú eru vænt­ andi nøkur fá 100.000 eftir. Vit kunnu biðja Men hvat kunnu vit føroyingar gera við tað, at kristin aðrastaðni í heiminum verða atsókt? - Tað, sum vit føroyingar fyrst og fremst kunnu gera er at biðja. Tí hava vit daglig bønarevni, sum fólk finna antin á Facebook-vanganum hjá okkum, sum eitur Open Doors Før­oyar, ella á heimasíðuni www. forfulgt.dk. Vit trúgva á ein Gud, sum hoyrir og svarar bøn, sigur Rói Norðoy. Harnæst kann man stuðla fíggj­ arliga. - Í dag verður nógv orka lagt í at veita teimum kristnu stuðul til at byggja kirkjur og samfeløg upp aft­ur eftir forfylging. Open Doors veita tí fíggjarligan stuðul til sam­ starvs­felagar, sum síðani nýta peningin til antin at byggja kirkjur upp­aftur ella at byggja handar, skúlar ella annað upp aftur, sum kann vera rakt antin av forfylging, tí eigararnir vóru kristnir, ella or­ saka av kríggi, sum til dømis í Irak og Sýria, sigur hann. Ugga tey atsóktu Ein annar møguleiki er at skriva brøv til tey atsóktu kristnu. - Eg tosaði við eina kvinnu fyri nøkrum mánaðum síðani, sum hevði tað, at hon skrivaði til aðr­ar kvinnur, sum vóru raktar av for­ fylging. Hetta er ein uggan fyri tey, sum verða líða hvønn dag, at tey vita tað, at tað eru onnur, sum hugsa um tey, stuðla teimum og biðja fyri teimum, sigur Rói Norðoy. Peningurin, sum føroyingar lata verður sendur umvegis donsku skrivstovuna hjá felagsskapinum. - Føroyska innsavningin er ikki komin heilt í gongd enn, men á donsku heimasíðuni www.forfulgt. dk ber til at senda stuðul og annars kunna seg meiri um arbeiði, sigur Rói Norðoy. Føroyska tilfarið er fyribils at finna á Facebook-vanganum hjá felags­skapinum, sum eitur Open Doors Føroyar. - Har leggja vit bønarevni út hvønn dag, umframt nakrar longri tíð­indastubbar og vitnisburður nakr­ar ferðir um vikuna, sigur hann. Hann sigur, at hóast radikalt isl­am er ein stór hóttan fyri tey kristnu, so eru tað ikki bara musl­ imar, sum liggja teimum eftir lív­ in­um. - Í India er atsóknin voksin heilt nógv seinnu árini, men har eru tað radikalir hinduistar, sum fremja álopini. Í mið- og suðuramerika eru tað rúsevnisharkaliðini, sum gera seg inn á tey kristnu, sum tora at siga teimum ímóti, sigur hann. - Tað, sum vit síggja í dag, er at atsóknirnar gerast fleiri í tali og tørvurin á stuðuli gerst størri. Fíggj­arligi stuðulin veksur, tí tað eru so mong, sum missa bæði hús og heim í atsóknunum. Borgarakríggið í Sýria, sum eisini gongur hart út yvir tann kristna minnilutan í øk­in­um, krevur eisini, at nógvur stuð­ul verður veittur til at hjálpa børn­unum har, sum uppliva djúp trauma av hendingunum, sigur hann. Norðurkorea er vandamiklasta stað at vera kristin 16. árið á rað verður Norðurkorea mett at vera landið, har kristin uppliva harðastu atsóknirnar fyri at vera kristin. Felagsskapurin Open Doors ger á hvørjum ári ein lista, sum eitur World Watch List, har skrásett verður, hvussu ógvuslig forfylgingin er í ymiskum londum. 16. árið á rað er Norðurkorea ovast á listanum, men í Afganistan og Somalia er forfylgingin um at blíva líka ógvuslig. Soleiðis sær listin út í ár: 1. Norðurkorea 2. Afganistan 3. Somalia 4. Sudan 5. Pakistan 6. Eritrea 7. Libya 8. Irak 9. Jemen 10. Iran 11. India 12. Saudiarabia 13. Maldivurnar 14. Nigeria 15. Sýria 16. Usbekistan 17. Egyptaland 18. Vietnam 19. Turkmenistan 20. Laos