týsdagur 3. juli 2018síða 12

Mikudagur 4. juli 2018 · Nr. 75 12 Sosialurin Hugskot og viðmerkingar – send sms til 225000 TÍÐINDI Vilmund Jacobsen Tað eru ítróttarfeløgini í Fugla­firði, ÍF Fótbóltur, ÍF Flog­bóltur, ÍF Badminton og FS (Fuglafjarðar Svimjifelag), sum skipa fyri tiltøkunum á varmakeldu, og tað eru eisini feløgini, sum hava kafé, mat­ stovu og dans í Mentan­ar­ húsinum. Vanliga er tað fótbólts­ nevndin, sum tekur stig til at savna feløgini, tá arbeiðið at fyrireika varma­keldu­stevnu byrjar. Tað eru nógvar hendur, sum skulu til fyri at lyfta slík stevnutiltøk, og ein av aktivu persónunum í fyri­reik­ing­ unum av varma­keldu er Leif Andre Eliasen. Hann ásannar, at tað er munur á at skipa fyri varma­ keldu, tá FM-kapp­róður er. FM-kappróðurin skiftir millum varmakeldu og eystan­stevnu, og í ár var FM- kapp­róður á eystanstevnu og verður soleiðis ikki á varma­keldu. Onkuntíð var kappróður á varmakeldu, tó at hesin ikki taldi við í FM. Tá var hetta líka sum vinaróður. Nú varmakelda verður í Fuglafirði um vikuskiftið, verður eisini Fjarðastevna í Vestmanna, har FM-kapp­ róður verður, og so­leiðis verður eingin kapp­róðr­ar­ bátur at síggja í Fuglafirði. Feløgini ivaðust Tað er eingin loyna, at gomlu bygdastevnurnar hava tapt fyri tónleikafestivalum og báta­stevnum, og tá so eingin kapp­róður er við heldur, kann vera trupult at savna fólk til hesi stevnutiltøk. Leif Andre Eliasen sigur, at feløgini í ár vóru eitt sindur í iva um, hvørt tey yvirhøvur skuldu fara í holt við at fyrireika varmakeldu. - Men, í mai tóku vit so endaliga avgerð um, at varma­kelda skuldi haldast. Vit hugsaðu eisini, at sleppur tiltakið fyrst at detta ordiliga niður fyri, kann tað gerast trupult at reisa varmakeldu á føtur aftur. Borgarstjórin í Fugla­ fjarðar kommunu, Sonni á Horni, hevur onkuntíð rópt varmakelduna, tá FM-kapp­ róður ikki er við, fyri ta minnu varmakelduna - og stevnu­na, tá kappróðurin er við - fyri ta størru. Blæsa nýtt lív Leif Andre Eliasen sigur, at tað er munur á áhuganum mill­um fólk fyri varmakeldu, tá stevnan telur við, og tá hon ikki telur við. - Jú, tað er rætt, at gomlu bygda­stevnurnar hava tað trupult í kappingini við onnur festival-tiltøk. Í ár um­hugsaðu vit at hava eitt konsert­tiltak á sandinum, kanska fyri tey yngru og upp til fólk í 20-unum. Men, vit noyddust á ásanna, at tíðin at fáa eitt slíkt tiltak upp á standa var heldur stutt á hes­ um sinni, sigur hann. Í fjør varð ein roynd gjørd at hava sonevndar hava­ konsertir í bygdini á varma­ keldu, men tíverri gjørdist oys­andi regn, soleiðis at neyðugt var at hava kon­sert­ ir­nar innandura. - Veðrinum eru vit ikki harrar yvir, leggur Leif Andre Eliasen aftrat. Hann heldur, at neyðugt er at broyta konseptið ella at leggja aftrat konseptinum við bygdastevnunum, so­leið­ is at meira lív kann blæsast í hesi tiltøk aftur. Varmakeldubál Tað hevur eydnast fyri­ reikar­unum í ár at leggja eina góða og forvitnisliga skrá fyri varmakeldu og so­leiðis, sum eisini sæst í skránni, sum er á síðu 3 í Sosialinum í dag, byrjar skráin fríggjadagin, 6. juli. Tað er serliga leygardagin, 7. juli, at nógv ymiskt er á skránni í Fuglafirði. Hæddarpunktið leygar­ dagin er skrúðgonga við ítróttar­fólkum av fót­bólts­ vøllinum og oman á torgið við Mentanarhúsið. Tað verður eisini her á torginum, at býráðslimurin og formaðurin í havnar­ nevnd­ini, Kristian Petersen, fer at seta varmakeldu klokkan 13. Við setanina fer Fugla­ fjarðar Hornorkestur eisini at seta sín dám á. Tó at eingin konsert verður á hugnaliga sandi­ num í Fuglafirði á hesum sinni, verður høvi kortini at vitja her niðri á varmakeldu. Leif Andre Eliasen sigur, at leygarkvøldið frá klokkan 22.30 til 23.30 verður skipað fyri varmakeldubáli á sandi­ num. - Her fer Margit Stórá at halda røðu, Danni og Rúni (frá Danny and the Veetos) fara at syngja nakrar sangir, og eisini verða felagssangir. Fjepparafótbóltur Eitt tiltak, sum fyrstu ferð varð roynt í fjør, verður upp­ aftur­tikið á varmakeldu í ár. - Hetta er ein sonevndur fjeppara­dystur millum ÍF- fjeppar­ar og Víkinga-fjeppar­ ar. Hetta tiltak varð so mikið væl dámt í fjør, at Víkinga- fjeppararnir bóðu um nýggjan dyst á G!, tó at teir eisini høvdu vunnu dystin í Fugla­firði. Hann sigur, at fjeppara- dysturin verður spældur, áðr­enn HM-dysturin, sum eisini verður vístur í Mentan­ ar­húsinum klokkan 15, fer í gongd. - Annars verður HM- dysturin, sum verður klokk­ an 19 leygar­kvøldið, eisini vístur í Mentan­ar­húsi­num, og sama verður við báðum HM-dystunum sunnudagin, sigur Leif Andre Eliasen. Tað hevur eydnast fyrireikarunum at leggja eina góða og forvitnis­ liga skrá fyri varmakeldu í ár. - Detta gomlu bygdastevnurnar niður fyri, kann tað gerast trupult at reisa tær á føtur aftur, sigur Leif Andre Eliasen, ein av fyrireikarunum av varmakeldu FUGLAFJØRÐUR Í FOKUS Á VARMAKELDUSTEVNU