týsdagur 3. juli 2018síða 16

Mikudagur 4. juli 2018 · Nr. 75 16 Sosialurin Hugskot og viðmerkingar – send sms til 225000 Tróndur Arge B36 skal hósdagin spæla returdystin móti St Joseph’s av Gibraltar. Fyrri dyst­urin í undanumfarinum til Europa League endaði við javnleiki 1-1. Vónbrotið í Gundadali var til at fáa eyga á, tá dómarin bríkslaði fyri sein­astu ferð, tí B36 var væl betra liðið, men eitt mistak í verjuni kost­ aði dýrt. -Tað einasta góða við hesum dysti­num er, at tað er fyrri hálv­ leik­ur. Hetta er enn ein dystur, har vit eru betri, men ikki vinna, sigur Jákup á Borg, venjari hjá B36. Undan dystinum í Gundadali var boðskapurin greiður. B36 skal spæla sítt spæl, sum er eygagott bólt­spæl, har mótstøðuliðið verður trýst í botn. Tað eydnaðist til eitt vist, men broytingar á liðnum gjørdu, at trýstið onkra løtu í seinna hálvleiki ikki var so ágrýtið sum ætlað. Nú lorar Jákup á Borg fyri, at lið­ið hevur eina B-ætlan, um tað vís­ur seg, at St Joseph’s ætlar at liggja í verjustøðu allan dystin, og at vøllurin er torførur at spæla á. -Vit hava spælarar, sum eru sterkari enn teirra í luftspælinum. Skal tað til, so fara við at spæla við long­um sendingum og leggja trýst á, sigur Jákup á Borg. SAS og B36 spæla ikki væl saman Fyrireikingarnar til seinna dystin hava tó ikki verið góðar hjá B36. Lið­ið skuldi fara av landinum mána­dagin, men av tí at SAS ikki lendi, so stóð hópurin eftir. Felagið valdi síðani at strikað alt hjá SAS og flúgva við Atlantic. - Vit høvdu bookað við SAS, men teir avlýstu. SAS bjóðaði okkum at royna aftur í gjár, men kundi ikki fáa okkum til Malaga fyrr enn í morgin eftir døgurða, og so skal koyrast til Gibraltar. UEFA hevur ásett, at tú skalt verða í landinum 24 tímar áðrenn dystin, so tað tordu vit ikki at satsa uppá. Tí annuleraðu vit alt hjá SAS, og keypti alt av nýggjum. Tað er ein held­ur stór eykarokningm, sigur for­maðurin í B36, Rúni Herup Olsen. Hópurin gekk sær ein túr í týs­ dagin í Danmark, har fyrsti taktikk­ fund­urin var á skránni. Eftir ætlan verður flogið týsdagin klokkan 17 úr Dan­mark, sum er eftir prentstart av blað­num. Eftir ætlan skuldi hópur­in komið á staðið umleið á mid­nátt. Í B36 eru tey eitt sindur vón­brotin av alternativinum, sum SAS kom við. -Vit høvdu kanska vónað, at SAS kundi hjálpa við einum betri alterna­tivi, sigur Rúni Herup Olsen. Helst sama uppstilling Hóast Jákup á Borg hevur latið upp fyri, at B36 hevur ein B-ætlan við bein­leiðis sendingum fram í álopið, so verður helst talan um somu upp­ still­ing. Andrias H. Eriksen bleiv skift­ur út í fyrra dystinum við skaða og er ivasamur, men er hann klár­ur, so spælir hann. Verður hann ikki klárur, so verður tað ein mann fyri mann útskifting. -Ivamálið er Andrias, men um hann ikki spælir verður tað Bjarni Peter­sen ella Ragnar Samuelsen, sum kemur inn á høga bakkin. Bjarni Petersen er um at verða heilt klár­ur aftur, men eg veit eisini at Ragn­ar Samuelsen er ungur og hetta er fyrsta árið hjá honum, men hann hevur gjørt tað ótrúliga gott hvørja ferð hann er komin inn, sigur Jákup á Borg. Hann sigur víðari, at talan verður um sama lið, men at tað verða onkrar broytingar innan­ hýsis. Millum annað væntar venj­ar­ in hjá B36, at mótstøðuliðið hevur lisið væl upp á Lukasz Cieslewicz, ið spældi væl í fyrra dystinum. Tí verður neyðugt við onkrari broyt­ ing í flytingunum á vøllinum. -Eg eri nøgdur við fleiri ting av fyrra dystinum. Vit skulu fínpussa nøkur ting í serliga álopsspælinum, men tølini lúgva ikki. Vit vóru nógv betri, so tað er ongin orsøk at boyta alt bara tí vit ikki vunnu, sigur Jákup á Borg, sum tó hevur ein B-ætlan klára. Tað er tiltikið torført at spæla í eitt nú Gibraltar og Andorra, tí gras­líkis­vøllirnir eru av gamla slagnum, har bólturin eitt nú hoppar nógv, tá tú leggur eina avlevering á vølli­num. -Teir hava skift vøllin í januar, so vit vóna at tað er spælandi á honum. Annars royna vit minst møgu­ligt at hugsa um tað, men vit hava ein tanka um, at spæla meiri beinleiðis, um teir leggja seg aftur og tað er torført at spæla á vølli­ num, sigur venjarin hjá B36. Eitt boð er, at Erlendur Magnus­son verður fluttur longur fram, so at hann við síni styrki í renningunum og styrki í luftspælinum hann hótta meir. At enda leggur Jákup á Borg afturat, at stemningurin er góð­ur í hópinum, hóast ferðin ikki hevur gingið sum ætlað. B36 skal skora, um teir skulu koma víðari, tí St Joseph’s hevur mun­in við máli á útivølli. FLEIRI AVBJÓÐINGAR HJÁ B36 SAS lendi ikki og hjálpin stendur ikki í mát við ynski hjá B36. – Hetta er ein stór eykarokning fyri okkum, sigur Rúni Herup Olsen, formaður í B36. Venjarin er til reiðar at broyta spæliætlan, um tað er neyðugt Møguligt uppstilling: RÓI MØRK HENTZE ALEX MELLEMGAARD ODMAR FÆRØ ROBERT HEÐIN BROCKIE ANDRIAS H. ERIKSEN LUKASZ CIESLEWICZ ELI F. NIELSEN MEINHARD E. OLSEN ERLENDUR MAGNUSSON BENJAMIN HEINESEN KAIMAR SAAG Tilgongd og nýggir sáttmálar B36 kunngjørdi í vikuni, at felagið hevur leigað Michal Przybylski frá pólska felagnum, Widzew Lodz. Hann bleiv í fjør kosin til árins unga spælara í Føroyum, har hann umboðaði Skála. Hann er ikki við á ferðini til Gibraltar, tí hann er ikki tilmeldaður Europa League hópinum, sum skal sendast inn til UEFA eitt samdøgur undan fyrra dystinum. Hartil hava Bjarni Petersen og Trygvi Askham longt sáttmálarnir til 2020. FÓTBÓLTUR Europa League uttan SAS: