týsdagur 3. juli 2018síða 17

17 Mánadagur 6. januar 2014 · Nr. 2 Sosialurin Mikudagur 4. juli 2018 · Nr. 75 Hugskot og viðmerkingar – send sms til 225000 Møguligt uppstilling: KRISTIAN JOENSEN ÓLAVUR NICLASSEN BORIS DOSLJAK DENI PAVLOVIC SEMIR HADZIBULIC PÁLL A. KLETTSKARÐ HØRÐUR H. ASKHAM JÁKUP B. ANDREASEN JÓANNES BJARTALÍÐ JÓANNES K. DANIELSEN STEINBJØRN OLSEN FÓTBÓLTUR Europa League: Vit spyrja Jákup Ósá: Tróndur Arge Tað er sannur fótbóltsstemningur í Klaksvík undan returdystinum móti Birkirkara av Malta. Fyrri dysturin endaði við javnleiki 1-1. Deni Pavlovic skorði søguliga málið hjá KÍ, sum er tað fyrsta á útivølli í Evropa-kapping hjá klaksvíkingum. Úrslitið merkir, at KÍ hevur mun­in undan seinna dystinum í undanumfarinum til Europa League, tí eitt mál á útivølli telur meir. Tað vil siga tað sama sum, at Birkir­bara skal skorað, fyri at hava ein møguleika at koma víðari. Tað er ein stórur fyrimunur fyri KÍ, sum er væl skipað og hevur prógvað, at liðið kann halda sterkari mótstøðu frá at skora. Í fjør spældi KÍ móti AIK Stockholm úr Svøríki. Fyrri dysturin var í Gunda­dali, har stórfavorittarnir úr Svøríki høvdu torført við at skapa møgu­leikar. Tá tapti KÍ heili 5-0 í Svøríki, men stigið í Gundadali stendur við. Tað prógvar, at KÍ sum felag og lið er komið langt. Tað verður óiva neyðugt hjá liðnum at spæla við skilið, tí enn er Birkirkara favorittur at koma víðari. Felagið hevur mill­ um annað ein fíggjarætlan, sum er upp til fýra ferðir so stór sum tann hjá KÍ. Ivasamt um spælskipan og spælarar Ein av teimum, sum var við á ferð­ ini á Malta er ítróttarskrivarin hjá Nor­ð­lýsinum og bolt.fo, Jákup Ósá. Hann hevur fylgt gongdini neyvt, men ivast í uppstillingini. -Um Marko Dusak er skaddur, meðan Jákup B. Andreasen og Jóan­nes Bjartalíð verða tøkir, so vænti eg at KÍ byrjar sum liðið sá út á Malta, tá Marko Dusak fór út fyri Steinbjørn Olsen. Spurningurin er so, hvør leikskipanin verður, sigur Jákup Ósá. Hann heldur, at tað er ein møgu­ leiki, at KÍ spælir 4-4-2 til hendan dystin. Tað hevur KÍ gjørt fyrr, har antin Jóannes Bjartalíð ella Boris Dosljak spæla aftanfyri áleyparin. -Aðrir møguleikar eru Ronni Møller-Iversen, Óli Ey. Poulsen og Ísak Simonsen, um hann verður klárur, sigur Jákup Ósá. FM1 á staðnum FM1, sum er nýggja navnið hjá Rás2, fer at siga frá dystinum. Byrjað verður at senda longu klokkan 15, tá HM-radio og Fótbóltspanelið verður á skránni. Sjálvur dystur­ in hjá KÍ verður klokkan 19, men byrjað verður at senda úr Gunda­ dali klokkan 18. trondur@sosialurin.fo Hvat heldur tú um avrikið á Malta? Tað bleiv ein dystur við fáum málmøguleikum og til tíðir nógvum fríspørkum. Hetta passaði KÍ væl, tí hóast Birkirkara hevði bóltin munandi meir, so hevði KÍ fult tamarhald á í verjupartinum allan dystin. Á nógvum økjum raka flestu KÍ leikararnir sítt hægsta støðið. Hetta var ein 0-0 dystur sum endaði 1-1, tí hvørgan av liðunum skapti 5-6 møguleikar, sum vanliga skulu til fyri at skora eitt mál. Hvussu sært tú møguleikarnar fyri at KÍ kemur víðari? Júst tað at flestu KÍ leikararnir raka sítt hægsta støði verður eisini neyðugt hendan seinna dystin. Tí sum útgangsstøðið hevur Birkirkara helst betri leikarar og til tíðir sást, at teir kanska eru eitt vet betri á bóltinum. Men KÍ er eisini betri á fleiri økjum, sum í fyrra dystinum sá út til at viga upp soleiðis, at talan var um ein javnan dyst í málmøguleikum. Tað er ein smeitur fyri KÍ, at Marko Dusak er skaddur og helst neyvan við til hendan dystin eins og ivamál er um Jákup B. Andreasen og Jóannes Bjartalíð, sum hava havt onkrar skaðar at dragast við upp undir dystin. Birkirkara hevur sambært teirra venjara møguliga onkrar leikarar við, sum ikki vóru við til fyrra dystin. KÍ hevur ''heimavøll'', meðan Birkirkara fleiri ferðir fyrr hevur vunnið seg víðari vegna góð úrslit á útivølli. So í mun til fyrra dystin talar tað til fyrimuns fyri KÍ, at hava heimavøll og vera frammanfyri, tá dysturin byrjar, meðan tað eru fleiri aðrar orsøkir sum benda á, at Birkirkara helst er betri fyri enn fyri einari viku síðani. Hvat tippar tú í seinna dystinum? Eg haldi fyrri dysturin bendur á, at her er trupult at taka dagar millum liðini. Tá vóru tað smálutir og tilvild sum avgjørdu, hvønn veg tað fór, tí vit vóru bara fáar minuttir frá, at Birkirkara vann ein óuppibornan 1-0 sigur. Kemur KÍ at mangla Marko Dusak og kanska eisini Jákup B. Andreasen og/ella Jóannes Bjartalíð, so viknar KÍ á pappírinum, og tá hava leikararnir sum koma inn eina stóra uppgávu. Hørður H. Askham verður helst fluttur aftur í verjuna, og tað viknar um verjupartin á miðvøllinum. Eg fari at hefta meg við fyrra dystin, har tað var javnt býtt millum liðini í málmøguleikum, sum vóru fáir. Heimavøllurin hjá KÍ var stekanska er styrkt frá seinast. So eg tippi 0-0, men tað krevur eitt sera gott KÍ avrik. Her stendur nógv uppá spæl, tí hetta kann blíva størsta kvøldið í Europa søguni hjá KÍ. So er bara at vóna, at týdningurin av dystinum ikki ávirkar KÍ avrikið skeiva vegin. KÍ er eitt reint mál frá at skriva søgu KÍ hevur ongantíð megnað at vunnið seg víðari í Evropa, men nú er møguleikin til staðar. 1-1 javnleikurin á Malta merkir, at um Birkirkara ikki skorar móti KÍ í annaðkvøld, so kemur KÍ víðari á fyrsta sinni