týsdagur 29. mai 2018síða 18

Mikudagur 30. mai 2018 · Nr. 60 18 Sosialurin Hugskot og viðmerkingar – send sms til 225000 TÍÐINDI Áki Bertholdsen Gongst sum ætlað, fer tað verða dýrari hjá fólki, sum ikki er fast­ búgv­andi í Føroyum, at ferðast við Strand­ferðsluni, enn tað er hjá teim­um, sum eru skrásett at búgva í Føroyum. Tað sigur Hilmar Eliasen, stjóri á Strand­ferðsluni. Sum tað sæst í hinari greinini, eru føroy­ingar at kalla púra samdir um, at tað skal vera dýrari hjá teimum, sum búgva uttanlands, at ferðast við Strand­ ferðsluni, enn tað er hjá føroy­ ingum. – Vit arbeiða við at gera eina skipan, har ferðafólk, sum ikki eru fast­búgvandi í Føroyum, rinda ein meiri veruleikakendan prís fyri at ferðast við Strandferðsluni, sigur stjór­in. Arbeiða við einum uppskoti Tað er nógv bíligari at ferðast innan­lands í Føroyum enn tað er at ferðast innanlands í øðrum londum og samstundis sum Strandferðslan gevur stórt hall, hevur tankin tikið seg upp, at hava ymiskar prísir á ferða­seðlum, ein prís fyri tey, sum búgva her í Føroyum, ein ein prís, sum hava fastan bústað í Føroyum. Stjórin á Strandferðsluni sigur, at tey arbeiða við einum uppskoti, um hvussu ein skipan kann snikkast saman, men hann sigur, at hetta er eisini ein spurningur um at bøta um hald­førið hjá Strandferðsluni. Hann sigur, at talan verður rætt og slætt um at býta ferðafólkið sundur í tvey, tey sum hava fastan bústað í Føroy­um og tey, sum hava fastan bú­stað uttanlands. Fyrsta stigið á leiðini er at fáa nøkur hagtøl fyri, hvussu stórur partur av ferða­fólkunum við Strand­ferðsluni eru fólk, sum býr uttan­lands. Ein máti at gera tað upp á, er rætt og slætt at standa við landgongina og spyrja ferðafólk um tey búgva í Føroy­um, ella ikki. Eitt tilmæli í heyst Hilmar Eliasen sigur, at í løtuni situr ein arbeiðsbólkur og ger eina lýsing av, hvørji krøv ein ferðaseðlaskipan hjá Strandferðsluni skal lúka. Í hesum sam­bandi verður spurningurin eisini við­gjørdur um, í hvussu stóran mun tað skal bera til at keypa ferðaseðilin á internetinum, áðrenn ferðafólk fara um­borð. Hann sigur, at eina ferð í heyst fær hann eitt tilmæli frá arbeiðs­ bólki­num. Hvussu stórur prísmunurin skal vera á ferðaseðlaprísinum hjá fast­búgv­andi føroyingum, og øðrum, veit hann heldur ikki at siga, tí hann sigur, at tað verður eisini eini politiskur spurn­ingur. Broyta prísin fyri ferðafólk sum ikki búgva í Føroyum FERÐASEÐLAPRÍSIR Vit arbeiða við eini skipan, har ferðafólk, sum ikki eru fastbúgvandi í Føroyum, rinda ein meiri veruleikakendan prís, sigur stjórin á Strandferðsluni Áki Bertholdsen Ferðafólk, sum ikki búgva fast í Føroyum eiga at rinda nógv meiri fyri at ferðast við Strand­ferðsluni. Tað eru føroyingar mest sum samdir um, vísir ein nýggj meiningarkanning, strand­ferðslan hevur gjørt, og har 400 tilvildarlig fólk kring landið vórðu spurd um hesi viðurskiftini. Strandferðslan hevur gjørt kanningina fyri at vita, hvat fólk halda um prísirnar á Strandferðsluni. Í kanningini hevur Strand­ ferðslan spurt, hvat fólk halda um prísirnar ferðaseðlum og um tey halda, at tað er ein gongd leið at hava ymiskar prísir, har fólk, sum ikki eru fastbúgvandi í Føroyum skulu rinda meiri enn føroyingar. Eingin ivi Og í hesum sambandi eru føroyingar ikki í iva, tí heili 79,5 prosent halda, at ferðafólk, sum ikki búgva fast í Føroyum, skulu rinda minst tvær ferðir so nógv fyri ferðaseðilin við Strand­ ferðsluni, sum fast­búgv­andi føroyingar gera. Ein vanligur ferðaseðil við Smyrli kostar 80 krónur, men tað eru altso heili 79,5 prosent, sum halda, at útlendsk ferðafólk skulu rinda 200 krónur fyri ein ferða­seðil við Smyrli. Harafturat halda 13,75 prosent, at ferðafólk, sum ikki hava fastan bústað í Føroy­um, skulu rinda 300 krónur fyri ein ferðaseðil og 6,75 prosent halda enntá, at tey skulu rinda 400 krónur fyri ein ferðaseðil. Samstundis halda tveir triðingar av fólkinum, at útlendsk ferðafólk eiga at rinda 100 krónur fyri ein ferðaseðil á teimum styttru rutunum, har hann annars kostar 40 krónur, men heili 16 prosent halda, at tað er hóskandi at tey rinda 200 krónur fyri ferðaseðilin. Men sum heild halda fólk, at tá ið ferðafólk, sum ikki eru fastbúgvandi í Føroyum, ferðast við Strandferðsluni, skulu tey rinda áleið tað sama fyri ferðaseðilin, sum tey rinda, tá ið tey ferðast uttan­lands. Tað merkir, at tey skulu rinda munandi meiri fyri ferða­seðilin, tí aðrastaðni er tað sum heild nógvar ferðir dýrari at ferðast enn tað er at ferðast innanlands í Før­ oy­um. Útoyggjafólk framíhjárætt Samstundis halda heili 83,5 pro­sent av teimum spurdu, at útoyggjafólk eiga at fáa framíhjárætt at sleppa við Strand­ferðsluni, men tað halda 16,5 prosent ikki. Hinvegin vísir kanningin eisini, at sum heilda fólk at tað er heilt skeivt at gera tað púra ókeypis at ferðast við Strandferðkuni, tí tað eru næstan 75 prosent av føroy­ ingum, sum halda, at vit skulu rinda fyri at ferðast. Haraftur ímóti eru tað bara stívliga 11 prosent, sum halda, at tað skal vera heilt ókeypis at ferðast við Strandferðsluni. ÚTLENDINGAR SKULU RINDA DUPULT VIÐ STRANDFERÐSLUNI FERÐASEÐLAPRÍSIR Tað skal verða nógv dýrari hjá fólki, sum ikki búgva í Føroyum, at ferðast við Strandferðsluni ALT OV BÍLIGT Føroyingar eru at kalla púra samdir um, at fólk, sum ikki eru fastbúgvandi í Føroyum, sleppa alt ov bíliga, tá ið tey ferðast við Strandferðsluni