hósdagur 31. mai 2018síða 22

FRÍGGJADAGUR 1. JUNI 2018 SOSIALURIN 61 22 Tað kókaði, tá ið grannarnir í Gundadali tóku stórt fet fram ímóti fyrstu innanhýsis finaluni í 27 ár JÓANNES HANSEN Tað verður ikki fyrr enn miku­ kvøldið 13. juni, at tað verður av­ gjørt, hvørji lið fara at hittast í steypafinaluni, sum verður leygar­ kvøldið 25. august. Eftir fyrru hálvfinalurnar, sum vóru avgreiddar í góðveðrinum í Gundadali í gjár og í gjárkvøldið, hevur HB eftir 2-0 sigur ímóti AB meiri enn annað beinið í finaluni, og B36 hevur annað beinið í finaluni eftir 4-2 sigur ímóti Suðringum. Harvið luktar tað nógv av granna­uppgerð um løgmans­ steypið á Tórsvølli leygarkvøldið 25. august. Tað eru 27 ár síðani B36 og HB hittust í finalu um løgmans­ steypið. Í 1991 vann B36 1-0. Fýrverkið Størra undirhaldið – bæði kring vøllin og í málum á vøllinum – var í fyrra hálvleiki, tá ið B36 hevði vitjan av Suðringum. Vestara skýlið var grønt alt sum tað var, og suðuroyingarnir vóru mælskir og settu harvið flott­an dám á nú, felagsliðið var í størstu avbjóðingini, síðani tey har suðuri fyri einum stórum ári síðani kastaðu saman. B36, sum var illa rakt av skaðum, setti hol á beinanvegin, men gest­ irnir góvust ikki á hondum. Teir javn­aðu, og teir svaraðu eisini aftur, eftir at heimaliðið hevði lagt seg framum 3-1. At B36 fram ímóti steðginum økti til 4-2 – fyri aðru ferð var eftir langt innkast úr høgru – kann fara at vísa seg at verða avgerandi fyri, hvat av liðun­ um fer at røkka í finaluna. -Vit ætlaðu okkum at vinna og í hvussu so er at røkka javnleiki. Tí eru vit vónbrotnir eftir 4-2 tap. Vit eru væl nøgdir við, at tað eydnaðist at skora tvey mál, men vit harmast almikið um, at vit lótu tvey mál ígjøgnum eftir long innkast úr høgru. Tað eigur ikki at koma fyri, sigur Stefan Radosavljevic, sum er skaðadarvaður, men setti dám á, tá ið hann miðskeiðis í seinna hálvleiki varð skiftur inn. -Møguleikin er ikki burtur, og við stóra stuðlinum, sum áskoð­ar­ ar­nir geva okkum, fara vit at leggja alt fyri á heimavølli. B36 venjarin, Jákup á Borg, var nøgdur við úrslitið, men ikki við fyrra hálvleik: -Avrikið í fyrra hálvleiki var út av lagi vánaligt. Hugburðurin var ússaligur, og okkara høvdu hug at goyma seg. At vit vóru framm­an­ fyri 4-2 var meiri orsaka av góðum innkøstum enn leikliga avrikinum. Vit vardu ov illa – alt liðið – men so skal leggjast aftrat, at avrikið var mun­andi betri í seinna hálvleiki, tá ið Eli Falkvard Nielsen var gen­ eral­ur á miðvøllinum, sigur Jákup á Borg. -Tá ið teir megna at skora tvey mál í Gundadali, so fara teir iva­ leyst eisini at skora tvær ferðir á heima­vølli. So hetta er á ongan hátt liðugt, og vit eiga at fara suður við stórari eyðmýkt, sigur B36 venjarin. HB søplaði stórsigur burtur Søgan í ár er, at tað gongur illa hjá mót­støðuliðunum at fáa bóltin í HB málið. Soleiðis var tað eisini seinna­partin í gjár, tá ið AB fór út aftur á Argjum við 2-0 tapi. Harvið er torført at fáa eyga á AB møgu­ leik­an at røkka finaluni. Serliga um tað eydnast HB um tvær vikur at skora eitt mál á Argjum. HB sigurin kundi havt verið væl størri, tí innskifti Ari Mohr Olsen hevði í seinna hálvleiki tríggjar heilt upplagdar møguleikar at økja um leiðsluna, sum heimaliðið vann sær í fyrra hálvleiki. -Vit fegnast um sigurin, og at vit spældu okkum til nógv­ar møguleikar. Fótbóltur er undar­ lig­ur. Nú hevði Ari ikki marginal­ ir­nar við sær, men tað vóna vit, at hann fer at hava næstu ferð. Tað er positivt, at hann so ofta var á rætta staðnum í røttu løtuni. Men sjálv­andi hevði tað verið betri, um vit skoraðu eitt ella tvey mál aftrat. Nú gloyma vit steypakappingina í eina løtu og venda fokus ímóti lands­kappingini, sigur HB venjarin Heim­ir Guðjónsson. AB venjarin Sorin Anghel ásann­ar, at møguleikin at røkka í final­una er lítil: -Vit vita væl, hvussu HB spælir, men kortini kiksaðu vit. Vit løgdu var­liga fyri í roynd at tippa økini, sum teir við diagonalsendingum leggja bóltin í, men kortini skor­ aðu teir bæði málini júst eftir tí upp­skriftini. Tá ið vit so fluttu fólkið longri fram og royndu at pressa miðverjarnar, sum ofta leggja longu sendingarnar, varð tað meiri opið, og teir kundu havt skorað fleiri mál. AB venjarin harmast um, at tað fram ímóti dystarenda ikki eydn­ að­ist at fáa úrtøku úr fleiri spent­ um støðum: -Mál á útivølli hevði havt við sær, at møguleikin var størri á heima­vølli, men vit fara víðari í góð­ur treysti. SORIN OG SUÐRINGAR IÐRA SEG