mánadagur 4. juni 2018síða 13

13 Mánadagur 6. januar 2014 · Nr. 2 Sosialurin Mánadagur 4. juni 2018 · Nr. 62 Hugskot og viðmerkingar – send sms til 225000 STUTTSØGD Føroyski rógvarin, Sverri Sandberg Nielsen, fekk sítt besta úrslit higartil á leiðini, tá hann í gjár var við í World Cup-finalu í Beograd Pætur Albinus FÓTBÓLTUR Finnur Justinussen heldur fram við at skjóta mál í triðbestu donsku deildini, har føroyski áleyparin leygar­dagin aftur skeyt tvey mál, tá ið Næstved hesaferð vann 3-2 ímóti Kolding. Finnur skeyt málini til 1-0 og 2-1, og nú hevur hann skotið heili 11 mál síðani hann varð útleigaður frá Fremad Amager til Næstved í januar. Næst­ved hevur longu tryggjað sær upp­flyting til næstbestu deildina kom­ andi kappingarár, men tað er fram­ vegis ógreitt hvar Finnur fer at spæla. Umboðsmaður hansara, Hans Jacob á Líknargøtu, sigur við bold.dk, at tað er stórur áhugi fyri før­oyska áleyparanum. Tað gongur væl hjá Kaj Leo í Bartals­stovu og teimum í ÍBV. Í gjár fingu teir annan sigurin á rað, tá ið teir vunnu 2-0 á heimavølli ímóti KR Reykjavík. ÍBV, sum er av Vestmannaoyggjunum, gjørdi skjótt av, tí bæði málini vórðu skotin longu innan fyrstu 11 minuttir­nar. Føroyski vongleikarin var við í báðum málunum, og hann átti uppleggið til tað seinna málið. ÍBV hevur stríðst í botninum, men teir hava nú fingið høvdið undan og eru tvey stig omanfyri niður­ flytingarstrikuna. Hinir føroy­ ingarnir hava ikki verið í dysti hetta vikuskiftið, men teir skulu harafturímóti spæla í kvøld. Gunanr Nielsen, Brandur Hendriks­son og teir úr FH spæla ímóti Keflavík, meðan René Shaki Joen­sen og teir úr Grindavík spæla ímóti Fylkir. Stóra føroyska f ó t b ó l t s ­k a p p ­ ingin, Intersport Summar Cup, sum verður í døgunum 7. og 8. juli, fær ú enn eitt útlendskt lið við. Tað er danska Herfølge Boldklub, sum nú hevur boðað frá luttøku við sínum U13-dreingjum. U13- genturnar hjá hesum felagnum koma eisini, og so koma eisini tvey lið hjá norska felagnum, Sportsklubben Haugar. Frá teimum koma tvey U15-lið hjá dreingjum. - Vit eru sera fegin um, at fleiri útlendsk lið hava boða fá luttøku, sigur ein av fyri­skiparunum, Andrass Thomsen. Útvið 100 lið hava nú boðað frá lut­tøku. Freistin at melda til Inter­sport Summar Cup er 15. juni. Danski áleyparin, Nicklas Bendt­ner, kemur ikki við til HM- enda­spælið í Russlandi í summ­ar. Tað er greitt eftir at danski lands­ liðs­venjarin, Åge Hareide, í gjár sáldaði seinastu fýra spælararnir úr HM-hópinum, sum nú telur 23 mans. Teir fýra, sum fingu boð um at fara til húsa, vóru Nicklas Bendtner, Andreas Bjelland, Peter Ankersen og Mike Jensen. Teir báðir fyrstnevndu hava drigist við skaða, og tað er orsøkin til, at teir ikki sleppa við til HM. FR. ÍTRÓTTUR Árliga Tórshavn Marathon varð runn­ið í góðveðrinum sunnudagin. 686 rennarar høvdu tilmeldað seg, og tilbar at renna ymiskar teinar. 142 rennarar valdu at royna seg á marathon-teininum, og her skuldi tað vísa seg, at eitt nýtt met í Tórshavn Marathon-høpi varð sett. Tað var nevniliga tann týski rennarin, Raul Jankowski, sum við tíðini 2:38:00 nú kann kalla seg skjótasta marathon-rennara á før­ oysk­um vegunum. Hann endaði góðan hálvan minutt frammanfyri nummar tvey, sum var Wojciech Kopec úr Póllandi. Besti føroyingur var Cecil Weihe, sum náddi at koma beint undir gylta tríggjar tímars markið – hann rann nevniliga tein­ in upp á 2:59:39. Hjá kvinnunum var tað Helena Javor­nik úr Slovenia, sum hevði bestu tíðina. Hon rann marathon- teinin við tíðini 03:09:16. Merkisvert var tað, at hon rann í næstelsta aldurs­bólkinum, sum var fyri kvinnur ímillum 50-59 ár. Rigmor N. Arge átti bestu føroysku tíðina, sum var 03:27:40, men annars rann svenski Bragdið-rennarin, Sarah Vallin, tíðina 03:17:24. Hetta rakk til eitt 2. pláss í aldursbólkinum 18-39 ár. Rennararnir, sum komu úr øllum heiminum, vóru væl nøgdir við kappingina. - Takk fyri eina frá­líka kapping. Ein vakur teinur, tó eisini strævin. Hann hevði alt, sum er gott við renning – vakurt lands­lag, avbjóðandi lendi, góðar vegir, ídnar fjepparar og eina góða fyri­skipan. Kann viðmælast, tað er so púra víst, skrivar eini rennarin, Steve Thomasson, á facebook. - Góð kapping, óivað tann besta eg havi verið við til, og eg vænti ikki, at hendan verður tikin. Vøkur nattúra, strævnir bakkar og góður stuðul, serliga frá eldru fólkunum, ið sótu uttanfyri og veittraðu við fløgg­ unum, skrivar ein onnur, Claire Collins, óivað sipandi til búfólkini á Boðanesheiminum, sum hava til siðvenju at heppa á rennararnar, tá ið teir koma framvið Strond. Sølvi Reinert Hansen er nýggj­ ur formaður í Frælsum Ítrótti Før­oya (FÍF). Hann tekur við eftir Hall Holm, sum eftir átta ár í sessinum hevur valt at takka fyri seg. Sølvi Reinert Hansen er als ikki ókendur við formansskapin í ser­s­ambandinum fyri frælsan ítrótt, tí hann var nevniliga fyrsti for­maður felagsins tíðarskeiðið frá stovnanini í 2002 fram til 2006. Eisini varð nevndin skipað av nýggjum. Hon er nú, umframt Sølva Reinert Hansen sum for­ mann, skipað soleiðis: Niels Jákup Jakobsen, næstformaður. Guttorm Søren­sen, peningarøkil. Regin Thom­sen, skrivari. Rigmor N. Arge, Karin K. Petersen og Søren Antoft, tiltaks­limir. RÓGVING Føroyski rógvarin, Sverri Sandberg Nielsen, fekk sunnudagin eitt frá­líka gott úrslit, tá ið hann var við í World Cup-finalu í serbiska høvuðs­staðnum, Beograd. Hetta var aðruferð, at hann hevði róð seg í eina World Cup-finalu, og hesa­ ferð kom hann heilt tætt heiðurs­ merkjunum. Sverri bleiv nevniliga samanlagt nummar fýra aftan­fyri Ondrej Synek, Roman Roeoesli og Oliver Zeidler. Danska rógvi­ sam­bandið skrivar, at úrslitið hjá Sverra er tað besta á hansara leið higartil. Sverri var, sum hann ofta er, fremstur eftir 500 metrar, men hesa­ferð misti hann ikki eins nógva tíð til kappingarneytarnar sum hann plagar, skrivar roning.dk. Sverri fekk sítt besta úrslit