mánadagur 4. juni 2018síða 14

Mánadagur 4. juni 2018 · Nr. 62 14 Sosialurin Hugskot og viðmerkingar – send sms til 225000 HONDBÓLTUR FYRRI HÁLVLEIKUR SPILTI SPÆLIÐ – SKUTU ALS IKKI NÓG NÓGV MÁL Í SVØRIKI Føroyska kvinnulandsliðið í hondbólti spældi sín seinasta undankappingardyst á hesum sinni, tá ið liðið skuldi royna seg móti HM-bronsuvinnarunum úr Svøriki. Svøriki var stórfavorittur, og øll vón um eitt gott úrslit hvarv alt fyri eitt, tá ið føroyingarnir ikki fingu mál fyrstu 18 minuttirnar av dystinum. Tíbetur eydnaðist málskjótingin nakað betri í seinna hálvleiki, so at dystarúrslitið gjørdist 32-13 til Sviar, ið stillaðu upp við fleiri heimsstjørnum á liðnum Sjúrður Hildarson Hoydal Hóast truplu dystargongdina og stóra munin, so vóru nakrar støður, ið føroyingar kundu fegnast um, tá ið avtornaði. Stríðsviljanum bilaði lítið, og eftir vánaligu fyrstu 20 minuttirnar, stríddust føroysku genturnar fyri heiðrinum, og komu í fleiri góðar støður í seinna hálvleiki. Munurin millum yrkis­spælar­ar­ nar úr Svøriki, og áhugaleikarunum úr Føroyum var tó alt ov stórur, og 32-13 úrslitið var púra rættvíst, tá ið saman um kom. Hjá Føroyum skaraði ein leikari fram um hinar í álopinum. Tað var Marianna Geirsdóttir Eystberg úr Kyndli, ið fekk seks av teimum 13 føroysku málunum. Hjá henni eydnaðist tað í fleiri førum sleppa til møguleikar, og hon avgreiddi teir oftast so skilagott, at teir endaðu í málinum. Hetta var við føroysku eygunum, hitt hugaligasta við dystinum. Landsliðsvenjarin: Tað var tungt at spæla Tað er eitt vónbrótandi úrslit, sigur Dia Midjord, landsliðsvenjari. Hann vísir á, at at verjan og málverjarnir hjá Føroyum stóðu væl eftir umstøðunum, men álopið var ov vánaligt. Svensku málverjarnir stóðu sera væl, og høvdu tað kanska ov lætt móti føroysku skot­ un­um, ið vantaðu góðsku. Yvirhøvur er 13 mál ov lítið at fáa í einum dysti, sigur Dia Midjord, og greiðir frá, at um málini høvdu verið eini fimm fleiri, so hevði úrs­ lit­ið sæð væl penari út. Men fyrri hálvleikur spilti allar møguleikar fyri einum rími­ lig­um úrsliti. Kanska komu før­ oysku leikararnir inn við nakað stórari virðing fyri svensku heims­ stjørnunum, heldur lands­liðs­ venjarin. Men tá ið tú hittir eitt so sterkt lið, ið eisini tykist ógvuliga tendrað frá fyrsta bríksli, so kann sovorðið henda, sigur Dia Midjord og leggur afturat , at tað gerst sera tungt at spæla, tá ið møguleikarnir at skjóta mál miseydnast so nógv. Hetta er munurin millum yrkis- og áhugaleikarar Men tað er stuttligt at vera við aftur í altjóða hondbólti, og kappingar­ leisturin er soleiðis, at vit mugu spæla móti sterkastu tjóðunum viðhvørt. Tá ið vit hitta mótstøðu sum Svøriki ella Serbia, tá er tað ov nógv at krevja úrslit, staðfestir Dia Midjord. Men vit kunnu nýta slíkar dystir at máta støðið hjá føroysku leikarunum móti heimsins bestu leikarum. Tá sæst nágreiniliga, hvør munurin er á amatørum og yrkisleikarum, og hvat krevst, um Føroyar skulu koma upp millum hesar tjóðir. Landsliðsvenjarin er ikki í iva um hvat krevst. Tað er fyrst og fremst kropsliga venjingin. Sviarnir eru skjótari, sterkari, kvikari og betri fyri tekniskt. Soleiðis er munurin bara á okkara leikarum, ið venja tríggjar ferðir um vikuna, og so sviar og serbar, ið venja hvønn dag – bæði við bólti og í styrkisrúminum. Kropsliga venjingin skal betrast fram móti næstu kapping, um tað skal eydnast betur, heldur venjarin. Leikararnir skulu vísa at tær eru til reiðar at offra tað, ið krevst. Og tað ið fyrst og fremst krevst, er nógv meira venjing- serliga styrkisvenjing. Tað er kravið fyri at vit skulu kunna standa okkum í altjóða hondbólti, staðfestir Dia Midjord at enda. sjurdur@sosialurin. Svøriki – Føroyar 32-13 (17-4) Føroyskir málskjúttar: Marianna Geirsdóttir Eystberg 6, Durita Cristophersen Jojic 2, Heidi Maria Akselsen 1, Bjarta Osberg Johansen 1, Agnas Olsen 1, Turið Arge Samuelsen 1, Maria Halsdóttir Weyhe 1 Svenskir málskjúttar: Olivia Mellegård 4, Cassandra Tollbring 4, Johanna Westberg 4, Hanna Blomstrand 3, Nathalie Hagman 3, Jamina Roberts 3, Jenny Alm 2, Daniela Gustin 2, Sofia Hvenfelt 2, Carin Strömberg 2, Mathilda Lundström 1 Endaliga støðan í bólkinum: Serbia 10 stig Svøriki 10 stig Makedonia 4 stig Føroyar 0 stig Úrslitini hjá Føroyum: Serbia – Føroyar 36-20 Føroyar – Svøriki 15-33 Føroyar – Makedonia 15-22 Makedonia – Føroyar 28-24 Føroyar - Serbia – 17-33 Svøriki – Føroyar 32-13