mánadagur 4. juni 2018síða 21

21 Mánadagur 6. januar 2014 · Nr. 2 Sosialurin Mánadagur 4. juni 2018 · Nr. 62 Hugskot og viðmerkingar – send sms til 225000 num. Spælararnir hugdu eftir sær sjálvum, og teir høvdu eina kenslu av, at tað var farið at ganga rætta vegin, segði Maurice Ross við Kring­varpið. - Dreingirnir vóru sera trúgvir móti mær, og eg kundi ikki havt ynskt mær meira frá nøkrum av mínum spælarum. Frá lið­skipara­ num, Atla, heilt til annan málverjan, Bárður (Lydersen, red.), segði hann við Rás2. Og alt bendir á, at talan er um síná­millum virðing og góðvilja. Spælarar í hópinum vátta, at teir ikki ynsktu, at skotski venjarin varð upp­sagdur og tykjast vónbrotnir av, at leiðslan tók hesa avgerðina. Spurningar standa ósvaraðir Søgan um Víking og Maurice Ross hevur í løtuni fleiri spurningar enn svar. Skotski venjarin hevur givið ábend­ingar um eitt skeiklað sam­ arbeið millum seg og Brand Jacob­sen, men vil ikki greiða nærri frá hesum. Hjá formanninum og Vík­ingi valdar tøgnin, og einki verður av­dúkað um orsøkirnar til upp­søgn­ina. Víkingur hevur vunnið antin føroyameistaraheitið ella kapp­ing­ ina um Løgmanssteypið seinastu seks árini upp í slag, og møguleikin at vinna nakað í ár var mestsum farin, tá Maurice Ross varð koyrdur. Við tí í huga, sum sagt var undan kappingini, er kortini lítið sannlíkt, at vantandi úrslit vóru orsøk til uppsøgnina. Eisini kann sláast fast, at tað ikki vóru spælararnir, ið vildu sleppa av við skotan. Teir hava verið glaðir fyri venjaran, og tað arbeiðið, sum hann hevur gjørt saman við teimum seinasta hálva árið og góðu honum sín fulla stuðul á spælarafundinum. Eftir stendur hevdaða og ódefiner­aða ósemjan millum leiðslu­ na í Víkingi og Maurice Ross. Hvat hon snýr seg um er óvist, og so leingi tøgnin ræður, veit eingin við vissu. trondur@sosisalurin.fo FÓTBÓLTUR Tíðarlinja Víkingur 2015-2018 September 2015: Sámal Erik Hentze avloysir Sigfríða Clementsen sum venjari í Víkingi. Sorin Anghel verður hjálparvenjari. August 2016: Víkingur tapir finaluna um Løgmanssteypið móti KÍ, sum eisini liggur best fyri at vinna FM-heitið. Oktober 2016: Undan seinasta umfarinum í landskappingini, har Víkingur kann tryggja sær FM, skrivar Sámal Erik Hentze undir nýggjan eitt ára sáttmála. Oktober 2016: Víkingur vinnur fyrsta FM-heitið í søgu felagsins, eftir at KÍ missir alt á gólvið í 24. og 25. umfari. Apríl 2017: B36 varpar Víking úr steypakappingini. Hetta er fyrstu ferð síðan 2011, at teir ljósabláu ikki eru annað liðið í finaluni. Oktober 2017: Víkingur staðfestir annað FM-heitið á rað, hóast liðið tapir síðsta dyst á heimavølli fyri EB/Streymi. Oktober 2017: Dupulti FM- vinnarin, Sámal Erik Hentze, boðar frá, at hann gevst sum venjari hjá Víkingi. Sorin Anghel gerst venjari í AB. November 2017: Maurice Ross verður nýggjur venjari í Sarpugerði eftir eitt ár í Suðuroy. Mai 2018: TB/FCS/Royn skelkar Víking í Sarpugerði, tá suðuroyingarnir vinna fjórðingsfinaluna í kappingini um Løgmanssteypið. Mai 2018: Víkingur boðar frá, at Maurice Ross ikki longur er venjari hjá Víkingi. Orsøkin til uppsagnina er ókend. Sigfríður S. Clementsen loysir skotan av. Miðalaldur á teimum 11, sum hava spælt flestar minuttir í landskappingini trý tey seinastu árini 2018: Miðalaldur = 29.8 (10.384 minuttir á vøllinum tilsamans í 12 dystum. Svarar til 23.364 minuttir í 27 dystir) 2017: Miðalaldur = 30.3 (22.823 minuttir tilsamans á vøllinum í 27 dystum) 2016: Miðalaldur = 29.5 (21,343 minuttir tilsamans á vøllinum í 27 dystum) Miðalaldurin á fimm teimum mest brúktu innskiftarunum í landskappingini trý tey seinastu árini 2018: 20.4 (1421 minuttir tilsamans á vøllinum í 12 dystum. Svarar til 3197 minuttir í 27 dystir) 2017: 29.2 (3583 minuttir tilsamans á vøllinum í 27 dystum) 2016: 27 (4028 minuttir tilsamans á vøllinum í 27 dystum) Sokallaða venjaraeffektin var ikki at síggja, og KÍ hevur sjáld­ an havt tað so lætt í Sarpu­gerði, sum tá teir vitjaðu Víking í 12. umfari. Sigfríður S. Clementsen, avloysarin hjá Maurice Ross á beinki­num hjá Víkingi, hevði ikki havt langa tíð saman við spælarunum, men lina avrikið hjá liðnum í 3-0 tapinum framman­fyri egnum áskoðarum hevur ivaleyst givið honum nógv at hugsa um. Venjarin, sum eisini stóð á síðul­injuni í Norðragøtu frá 2013 til kappingarenda 2015, broytti leikskipanina, og hevði aftur fýra mans í verjuketuni, men teir ljósabláu, ið eisini vóru eitt sindur skerdir til dystin, megn­aðu lítið ímóti avgjørda KÍ-liðnum. Uppgávan framyvir verður óivað trupul hjá Sigfríði Clement­sen, ið skal royna at moti­vera ein hóp, sum ikki ynskti eitt venjaraskifti nú. Hin­vegin hevur hann spælarar í Víkingi, sum eru somikið æru­ kærir og trúgvir, at teir neyvan fara at leggja vápnini, men fram­ vegis fara at stríðast fyri felagið. Málið hjá liðnum nú verð­ ur at spæla seg upp aftur á evropeisku plássini. Skal hetta eydnast, er ikki ráð til at snáva ofta, og við 4-1 sigrinum á úti­ vølli móti TB/FCS/Royn hava Sig­fríð­ur Clementsen og spælar­ ar­nir tikið fyrsta fetið. Sigfríður fingið trupla uppgávu