týsdagur 5. juni 2018síða 16

Mikudagur 6. juni 2018 · Nr. 63 16 Sosialurin Hugskot og viðmerkingar – send sms til 225000 Jóannes Hansen Tað ber til at fyrireika og hugsa um allar detaljur. Tá ið kappast verður innandura eru vánirnar fyri óvæntaðum avbjóðingum ikki so stórar. Tær kunnu gera um seg, tá ið kappingarnar eru uttandura og serliga kann veðrið gera um seg, tá ið tað er kappróður á sjónum. Leygardagin var ársins fyrsti FM kappróður. Inntil fyri ikki so nógvum árum síðani var kapp­ róðurin summarítrótt burturav. Soleið­is er tað ikki longur. Inni­ róð­urin er mest sum alt árið, og so eru tað ódnartøkini, ið við trim­ um kappingum leggja upp til FM kappróðurin, og við trimum kapp­ ingum seta punktum eftir at FM kappingin er av. Kappróðurin á norðoyastevnu var fín reklama fyri tjóðarítróttina. Róðrarsambandið hevur nú ásett neyvar tíðir fyri, nær tað verður farið undir róðrarnar. Harvið er ásannað, at føroyskur kapp­róður ongantíð verður nakrar mikro­ ovnur skilt á tann hátt, at tað skal eydnast at avgreiða allar róðrarnar innanfyri tveir tímar. Burtursæð frá byrjunar­trupul­ leik­um gekk alt sum eftir ánni, og síðsta skotið var, tá ið tað skuldi vera. Stóra kappingin Í fleiri av róðrunum var spenningur um fremsta plássið. Í Klaksvík høvdu tey vónað, at Klaksvíkingur, sum í fjør var meistari og á ólav­ søku setti punktum í stórum stíli, skuldi vinna. Tað kemur ikki so ofta fyri, at 10-mannafarið í Klaksvík vinn­ur í heimasjógvi. Hagtølini siga, at Klaksvíkinguar vann á norðoya­ stevnu í 1957 og aftur í 1970. Síðani 2006, tá ið nýggja gulltíðarskeiðið tók seg upp, hevur Klaksvíkingur vunnið fleiri FM, og ofta hevur tað verið uttan at vinna á norðoya­ stevnu. Hvør fer at vinna FM í 2017 fæst at vita seinni í summar. Í dýrdarveðrinum leygarkvøldið varð greitt, at tað ikki eydn­aðist vertunum at vinna norðoya­stevnu­ róðurin. Ormurin Langi vann sann­ førandi sigur og er nú flaggskipið í høvuðsstaðnum. Vertirnir fingu vánaligan start. Teir vunnu seg fram aftur, og fitta løtu var stór kapping millum Ormin Langa, Klaksvíking og Suðuroying, sum av álvara bjóðar seg fram. Tað borgar fyri spenningi, tá ið tað longu leygardagin er nýggjur FM kapp­róður á skránni. Tað verður í Kolla­firði. 8- mannafarið Argjabáturin hev­ur vunnið nógv, og leygardagin vann Argjabáturin. Hann var fremstur mesta partin av teininum. Árn­firðingur var drúgvur og fer møguliga at bjóða av í FM kapp­ ingini. Í kappingini millum 5-mannafør við kvinnur hildu tær úr Fuglafirði stásið við líka. Erla Kongsdóttir hevur seinnu árini vunnið nógv, og leygardagin vann Erla aftur. Kapp­ ingin var stór við Sílið. Nýggi báturin hjá Róðrar­ felagnum Knørri, Tambar, var fremstur í kappingini millum 5-mannafør við gentum. Kappingin var sera tøtt við Blik av Argjum. Havnar Róðrarfelag átti leygar­ dagin bæði bestu og næst­bestu manningina í kappingini millum 5-mannafør við dreingjum, har Drekin akkurát var undan Sílinum. Tryggir sigrar Í fýra kappingum var munurin meiri enn ein bátslongd millum fremsta bátin og fremsta av­bjóðar­ an. Mest sannførandi sigurin av øllum vann Sølmundur í kapp­ ingini millum 6-mannafør við kvinn­um. Ofta hevur guli báturin roynt at vunnið seg fram á Rádna úr Fuglafirði, sum undanfarnu árini hevur verið so sera sannførandi. Leygar­dagin var Sølmundur fýra báts­longdir frammanfyri Páll Fanga, ið eftir vánaligan start vann kappingina um næstfremsta plássið. 6-mannafarið við monnum hjá klaks­víkingum, Páll Fangi, hevði ikki besta startin, men fram ímóti málinum vundu ungu garparnir burtur úr Rádna, sum var næstur, og hinum. Barnaróðurin hevur tað gott í Suðuroy. Nýggi báturin hjá vág­ bingu­m, Fiskurin, vann greiðan sigur í kappingini millum dreingir, og á Tvøroyri eiga teir framvegis góðar kappróðrargentur. Tað sást, tá ið Firvaldur vann tryggan sigur í barna­róðrinum. KAPPRÓÐURIN ER IKKI EIN MIKROOVNUR Í fagrastu líkindum gav róðurin á norðoyastevnu ábendingar um, at talan verður um spennandi kappingarár