mánadagur 11. juni 2018síða 18

Mánadagur 11. juni 2018 · Nr. 65 18 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Toftir, Svangaskarður Í 78. minuttir hevur føroyska U21 lands­liðið stig í skjáttuni. Í ein góðan hálvan tíma eru Føroyar á odda móti Finnlandi, eftir at Benja­ min Heinesen skorar beint fyri hálv­leik. Í seinna hálvleiki hevur før­ oyska liðið ein gyltan møguleika, at økja um leiðsluna, men fáa ikki mál. Løtu seinni eru 1-1 og Finnland legg­ur hald á øll stigini í seinastu minuttunum. Við fimm vanligum startarum uttan­fyri, og tveimum níggjum spælar­um frá byrjan, so talaðu um­ støður­nar ikki fyri einum góðum føroyskum úrsliti, men avrikið hevði til tíðir uppiborið betri. Maður í mans stað Ein av mest brúktu setningunum í fótbólti, tá eitt lið hevur spælarar, sum ikki kunnu vera við er, at maður kemur í mans stað. Eli Hentze er hollur í orðum, og undan dysti­num segði hann tað saman, men bara ein sín heilt egna hátt. Uttan Teit Jacobsen, Meinhard E. Olsen, Hákun Edmundsson, Erlend Magnusson og Bjarna Peter­sen, bleiv pláss fyri spælarum sum Adrian Justinussen úr HB og Ara Olsen úr Skála. Hartil bleiv Jóannes Bjartalíð fluttur inn á mið­vøllin, har hann við bindi um knæið spældi helst sín besta U21 lands­dyst nakrantíð. Torførastu uppgávna fekk høgri bakkurin úr KÍ, Jóannes K. Danielsen. Hann bleiv fluttur á vinstra bakki, har sterkasta kortið hjá Finnlandi, Mikael Soisalo úr Middlesborough í Onglandi spældi. Tað gav ávísar trupulleikar, men serliga í seinna hálvleiki bleiv tann uppgávan til tíðir væl loyst. Benjamin er munurin Fyrri hálvleikur er tvíbýttur. Í eitt stórt korter er føroyska liðið væl við. Vit koma til møguleikar og megna at halda trýstið, tá vit hava havt eitt nú deyðbóltar. Hartil er tað bara í einkultum førum, at finn­lendingar koma til nakað, sum minnir um málmøguleikar. Í seinnu hálvu av fyrra hálvleiki verður føroyska liðið trýst aftur í egnan brotsteig. Tvær ferðir er mál­vejrin, Kartin Hansen, í fullari longd og bjargar. Júst sum tú situr við kensluni, at nú skal føroyska liðið bara koma til hálvleiks, so gleppur í hinum enda­ num. Í tveimum førum fáa finn­lend­ ingar ikki ruddað vekk. Í seinna føri­num er ein misskiljing millum mál­verja og miðverja. Tað endar við, at bólturin dettur fyri føturnar á Benjamin Heinesen, ið lyftur bóltin uppum spælarar og málverja – og beint í málið. -Eg minnist næstan ikki málið. Eg haldi eg skjóti fyrstu ferð. Eg veit at eg skori, tá eg síggi at mál­ verj­in hjá teimum gevst at renna eftir bóltinum, sigur Benja­min Heine­sen. Í hálvleikinum er Føroyar á odda 1-0. Ein góðkent avrik, sum teir næstan 500 áskoðararnir eisini fegnast um. Møguleikin Í seinna hálvleiki leggur Finnland nógv fyri, men í flestu førum er føroyska verjan fyri. Mikael Soisalo heldur fram at leggja trýst á í høgru síðu, men nú hava Jóannes K. Danielsen og Adrian Justinussen, sum báðir eru í okkara vinstru síðu, fingið tamarhald á støðuni. Fleiri ferðir er bakkurin hjá KÍ langt frammi á vøllinum, tá hann vinnur bóltin. So hvørt sum minuttirnir ganga veksur trýsti. Jákup Thomsen hevur ikki longur orku til at leggja trýst á verjuna, men er drúgvur á bóltinum. Einu ferðina er tað so nær við, sum tað kanska kann verða, at føroyska liðið økir um leiðsluna. Jákup Thomsen spælir Adrian Justinussen leysan, men hóast góðan møgleika at skjóta, so spælir hann upp á tvør til Benjamin Heine­sen, sum akkurát ikki røkkur bóltin, men er eisini rangstaddur. Hetta var møguleikin. Missa sigurin á gólvið Liðið hevur hesa løtuna torført við at halda fast í bóltinum. Dropin tyksit verða, tá venjararnir skifta Høgna E. Nielsen innfyri Jóannes Bjartalíð. Liðskiparin hjá 07 Vestur er skilagóður spælari, sum helst hevði passað best at komi inn fyri ein av hinum báðum mið­ vallarunum. Við útskiftingini av Jóannes Bjarta­líð fór einasti framrættaði mið­vallarin, sum kundi dribbla og hótta av miðjuni, meðan spælarar sum Dan í Soylu, Salmundur Bech og Petur Kundsen sótu klárir á bonkinum. Liðið sleppur nú ikki úr trýsti­ num og tað gingur galið, tá tólv minuttir eru eftir. Eftir innlegg úr vinstru er Benjamin Källman fyrr enn Ólavur Nicla­sen á bólti­num, og stútar hann í málið. Bara fýra minuttir seinni er Ari Olsen ikki vakin við handari stong, tá hornaspark kemur innfyri. Har stendur aftur Benjamin Källman og skorar. Útskiftingar gera mun Í hesum minuttunum ger føroyska liðið tvær broytingar. Salmundur Bech og Búi Egilsson koma á vøllin seinastu minuttirnar. Hetta setir lív í føroyska liðið, sum nú aftur megnar at trýsta Finnland. Tað blívur til okkurt hissini skot og inn­legg, umframt at finnlendingar fáa eitt gult kort, fyri at hála Búa Egils­son niður í mótálopi. - Vit iðra okkum um, at vit vóru so seinir at reagera. Sæð í bak­ speglið, so skuldu vit havt tikið avgerð um, at broyta tá tjúgu minuttir vóru eftir, og ikki tá ellivu minuttir vóru eftir. Vit skuldu havt skift frískar spælarar inn, sum kundu havt lagt trýst á mótstøðuliðið longur frammi á vøllinum. Tað sóu vit, tá Búi Egils­ son kom inn, sigur Eli Hentze og leggur afturat: - Eg haldi, at vit høvdu havt størri møguleika at fingið eitt úrs­ lit, um vit høvdu skift út fyrr. Tað mugu vit so taka á okkara kappa, sigur U21 landsliðsvenjarin. Føroyska liðið avrikaði væl, eisini tá hugsað verður um umstøðurnar. Tað gav tíverri einki stig, men fleiri spælarar hava bjóða seg fram. Breiddini bilar einki! trondur@sosialurin.fo Fótbóltur Dysturin hesa vikuna... U21 landsliðið: MISTU LUFTINA OG STIGINI BETUEL LIÐSKIPARI Liðskiparin fyri U21 landsliðið til hendan dystin var Betuel Hansen úr NSÍ. Hetta er fyrstu ferð, at hann er liðskiparin á U21 landsliðnum. – Tað er ein øgiliga stolt kensla og eitt av tí størsta, sum eg havi roynt. Føroyska U21 landsliðið er á odda til 78. minuttir eru spældir, men so misti føroyska liðið luftina – og hareftir stigini. – Vit vóru ov seinir at skifta út, sigur Eli Hentze, U21 landsliðiðvenjari U-21 EM undankapping støðan NR. LIÐ DYSTIR VUNNI JAVNT TAPT + MÁL - MÁL +/- STIG 1  Pólland  6  4  2  0  14  6  +8  14  2  Danmark  6  4  1  1  22  7  +15  13  3  Finnland  6  2  3  1  11  12  -1  9  4  Georgia  7  2  2  3  9  15  -6  8  5  Føroyar 7  1  2  4  7  14  -7  5  6  Litava  6  1  0  5  3  12  -9  3 Kelda: faroesoccer.com