týsdagur 12. juni 2018síða 14

Mikudagur 13. juni 2018 · Nr. 66 14 Sosialurin Hugskot og viðmerkingar – send sms til 225000 Tróndur Arge Seinnu hálvfinalurnar í kappingini um Løgmanssteypið verða í dag. Í Trongis­vági taka Suðringar móti B36, sum vann fyrra dystin 4-2. Lagið er gott B36, har skaðalistin minkar í hvørjum. Á Argjum verður granna­uppgerð millum AB og HB. Havnar­menn vunnu fyrru hálv­ finaluna sannførandi 2-0. Tað skal ein fótbóltsskelkur til, um vit ikki fáa eina endurtøku av steypa­finaluni í 1991 millum HB og B36, men fótbóltur verður jú ikki spældur á pappírinum. HB letur ikki mál inn – AB skorar ikki Argjamenn hava á øðrum sinni vunnu seg í eina hálvfinalu í kapp­ ing­ini um Løgmanssteypið. Í fyrru hálv­finaluni í Gundadali hevði liðið lítið at bjóða upp á, tí HB er í einum flokki fyri seg í løtuni. Ikki tí teir spæla flótandi álopsfótbólt, men tí liðið hevur eitt ótrúligt evni at vinna dystir og ikki lata mál inn. HB vann sannførandi 2-0, men lands­kappingardysturin á Argjum, sum HB vann 1-0, boðar frá, at argja­menn kunnu bíta frá sær. Tað ásanna tey eisini í HB. Seinast vit spældu á Argjum var talan um ein javnan dyst. Tað vænta vit eisini hesa ferð. Tí taka vit einki fyri givið og skulu spæla við øllum, sum vit hava, sigur Ras­ mus Nolsøe, hjálparvenjari hjá HB. HB verður uttan Aleksandar Stankov, sum tey í HB-húsinum vóna verður tøkur til hina granna­upp­ gerðina í vikuni, tá HB sunnu­dagin spælir í lands­kapp­ingini móti B36. HB er eisini uttan Sebastian Pingel, sum nú skal undir skurð og helst ikki spælir atftur hetta kapp­ingarárið, meðan Jógvan Skeel Nolsøe hevur trupulleikar í lærinum. Hann veðrur helst uttanfyri í eina viku ella tvær. Í trimum uppgerðum í ár, hevur HB vunnið samanlagt 8-0 á AB. Tí er ilt at síggja annað enn, at HB kemur í finaluna, men argjamenn ætla ikki at leggja seg. - Øll vita, at HB er favorittar, men vit mugu inn á vøllin sum ellivu Brave­heart ella spartanskir krígs­menn. Vit mugu spæla fyri okkara møgu­leika. Vit vita hvussu HB spælir, men so er spurningurin um vit klára at steðga teimum, sigur Sorin Anghel íðin á málinum. Kreppan á Argjum Men tað er ein lítil kreppa á Argjum. Í 13. umfari í landskappingini tapti AB 6-0 fyri NSÍ við Løkin. Ein orsøkunum var, at liðskiparin og mál­verjin, Heðin Stenberg, fekk bein­leiðis reytt kort. Tað merkir, at hann ikki kann spæla í seinnu hálv­ finaluni. Eykamálverjin, Áki Dahl, kom inn í Runavík, men hevur leingi drigist við skaða. Í vikuni er hann eisini givin at spæla fótbólt. Tí skal AB hava níggjan málverja. Teir royndu í fyrstu atløgu at leiga Andras Gango úr NSÍ og Mein­ hard Joensen úr KÍ. AB og KÍ kundu ikki semjast um treytirnar, meðan Andras Gango var so óheppin at meiðsla sær fótin til arbeiði fyrr í vikuni, so kann ikki er tøkur at spæla. Tí hava argjamenn vent sær til 44 ára gamla Geza Turi, sum er mál­ mans­venjari hjá Víkingi. - Vit eru í samband við Víking og Geza Turi um at gera ein avtalu. Eg vænti tað verður Geza Turi, sum kemur at standa í mál hjá okkum. Tað er ein royndur málmaður, sum eg eisini kenni frá tíðini í Víkingi, sigur Sorin Anghel. Geza Turi er í dag 44 ára gamal og er málmansvenjari hjá Víkingi. Hann gavst fyri tveimum árum síðani at spæla á besta liðnum, men hevur spælt onkrar dystir á næst­besta liðnum. Geza Turi hevur nógvir royndir sum spælari, tí hann hevur spælt í Sarpugerði frá 2006. B36 suður at vinna Í B36 lagið gott, hóast skaðalistin hevur verið langur í alt ár. B36 og Suðringar spældu eina ótrú­liga spennandi og málríka fyrru hálv­ finalu í Gundadali fyri tveimum vik­um síðani. Longu í hálvleikinum var 4-2 til B36, sum eisini bleiv úrs­ lit­ið. Tað merkir, at B36 er á odda við teimum, men útivallarmálini hjá Suðringum telja nógv. Vinna Suðr­ ingar 2-0, so er tað nokk til at koma í steypafinaluna. Tað veit Jákup á Borg, venjari hjá B36, men hann ætlar sær ikki at leggja seg aftur at verja. -Vit vita at tað er trupult at spæla í Trongsvági, men eg vænti eisini at teir halda, at tað er trupult at spæla móti okkum. Um teir klára at skjóta tvey mál í Gundadali móti okkum, so klára teir eisini tað á heima­vølli, so vit skulu ansa eftir. Men vit hava skorað í hvørjum dysti higartil í ár og fara ikki suður fyri at verja leiðsluna. Vit fara suður fyri at vinna, sigur Jákup á Borg, venjari hjá B36. Til onkrar dystir í ár hevur skaða­listin verið upp ímóti teimum tíggju, men í dag er skaðalistin todnaður niður í fimm spælarar. Róaldur Jakobsen, Christian R. FÓTBÓLTUR Løgmanssteypið: Heðin Stenberg hevur leikbann, meðan eykamálverjin er skaddur og givin. Tí hava argjamenn leigað 44 ára gamla Geza Turi úr Víkingi til hálvfinaluna móti HB í kvøld AB LEIGAR GEZA TURI